Húsfreyjan - 01.01.1965, Blaðsíða 40
en sumar þeirra starfa enn í félaginu og eru
jafn áhugasamar og þær voru í byrjun. Það má
segja, að félagið hafi barizt fyrir einkum tveim
stórmálum, þó fátt hafi það látið sér óviðkom-
andi, sem til heilla horfir fyrir bæinn. Fyrra
aðalmál félagsins var bygging sjúkrahúss á Akra-
nesi. í mörg ár vann félagið að fjársöfnun til þess
og var sjúkrahúsið og er enn, óskabarn allra
félagskvenna og er alltaf árlega nefnd starfandi
innan félagsins, sem sér um fjáröflun fyrir
sjúkrahúsið. — Nú hin síðari ár hefur Kvenfé-
lagið, ásamt tveim öðrum félögum í bænum, rek-
ið dagheimili fyrir börn, að sumrinu til, þar til
á s. 1. ári að dagheimilið flutti í nýtt hús, sem
félögin höfðu keypt og útbúið til að reka þar
myndarlegt dagheimili fyrir börn, allan ársins
hring. Væntum við góðs árangurs af því starfi,
sem þar er unnið. — Nú eru þá stórmálin talin.
En svo eru hin minni og yrðu þau of mörg upp
að telja. Þó má nefna t. d. saumanámskeið og
sníðakennslu á vegum félagsins. Mæðrastyrks-
nefnd hefur í mörg ár starfað og rekur nú skrif-
stofu, ásamt með Kvennadeild verkalýðsfélags
Akraness. Ýmislegt er gert til fjáröflunar, bæði
fyrir félagssjóð og annað, t. d. svo sem fyrr er
sagt, merkjasala fyrir sjúkrahúsið, sala minning-
arkorta fyrir sjóð sem stofnaður var með Kv.d.
slysavarnarfélagsins, til minningar um látna fé-
lagskonu, ýmisleg fjáröflun fyrir dagheimilið og
bazar til ágóða fyrir félagssjóð. Félagskonur selja
árlega merki fyrir Blindravinafélag íslands og rit
félagasamtakanna Verndar, en að þeim er félagið
aðili. Einnig önnumst við sölu Húsfreyjunnar,
tímarits K.Í., en félagið er í Samb. Borgf. kvenna.
— Og svo er það sem til gamans er gjört. Venju-
lega er farin skemmtiferð á sumrin og alltaf hald-
in árshátíð, rétt eftir áramótin, en þangað er
boðið öllu fólki í Akraneskaupstað sem er orðið
67 ára eða eldra og er glatt á hjalla þegar fé-
lagskonur og menn þeirra skemmta sér einn dag
á ári með þessum vinum sínum. —
7 fundi heldur félagið á ári, sá fyrsti er í okt.
sá seinasti í apríl. — Aðalfundur er í janúar. —
Fundum er þannig háttað, að félagskonum er
skipað í flokka, (8—10 í hverjum) eftir stafrófs-
röð, og sér flokkurinn um skemmtiatriði og kaffi-
veitingar hver á sínum fundi. Er þá fyrst gengið
til venjulegra félagsstarfa, mál rædd og afgreidd,
síðan lesið úr félagsblaðinu ,,Freyju“, sem alltaf
eru skipaðar 2—3 konur til að skrifa í fyrir hvern
fund og öllum öðrum félagskonum frjálst að
skrifa í, um sín áhugamál. Síðan koma svo
skemmtiatriði og kaffidrykkja í lok fundar. Alltaf
er sungið í upphafi funda og í lokin, og einnig
inn á milli skemmtiatriða og hefur sama konan,
um mörg ár gegnt forsöngvarastarfi og spilað
undir allan söng, á orgel. Oft eru fengnir að
fyrirlesarar til að flytja erindi um mál, sem of-
arlega eru á baugi, hverju sinni. T. d. á síðast-
liðnu ári flutti frú Jónína Guðmundsdóttir erindi
Þorraþrœll
1965
Skín í skyggni góðu
skær og fögur sól,
vermir hæð og hól,
hressir mannaból.
Sveipast mildri móðu
mói og fjallsins brún,
glitast geislarnir
grænleit tún.
Enga fönn að finna
frera vart að sjá,
löngum leiðum á
léttan aka má.
Gleður von um gróður,
gæfu og landsins hag.
Þyljum þakkarbrag
þorradag.
G. B.
um störf mæðrastyrksnefnda, frú Herdís Ólafs-
dóttir um tryggingarmál og yfirlæknir sjúkra-
hússins hr. Páll Gíslason erindi um sjúkrahúsið
og stækkun þess. Og kvikmynd um barnsfæð-
ingu var sýnd. A apríl-fundinn bjóðum við gest-
um til okkar og á síðasta apríl-fundi flutti Stein-
unn Ingimundardóttir, skólastjóri húsmæðraskól-
ans á Varmalandi, erindi um borðsiði og sýndi
dúkun og ýmiss konar aðferðir við að leggja á
borð. — Stjórn Kvenfélags Akraness skipa 7
konur. form.. ritari, gjaldkeri og 4 meðstjórn-
endur, sem skipta með sér verkum. Form., ritari
og gjaldkeri ganga úr stjórninni sitt árið hver, en
2 af meðstj. ganga úr árlega. Núverandi stjórn
skipa: Helena Halldórsdóttir, form., Svava Finsen,
ritari, Svava Steingrímsdóttir, gjaldkeri, Soffía
Stefánsdóttir, Ása Ó. Finsen, Ólína Þórðardóttir
og Eygló Gamalíusdóttir meðstjórnendur.
Akranesi 17/2 ’65
Helena Halldórsdóttir.
Svava Finsen.
38
HÚSFREYJAN