Húsfreyjan - 01.10.1969, Side 17

sögðu nauðsynlegt að hafa hugsað fyrir
öllu fyrirfram og valið hlutina, sem n >ta
á. Bezt er að vinna verkið skipuleja,
eins og önnur heimilisstörf, og taka til
á bakka, það sem bera þarf að borðinu,
svo að ekki þurfi að fara margar ferðir
eftir fáum hlutum. Dúkurinn þarf að ná
vel yfir borðið, og fallegast er að hann
sé a. m. k. 20 sm lengri en það. Hann á að
liggja sléttur og beinn á borðinu. Oft er
sett undirlag undir dúkinn, annað hvort
þunnt teppi eða fJóki, sem þarf þá helzt
að vera mátulegt að stærð. Plastdúka
ætti ekki að nota beint á vönduð borð,
heldur hafa undirlag eða taubút næst
borðinu. Póleruð borð eru einkum við-
kvæm, og sum lökk láta líka á sjá af
heitum fötum eða matarslettum. Borð-
servíettur í stað dúka hafa verið tals-
vert í tízku og geta verið fallegar og
heppilegar, en gæta ber þess að nota
þær eingöngu á borðplötur, sem ekki
eru mjög viðkvæmar, og þurfi að stækka
borðið með plötum, er heppilegra að
nota dúka sem ná alveg yfir það. Oft
getur farið vel að nota smádúka eða
renninga, mislita eða útsaumaða, til
skrauts á mitt borðið, og má setja þá
ofan á einlita og slétta dúka, sem ein-
faldari eru í þvotti. Nú eru líka komnir
á markaðinn borðdúkar úr gerviefnum,
sem eru þá mjög auðveldir í þvotti og
þarf ekki að strjúka. Vel fer að nota
servíettur í stíl við dúkinn, þótt það
spari auðvitað erfiði að nota pappírsser-
víettur, þegar gestir eru.
Undanfarin ár hefur mjög mikið ver-
ið á boðstólum af litríkum borðbúnaði,
diskum, bollum og alls kyns fötum, glös-
um og könnum og ýmsu öðru, sem er
sérkennilegt af allri gerð. Þetta geta
allt verið hinir skrautlegustu hlutir, en
þó þurfa þeir að fara vel saman. Gott
er að minnast þess, þegar borðbúnaður
er valinn, að hann endist yfirleitt í mörg
ár, og það getur komið að því, að við
verðum leið á því, sem er mjög sérkenni-
legt og áberandi. Því mun það ef til vill
koma sér eins vel, er til lengdar lætur,
að velja hluti, sem eru hlutlausir og
sígildir að lögun og litum. Þá er hægt
að breyta til með dúka og borðskraut
og setja þannig nýjan og nýjan svip á
borðið. Velja má blóm eftir árstíðum og
setja í skálar og fá þannig tilbreytingu
í litina og heildarsvipinn.
Þegar diskunum er raðað á borðið, er
það föst regla að láta þá nema við borð-
brúnina, svo að þeir séu allir í beinum
röðum. Sé um fleirréttað veizluborð að
ræða, er stundum hafður sá háttur á,
að láta einn disk með milliservíettu verá
á borðinu, á meðan á máltíðinni stend-
ur, en skipta svo um diska fyrir hvern
rétt eftir því sem við á og láta þá vera
ofan á þessum undirdiski. En flestir
Þetta borð er dúk-
að með röndóttum
dúk og skreytt meC
kertum, eplum og
fuglum. Dúkurinn
er S bláum, gráum
og gulum litum, en
diskamir eru hvítir
og glösin blárauö.
13