Austurland


Austurland - 30.04.1998, Blaðsíða 5

Austurland - 30.04.1998, Blaðsíða 5
FIMMTUDAGUR 30. APRIL 1998 ÞRASAÐ VIÐ ÞOKUNA Enginn fulitrui framsoknar á Seyðisflrði gefur kost á sér Þegar dagar, og jafnvel vikur, líða án þess að fjölmiðlar vorir kunni að segja oss nokkur tíðindi af pilsaveiðum Bandaríkjaforseta, fyrr eða síðar, hljóta stórir atburðir að hafa gerst í faðmi fjallkonu hinnar fríðu norður á veraldarhjara. Orð að sönnu. Vér íslendingar höfum fengið um lítið eitt annað að hugsa um sinn. Loksins, loksins hefur verið gerð stór uppgötvun á landi voru, því- lík óhagganleg staðreynd af- hjúpuð að hún mun ekki gleymast nokkrum þeim íslendingi, sem farinn var að muna eftir sér á síðasta tugi 20. aldar, meðan öndin flöktir í vitum hans. Uppgötvun þessi er raunar afar einföld, eins og svo mörg önnur afrek mannsandans reynast vera þegar öllu er á botninn hvolft; semsé: Lífið er alls ekki saltfiskur heldur lax. Svo er fyrrverandi stjórum Landsbanka íslands fyrir að þakka. Þar skutu þeir Laxness og Sölku Völku ref fyrir rass, og þarf nokkuð til óneitanlega. Fátt eitt verður hér tíundað af því sem þegar hefur verið sagt og skrifað varðandi uppgötvun þessa enda fyllti allt það efni ugglaust væna bók, væri því öllu smalað í einar kvíar. A hinn bóginn hlýtur einkennileg þögn um eitt smáatriði varðandi mál þetta að vekja nokkra athygli. Einn af fulltrúum í bankaráði Landsbanka íslands hefur stað- hæft að tiltekið ár hafi innan þess vébanda verið samþykkt „... að beina því til bankastjórnar að öllum laxveiðum á vegum bank- ans verði hætt". Þessu svarar einn af bankastjórunum í frægu viðtali í M.b. 17. aprfl s.l. svo segjandi: „Þetta er rangt. Hið rétta er, að hún Kristín litla Sigurðardótt- ir hóf þessa umræðu í bankaráði og kom með þessa hugmynd úr prjónaklúbbi Kvennalistans. Það var hins vegar engin samþykkt gerð í þessa veru og engu beint til bankastjórnar...". Það er vert eftirtektar að hvorki bankaráðsfulltrúinn né dírektörinn fyrrverandi vísar í skriflega heimild um upptöku þessa máls í ráðinu né afgreiðslu þess. Leyfist fáfróðum sveitamanni að bera fram nokkrar litlar og einfaldar spurningar viðvíkjandi máli þessu? 1. A bankaráð Landsbanka Islands ekki í fórum sínum fundagerðabók sem hægt er að fletta upp í og sýna þjóðinni, nákvæmlega, hvenær mál þetta var borið upp í ráðinu og hverja afgreiðslu það hlaut? 2. Hafi nefnt bankaráð enga slíka bók undir höndum, eru fundir þess þá haldnir í einhverskonar prjónaklúbbs- formi þar sem ekkert er bókað? Ég hélt að ekki væri til svo aumur félagsskapur í landinu eða léleg nefnd að ekki hefði fundagerðabók í fórum sínum ellegar sendibréfsfæran mann innan seilingar er gæti klórað upp læsilega fundargerð. 3. Og vel á minnst. Hvað gerði nýfráfarin bankastjórn við bréf frá endurskoðanda bankans varðandi tiltekið mál sem hann hafði oftar en um sinn vakið athygli hennar á? Áttu fullmekt- ugir ekki einu sinni til möppu- tötur í fórum sínum til þess að halda þvílíkum pappírum til haga? Að lokum ein spurning enn um gerðabók bankaráðs hafí hún verið til? Kom kannski einhver Jón Marteinsson á næturþeli og stal henni? Sé svo er vonandi að hann skili henni aftur svo að hún bjargist frá glötun ekki síður en Skálda forðum úr eldi Kaupin- hafnar. S.Ó.P. Lífeyrissjóður Austurlands óskar austfirsku alþýðufólki allra heilla á baráttudegi þess 1. maí LIFEYRISSJOÐUR AUSTURLANDS Enginn núverandi bæjarfulltrúi Framsóknarflokksins á Seyð- isfirði sækist eftir endurkjöri í komandi sveitarstjórnarkosning- um en Þorvaldur Jóhannsson bæjarstjóri er í heiðurssæti listans. Nú eru níu fulltrúar í bæjarstjórn Seyðisfjarðar en verða sjö næsta kjörtímabil. Meginástæður þess að bæjar- fulltrúm fækkar er sú að íbúum kaupstaðarins hefur fækkað nokkuð og stjórnkerfi bæjarins hefur verið gert skilvirkara með fækkun nefnda og stjórnsýslan öll opnari og nútímalegri. Listi framsóknarmanna verð- ur þannig skipaður: 1. Friðrik Aðalbergsson, rennismiður 2. Sigríður Stefánsdóttir, sím- ritari 3. Vilhjálmur Jónsson, deild- arstjóri 4. Lára G. Vilhjálmsdóttir, húsmóðir 5. Ingibjörg Svanbergsdóttir, skrifstofustjóri 6. Sigríður Heiðdal Friðriks- dóttir, nuddfræðingur 7. Unnarr B. Friðriksson, vélsmiður 8. Sigurður Ó. Sigurðsson, vélsmiður 9. Snorri Jónsson, verkstjóri 10. Bjarney Emilsdóttir, ræstitæknir 11. Jón Bjartmar Ólafsson, verkamaður 12. Jóhann Pétur Hansson, ritstjóri 13. Jónas Hallgrímsson, framkvæmdastjóri 14. Þorvaldur Jóhannsson, bæjarstjóri J.J Sendum starrsrólki okkar ogf launarólki um land allt neillakve á j ur á baráttudegfi verkalýásins 1. maí Síldarvinnslan hr. Neskaupstaá

x

Austurland

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Austurland
https://timarit.is/publication/808

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.