Austurland - 26.02.1998, Síða 4

4
FIMMTUDAGUR 26. FEBRÚAR 1998
Góð afkoma Hraðfrystihúss Eskifjarðar
Hagnaður Hraðfrystihúss Eski-
fjarðar hf. eftir skatta í fyrra var
241 milljón króna á móti 312
milljónum 1996. Hagnaður félags-
ins fyrir afskriftir og vaxtagjöld
var aftur á móti svipaður, var
722 milljónir 1996 en 710 millj-
ónir í fyrra. Veltufé frá rekstri
jókst úr 539 milljónum í 562
milljónir á milli ára.
Velta félagsins minnkaði
nokkuð eða úr 3.846 milljónum í
3.744 milljónir en bókfært eigið
fé í árslok í fyrra var 1.057
milljónir og hafði þá aukist um
25,1% á milli ára.
Heildartekjur félagsins
minnkuðu á milli ára og eru
helstu skýringar á því að loðnu-
frysting var verulega minni
vegna ástands loðnunnar s.l.
haust og síldarfrysting var einn-
ig mun minni. Þá tók rækju-
vinnslan á móti minni afla en
árið áður.
Þrátt fyrir 8.000 tonna minni
loðnuafla í fyrra en árið 1996,
jukust tekjur loðnubræðslunnar
um 45 milljónir á milli ára vegna
hækkaðs afurðaverðs. Tekjur af
útgerðinni jukust einnig töluvert
eða um 100 milljónir og námu
alls 995 milljónum króna.
Meðalfjöldi starfsmanna á
síðasta ári var 280 og námu
launagreiðslur til þeirra 684
milljónum króna. Hluthafar í
árslok voru 465.
Á aðalfundi félagsins, sem
haldinn verður föstudaginn 27.
mars, mun stjórnin leggja til að
greiddur verði 10% arður eða
37,9 milljónir en greiddur arður
vegna 1996 var 34,8 milljónir
króna. Stjórn félagsins mun
jafnframt leggja til að hlutafé
verði aukið um 10% með útgáfu
jöfnunarhlutabréfa.
Framboðsmál
Listarnir kynntir á næstu vikum
Viðræður um sameiginlegt fram-
boð félagshyggjufólks, Alþýðu-
flokks, Alþýðubandalags og
óflokksbundinna, í nýju samein-
uðu sveitafélagi, hafa nú staðið
um nokkurt skeið.
Að sögn Hreins Sigmarsson-
ar, formanns Alþýðuflokks-
félags Eskifjarðar, ganga við-
ræður vel og ekki hefur komið
upp neinn stór ágreiningur. Hann
sagði að verið væri að undirbúa
stofnun bæjarmálafélags og
gerði hann ráð fyrir að stofnun
félagsins yrði tilkynnt 10. til 12.
mars n.k.
Níu manna undirbúningshóp-
ur, þrír frá hverjum stað, hefur
undanfamar vikur unnið að sam-
eiginlegu framboði framsóknar-
manna og í gær, miðvikudag,
var haldinn stofnfundur nýs
félags og var þar kosin stjórn og
uppstillingarnefnd skipuð. Að
sögn Jóns Björns Hákonarsonar,
sem átt hefur sæti í undirbún-
ingshópnum, mun uppstillingar-
nefnd ganga frá listanum mjög
fljótlega.
Sjálfstæðismenn hafa einnig
skipað sameiginlega nefnd til að
vinna að framboðsmálum og upp-
stillingu listans og samkvæmt
heimildum blaðsins verður list-
inn líklega kynntur í næstu viku.
Þá hefur Pétur Oskarsson í
Neskaupstað verið að undirbúa
sérframboð undanfama mánuði
og sagðist hann í samtali við
Austurland reikna með að það
skýrðist um miðjan mars hvort
af framboði yrði. Pétur hefur
verið að ræða við fólk að undan-
förnu um að taka sæti á listanum
en hann sagði að illa gengi að fá
rétta fólkið á listann. Hann
sagðist ekki bjóða fram nema
honum tækist að mynda sterkan
lista eða eins og hann orðaði
það: „Ég vil engar liðleskjur,
bara bardagafólk!"
Knellan
Félagsmiðstöðin Knellan á Eski-
firði varð 10 ára s.l. sunnudag og
verður haldið upp á afmælið á
morgun, föstudag, með því að
halda hæfdeikakeppni en komin
er hefð fyrir því að halda slíka
keppni í kringum afmælisdag-
inn. Um leið verða tveir krakkar
krýndir titlinum „Félagsmála-
tröll“ en sá heiður hlýst þeim
krökkum er þykja hafa skarað
fram úr í félagsmálastarfssemi.
Að sögn Guðmanns Þor-
valdssonar, eins þriggja umsjón-
armanna Knellunnar, er mikil
starfssemi í Knellunni og krakk-
arnir duglegir að taka þátt í því
sem þar er bryddað upp á. Starf-
ið er mjög fjölbreytt en auk
hefðbundinnar starfssemi, s.s.
borðtennis, billjard, pílu og
fleira, er ýmsum nýjungum skot-
ið inn á milli. Má þar t.d. nefna
samkeppni um besta óáfenga
drykkinn og stuttmyndakeppni
auk þess sem dansað er á föstu-
dögum.
ASÍ, BSRB og Neytendasam-
tökin gerðu nýlega verðsaman-
burð í 19 apótekum á lands-
byggðinni og var kannað verð á
32 algengum lyfjum. Niðurstað-
an er, sem reyndar kemur ekki á
óvart, að ódýrustu apótekin eru
öll í stærstu bæjunum og því fá-
mennara sem markaðssvæðið er,
því dýrari eru apótekin. Tvær
Ii§il!
Aðalfundur
Aðalfundur Björgunarsveitarinnar
Gerpis í Neskaupstað
verður haldinn
2. mars nk. kl. 20.30
f húsi félagsins, „Nesi“
Dagskrá:
Venjuleg aðalfundarstörf
Nýir félagar velkomnir
Stjórnin
Hátt lyfjaverð í
austfirskum apótekum
undantekningar eru þó frá þess-
ari reglu en það eru apótekin á
Siglufirði og í Borgamesi en þar
er verðið fremur hagstætt þrátt
fyrir tiltölulega lítinn markað.
Þegar skoðað er það verð sem
elli- og örorkulífeyrisþegar
þurfa að greiða fyrir lyfin hér á
Austurlandi kemur í ljós að apó-
tekið á Seyðisfirði er næst dýrast
af þessum 19, apótekið á Höfn
það sjötta dýrasta en apótekin í
Neskaupstað og á Egilsstöðum
eru bæði með því sem næst
meðalverð.
Þegar um er að ræða verð til
annarra en elli- og örorkulíf-
eyrisþega er niðurstaðan sú að
apótekið í Neskaupstað er næst
dýrast, apótekið á Seyðisfirði
þriðja dýrast og apótekið á
Egilsstöðum það fimmta dýr-
asta. Apótekið á Höfn var með
meðalverð en lyfsalan á Vopna-
firði var lokuð daginn sem könn-
unin var gerð.
Aðalfundur
Kvennadeildar S.V.F.Í Norðfirði
Aðalfundurinn verður haidinn
sunnudaginn 1. mars nk. kl. 20.30
í húsi félagsins, „Nesi“
Dagskrá:
Venjuleg aðalfundarstörf
Kaffi - Bingó Konur ijölmennið
Nýir félagar velkomnir
Stjórnin
á Eskif irði 10 ára
Efri myndin var tekin haustið 1992 og sýnir lióp eskfirskra
ungmenna á hallœrisballi eða Austfjarðaballi.
Neðri myndin er tekin í nóvember 1997 á förðunar- og
furðufataballi. A henni sjást félagarnir Draupitir, Guðni, Friðjón
og Asta, öll hiit skrautlegustu.
Ljóst er að starfsemi Knellunnar liefur vaxið og dafnað ár frá ári
þau 10 ár sem hún ltefur starfað.
Eignarhaldsfélag Bl greiðir ágóðahluta
Samtals 110 milljónir
Samkvæmt fréttatilkynningu frá
Brunabótafélagi íslands mun
eignarhaldsfélag þess (EBI)
greiða aðildarsveitarfélögum sín-
um samtals 110 milljónir í ágóða-
hluta á þessu ári. Sveitarfélögin
hafa ekki frjálsar hendur um
hvernig fjármunum þessum
verður varið heldur er þeim gert
að nýta þá til að greiða iðgjöld af
vátryggingum sveitarfélaganna
og til brunavama.
Þessum 110 milljónum er
skipt niður á sveitarfélögin eftir
hlutfallslegri eign þeirra í Sam-
eignarsjóði EBI og kemur því
mest í hlut Akureyrar eða 11,9
milljónir. Kópavogur fær rúm-
lega 9,5 milljónir og Reykjanes-
bær um 7,8 milljónir.
Hlutur austfirsku sveitafélag-
anna er heldur rýrari en Nes-
kaupstaður fær 2 milljónir,
Seyðisfjörður 1,8 milljón, Egils-
staðir 1,3 milljónir og Eskifjörð-
ur 1,2 milljónir. Önnur austfirsk
sveitarfélög fá minna.