Austurland - 12.03.1998, Blaðsíða 3
FIMMTUDAGUR 12. MARS 1998
3
Uppskeruhátíð Blaksambands
Islands var haldin í Reykjavík
um helgina og komu Norðfirð-
ingar þar talsvert við sögu. Besti
leikmaðurinn í karlaflokki var
valinn Emil Gunnarsson og efni-
legasti leikmaðurinn Matthías
Haraldsson. f kvennaflokki var
Dagbjört Víglundsdóttir valin
besti leikmaðurinn en efnilegasti
leikmaðurinn var Jóhanna Gunn-
arsdóttir, leikmaður með Völs-
ungi á Húsavík. Þau Emil, Matthí-
as og Dagbjört eru allt Norðfirð-
ingar og hófu sinn blakferil í
Neskaupstað.
Karlalið Þróttar í Neskaup-
stað lék um síðustu helgi við
nafna sína úr Reykjavík og fór
leikurinn fram syðra. Máttu
hinir norðfirsku Þróttarar lúta í
gólf í tvígang, 3-0 og 3-I en
sigur í þessari einu hrinu dugði
til að ná öðru sæti í deildinni og
leika þar með við Stjömuna,
sem endaði í þriðja sæti, í fjórð-
ungsúrslitum. Hin liðin í fjórð-
ungsúrslitum em Þróttur Reykja-
vík, sem varð deildarmeistari, og
ÍS sem varð í fjórða sæti.
Kvennalið Þróttar N sigraði
Þrótt Reykjavík 3-1 um helgina
og enduðu norðfirsku stelpurnar
í þriðja sæti í deildinni og leika
því við ÍS, sem var í öðru sæti, í
fjórðungsúrslitum. Deildar-
meistarar í kvennaflokki varð lið
Víkings en Völsungar náðu
fjórða sæti og komust þar með í
fjórðungsúrslit.
Urslitaleikurinn í Bikar-
keppni kvenna fer fram á laugar-
daginn og leika þá lið Þróttar N
og ÍS en þetta er í þriðja sinn í
röð sem Norðfirðingar leika til
úrslita í kvennaflokki. Fer
leikurinn fram í íþróttarhúsinu í
Austurbergi í Reykjavík og hefst
klukkan 14. Austurland hvetur
alla Austfirðinga, sem þess eiga
kost, að mæta á leikinn og hvetja
stúlkumar okkar til sigurs. Þess
má geta að leikurinn verður
sýndur í beinni útsendingu á
sjónvarpstöðinni Sýn en þeim
útsendingum ná Austfirðingar
því miður ekki.
Efnilegustu og bestu leikmennirnir með viðurkenningar sínar en það vekur athygli að i fjögurra
manna hópi skulu 3 vera frá Neskaupstað.
Aðalfundur
Olíusamlags útvegsmanna í
Neskaupstað verður haldinn
laugardaginn 14. mars 1998
kl. 13.30 í Egilsbúð
Neskaupstað.
Dagskrá:
1. Venjuleg aðalfundarstörf
2. Önnur mál
Neskaupstað 3. mars 1998
Stjórnin
Aðalfundur
Samvinnufélags útgerðarmanna í
Neskaupstað verður haldinn
laugardaginn 14. mars 1998
kl. 13.00 í Egilsbúð
Neskaupstað.
Dagskrá:
1. Venjuleg aðalfundarstörf
2. Önnur mál
Neskaupstað 3. mars 1998
Stjórnin
Eskfirðingar - Norðfirðingar - Reyðfirðingar!
Fjarðalistinn
veröur stofnaður í Valhöll Eskifirði þriðjudaginn 17. mars n.k. kl. 20:30,
Allir sem vilja hafa áhrif á framtíð nýja sveitarfélagsins eru hvattir til að fjölmenna.
Fjarðalistinn með frelsi einstaklingsins á félagslegum grunni
Undirbúningshópurinn
Aðalfundur Síldarvinnslunnar hf.
Aðalfundur Síldarvinnslunnar hf. verður
haldinn laugardaginn 14. mars 1998
kl. 14.00 í Egilsbúð Neskaupstað.
Dagskrá:
1. Venjuleg aðalfundarstörf
2. Tillaga um breytingar á samþykktum
3. Önnur mál, löglega upp borin
Dagskrá, endanlegar tillögur og reikningur félagsins
munu liggja frammi á skrifstofu þess, hluthöfum til
sýnis, viku fyrir aðalfund.
Stjórn Síldarvinnslunnar hf.