Austurland - 18.06.1998, Blaðsíða 2
2
FIMMTUDAGUR 18. JUNI 1998
Austuiiand
Málgagn Alþýðubandalagsins á Austurlandi
Utgcfandi: Kjördæmisráð AB á Austurlandi
Ritnefnd: Einar Már Sigurðarson, Elma Guðmundsdóttir, Guðmundur
Bjamason, Smári Geirsson og Steinunn L. Aðalsteinsdóttir
Ritstjóri: Aðalbjöm Sigurðsson (ábm) S 4771383og 8994363
Blaðamaður: Sigurður Ólafsson S 477 1066 og 895 8307
Auglýsingastjóri: Erla Traustadóttir S 477 1740
Ritstjórn, afgreiðsla og auglýsingar:
Hafnarbraut 4 - Pósthólf 75 - 740 Neskaupstaður
S 477 1750 og 477 1571 - Fax: 477 1756
Netfang: austurland@eldhorn.is
Austurland er aðili að Samtökum bœjar- og
héraðsfréttablaða
Umbrot og hönnun: Austurland
Prcntun: Nesprent hf.
Atvinnuuppbyggin í
fjórðungnum er brýnt verkefni
Síðastliðinn þriðjudag bárust þau tíðindi að háhyrn-
ingurinn Keikó yrði fluttur til Vestmannaeyja en ekki til
Eskifjarðar eins og vonir austfirðinga stóðu til. Ljóst er að
þetta eru mikil vonbrigði, því ýmsir aðilar voru farnir að
hugsa sér til hreyfings með uppbyggingu í kringum bæði
þá ferðamenn sem myndu heimsækja Eskifjörð í tengslum
við dýrið og ekki síður í kringum þá einstaklinga sem
ynnu í tengslum við hann.
Hinsvegar þýða þessi tíðindi ekki að leggja eigi árar í
bát. Ljóst er að ýmis önnur tækifæri til uppbyggingar eru
á svæðinu. Þar ber kannski hæst fyrirhuguð stóriðja á
Reyðarfirði en fleira mætti nefna, t.d. frístundagarð á
Héraði og Fræðslunet á Austurlandi. Þessi verkefni ásamt
fleirum sýna að ráðamenn á svæðinu eru farnir að horfa
fram á veginn og vinna í málum sem kunna að hafa áhrif
á byggðarþróun í fjórðungnum í nánustu framtíði. Það að
flutningur Keikó til Eskifjarðar hafi ekki náð fram að
ganga ætti ekki að draga úr austfirðingum kjarkinn, heldur
sýna okkur betur fram á að ef við ætlum okkur að búa
áfram í fjórðungnum þá verðum við að finna okkur ný
verkefni og vinna að þeim sjálf.
Nú eru kosningar nýafstaðnar og nauðsynlegt er fyrir
hina nýkjörnu fulltrúa að halda áfram á svipaðri braut og
fetuð hefur verið undanfarin fjögur ár. En þrátt fyrir að
ýmislegt gott hafi verið gert undanfarin ár, er samt hægt að
setja út á ýmislegt. Sérstaklega á þetta við um
hrepparíginn margumtalaða sem seint viðist ætla að
hverfa. Sveitarstjórnarmenn á Austurlandi verða að hætta
að einblína á eigin byggðarlög og skoða málin í stærra
samhengi. Það er t.d. slæmur hugsunargangur ef
sveitarstjórnarmenn á fjörðunum líta þannig á að
menntaður einstaklingur sem flytur til Egilsstaða sé
einstaklingur sem ekki flytur í þeirra byggðarlag og öfugt.
Ljóst er að með hverjum einstaklingi, menntuðum eða
ómenntuðum styrkist fjórðungurinn í heild og starf hans
nýtist öllum. Það er t.d. mikill munur á því hvort sækja
þarf þjónustu frá Egilsstöðum til Neskaupstaðar eða frá
Egilsstöðum til Reykjavíkur.
Fólksflóttinn frá landsbyggðinni er eitt stærsta
vandamál sem austfirskir ráðamenn hafa staðið frammi
fyrir. Samstaða allra byggðarlaga í fjórðungnum þarf að
koma til og ekki er fullnægjandi að hver aðili fyrir sig
vinni að málinu í sínu horni.
as
Skemmtileg AB-ferð
Ókeypis smáar
Sumarferð Alþýðubandalagsins
á Austurlandi um síðustu helgi
til Djúpavogs og nágrennis var
einkar vel heppnuð. Hjálpaðist
margt að, gott ferðaveður, góður
aðbúnaður hjá Hótel Framtíð og
fjölbreytt dagskrá. Ekið var með
rútu Austfjarðaleiðar suður með
fjörðum til Djúpavogs með
Sævar Guðjónsson við stýri.
Staðurinn og nágrenni hans var
skoðað undir ágætri leiðsögn
Ingimars Sveinssonar áður
skólastjóra á Djúpavogi.
Hópurinn, um 45 manns, fór í
tveimur ferðum með ferju til
Papeyjar þar sem gengið var um
eyjuna í blíðuveðri undir leið-
sögn Más Karlssonar, skoðað
fulglalíf, fomminjar og uppi-
standandi bæjarhús og kirkja. A
laugardagskvöldið var vaka í
Löngubúð með margþættri dag-
skrá og kom þangað margt
heimamanna. Þar bauð Reynir
Arnórsson formaður AB á
Djúpavogi gesti velkomna. Vísna-
vinir undir forystu Hrannar
Jónsdóttur sungu og fluttu vísur
og sögur, Ingimar Sveinsson
sagði frá ýmsu úr byggðarlaginu
og Bogi Ragnarsson lék á
dragspil. Hjörleifur Guttorms-
son sýndi litskyggnur frá Djúpa-
vogi og nágrenni, teknar aðal-
lega á árunum 1966-73.
A sunnudagsmorgni var
skoðuð nýja kirkjan á Djúpavogi
undir leiðsögn Bjöms Kristleifs-
sonar arkitekts sem teiknaði
hana. Lofuðu menn verk hans,
enda guðshús þetta afar vel úr
garði gert. Þá var farin skoðun-
arferð suður um Hamarsfjörð og
Álftafjörð með Ingimar Sveins-
son sem leiðsögumann. Ekið var
í Hof og sýndi Ástnður Baldurs-
dóttir húsfreyja hópnum kirkj-
una. Ekið var suður fyrir Þvottá
og áð í Sellöndum. I bakaleið
var gengið spölkorn inn frá
Múla og horft inn Múla- og
Geilhellnadal. Ekið var til baka
um Breiðdalsheiði, áð í skógar-
lundi innan við Skriðuvatn og
ferðalok voru um kvöldmatar-
leytið á sunnudag.
Sumarferðir AB hafa nú
verið árviss liður í aldarfjórðung
og notið mikilla vinsælda. I
næstu blöðum bregður Austur-
land upp myndum úr ferðinni til
Djúpavogs.
HG
íbúð til leigu eða sölu
Fjögurra herb. íbúð að
Hlíðargötu 14 til leigu eða sölu.
Uppl. ís. 897-3135
Sigmar
íbúð í Reykjavík
Þarftu að skreppa í höfuð-
borgina. Við leysum málið,
hvort heldur í einn sólarhring
eða meira.
Lítil en mjög góð eldhúsinn-
rétting til sölu.
Upplýsingar í síma 474 1435
Hús til sölu
Húseignin Urðarteigur 9,
Neskaupstað er til sölu.
Upplýsingar í sítna 483 4946
Kristín Munda, Hveragerði
Til sölu
Til sölu er M. Lancer GLX
1500, sjálfskiptur, árgerð 1990,
ekinn 122 þús. km.
Upplýsingar í síma 477 1295
^Qjjördir
Látið gjörðir yðar veróa leiðarljós
öllu mannkyni, því að orð flestra
manna, hárra sem lágra, eru >,4^
frábrugðinframferði þeirra. Það yyfÖ' s-((a 1'
er með gjörðum yðar sem þér Cy ,, ^ CU g
getið aðgreint yðarfrá öörum.. f-h^ I
Opið hús að Þiljuvöllum 29 öll mánudagskvöld
0
Austfirðingur vikunnar
er að þessu sinni Bonnie Laufey Dupins
lögregluþjónn
Fullt nafn? Bonnie Laufey Dupins
Fæðingardagur? 23. mars 1954
Fæðingarstaður? Seattle W.D.C. USA
Heimili? Bleiksárhlíð 2 Eskifirði
Núverandi starf? Lögregluþjónn
Fjölskylduhagir? Gift og á 4 börn
Bifreið? Toyota
Uppáhaldsmatur? Fiskur
Versti matur? Svartfugl
Helsti kostur? Elska dýr og menn
Helsti ókostur? Geri of miklar kröfur til annarra
Uppáhalds útivistarstaður? Allir staðir til útivistar
Hvert langar þig mest að fara? Á Vatnajökul
Fallegasti staður sem þú hefur komið á? ísland frá a-ö
Áhugamál? Þjóðfélagsmál
Uppáhalds tónlistarmálamaður? Björgvin Halldórsson
Uppáhalds íþróttafélag? Samtökin
Hvað metur þú mest í fari annarra? Einlægni
Hvað dettur þér í hug þegar þú heyrir orðið glæpamaður? Friðarsinni
Mottó? Ég get gert allt sem ég ætla mér
Skemmtilegasta sem þú gerir? Eiga góða stund með eiginmanninum
Leiðinlegasta sem þú gerir? Strauja