Húsfreyjan - 01.01.1965, Blaðsíða 29
Skúffurnar má allar taka í burtu, og nota
þá plássið fyrir hærri slá, sem hengja
má á föt barnanna, þegar þau stækka. I
skápnum til hliðar er hægt að geyma
sængurver, rekkjuvoðir og fleira, en
neðstu hillurnar hafa börnin fyrir leik-
föng sín.
3. og 4. mynd. Ef ekki eru rennihurðir
fyrir skápunum má hengja ýmsa hluti
innan á hurðirnar. Komast má af með
spegil, sem er um 25 sm á breidd og 110
sm á hæð. Plastklæddar vírgrindur eða
körfur eru þægilegar undir ýmiss konar
smáfatnað, og plástklædda gorma má nota
til að hengja á slifsi, belti o.þ.h. Einnig
má sauma úr plasti eða öðru efni eins
konar vasahengi til að geyma í skó, vett-
linga eða annað smádót.
Rennihurðir eru mikið notaðar nú, og
hafa þann kost, að þær spara plássið í
herberginu. Ef skápar ná alveg upp í loft
er þægilegra að hafa hurðirnar tvískiptar,
svo að þær verði ekki of þungar að draga
þær til.
5. mynd. I þessum skáp er öðrum meg-
in höfð skúffusamstæða til að geyma í
skyrtur, nærföt o. fl. Yfir skúffunum má
hengja jakka, buxur og pils, en kjólar og
annar síður fatnaður hangir til hliðar.
HÚSFREYJAN
27