Húsfreyjan - 01.01.1965, Blaðsíða 22

Kryddsíld með rjómasósu
4 kryddsíldar 1 msk edik
IV2 dl rjómi 1 msk sykur
V2 tsk sinnep Graslaukur
Síldin hreinsuð og útvötnuð 1 klst. Flök-
in skorin á ská í 2 cm breið stykki, raðað
á fat.
Sinnep, edik og sykur blandað saman,
hrært út í þeyttan rjómann. Sósunni hellt
yfir síldina. Skreytt með tómötum og
harðsoðnum eggjum. Klipptum graslauk
stráð yfir.
Síld með eplum
6 saltsíldar útvatnaðar og hreinsaðar vel,
lagðar i sama lög og á franskan hátt. Nú
eru síldarnar flakaðar og flökin skorin í
2 cm bita, sem lagðir eru á fat. Síldin þak-
in með rifnum eplum, smátt söxuðum lauk
og saxaðri eggjahvítu. 1 dl edik + 1 msk
sykur hellt yfir. Borðað kalt með heitum
kartöflum.
Síldarbúðingur
6 útvatnaðar síldar
200 g sýrðar rauðrófur
1 saxaður laukur
V2 kg soðnar kart-
öflur
2 harðsoðin egg
3 egg
4 dl mjólk
50 g smjör
Síldin þarf að vera mjög vel útvötnuð.
Eldfast mót smurt, kartöflusneiðar lagðar
í botninn, þar ofan á er síldin, sem skor-
in er í bita, saxaðar rauðrófur, laukur og
egg lagt í lögum. Kartöflur lagðar ofan á.
Smjörbitar látnir þar á. Egg og mjólk
þeytt saman, hellt yfir.
Mótið sett inn í heitan ofn, þar til egg-
in eru hlaupin, um 25 mínútur.
Fylltar síldarrúllur
3 saltsíldar Brauðmylsna
4 msk saxaður laukur Smjörlíki
6 msk dill
Síldin útvötnuð vel og flökuð. Flökin þerr-
uð vel. Lauk og dill fnotast má við þurrk-
að) soðið saman í dálitlu smjöri, sett á
flökin, sem vafin eru upp. Rúllunum raðað
í smurt, eldfast mót. Brauðmylsnu stráð
yfir, smjörlíki sett yfir í bitum. Sett inn
í heitan ofn 15—20 mínútur. Borðað með
kartöflum.
Soðin ný síld
Síldin hreinsuð og beinin tekin úr henni.
Flökin vafin saman eins og sýnt er. Rúll-
unum raðað þétt í pott. Köldu vatni hellt
yfir, saltað. 1 lárberjalauf og 5 piparkorn
soðin með. Suðan látin koma hægt upp.
Þegar sýður er slökkt undir pottinum og
potturinn látinn standa velluktur í 8—10
mínútur.
Síldin borin fram með góðri sósu, t.d.
sítrónu-, kapers-, steinselju-, karrý- eða
grænmetissósu.
Steikt síld
1 kg síld Vs tsk pipar
4 msk hveiti 100 g smjörlíki
1 tsk salt
Síldin hreinsuð og flökuð. Hveiti, salti og
pipar blandað saman. Smjörlíkið brúnað
á pönnu, síldinnni vellt upp úr hveiti-
blöndunni eða eggi og brauðmylsnu.
Steikt móbrún á báðum hliðum.
Borin fram með soðnum kartöflum og
lauksósu. Einnig er gott að bera með síld-
inni brúnaðan lauk eða sítrónusneiðar.
Steikt síld í edikslegi
4—6 steiktar síldar
2 laukar
Lögurinn:
1 dl vatn
Sykurinn leystur upp í sjóðandi vatninu,
ediki og pipar blandað saman við. Kælt.
Síldin steikt, lögð heit í löginn, geymd í
nokkrar klst., áður en hún er borin fram
með laukhringum.
Fylltar síldar
Síldarnar hreinsaðar og skornar upp frá
hrygg, öll bein tekin vel í burtu. Sildin
þvegin vel og þerruð.
Innan í: 100 g saxaðir sveppir; 100 g
HÚ9FREYJAN
1 dl sykur
2 dl edik
V2 tsk pipar
20