Austurland - 10.09.1998, Síða 2
2
FIMMTUDAGUR 10. SEPTEMBER 1998
Austuriand
Málgagn Alþýðubandalagsins á Austurlandi
Útgefandi: Kjördæmisráð AB á Austurlandi
Ritnefnd: Einar Már Sigurðarson, Elma Guðmundsdóttir, Guðmundur
Bjamason, Smári Geirsson og Steinunn L. Aðalsteinsdóttir
Ritstjóri: Aðalbjörn Sigurðsson (ábm) S 4771383og8994363
Blaðamaður: Sigurður Ólafsson ft 477 1066 og 895 8307
Auglýsingastjóri: Erla Traustadóttir S 477 1740
Ritstjórn, afgreiðsla og auglýsingar:
Hafnarbraut 4 - Pósthólf 75 - 740 Neskaupstaður
S 477 1750 og 477 1571 - Fax: 477 1756
Netfang: austurland@eldhorn.is
Austurland er aðiii að Samtökum bœjar- og
héraðsfréttablaða
Umbrot og hönnun: Austurland
Prentun: Nesprent hf.
Aðalfundur SSA
Árlegur aðalfundur Sambands sveitarfélaga í Austurlands-
kjördæmi var haldinn á Djúpavogi í síðustu viku. Efni fundarins
eins og oft áður voru helstu hagsmunamál fjórðungsins jafnt
horft til nútíðar sem framtíðar. Þessi vettvangur er í raun sá eini
sem Austfirðingar hafa til að bera saman bækur sínar hvað
varðar ýmis hagsmunamál fjórðungsins. Á þessum fundi voru
byggðamál í víðu samhengi mest áberandi.
Að undanförnu hefur Byggðastofnun staðið fyrir ýmsum
rannsóknum á þeim byggðavanda sem staðið hefur í of mörg
undanfarin ár. Þó niðurstöður þessara rannsókna staðfesti að
mestu það sem áður hefur verið sagt af mörgum talsmönnum
landsbyggðarinnar hafa þær bætt ýmsu við og eru því mikilvægt
innlegg í byggðaumræðuna. Helstu niðurstöður eru að
atvinnumál eru ekki hið eina sem máli skiptir þegar fólk ákveður
búsetu sína eða breytingu á henni. Fjölbreytni í atvinnulífi,
möguleikar til menntunar, kostnaður við rekstur heimila og
almenn fjölbreytni í mannlífi eru þeir þættir sem mestu skipta.
Margar vísbendingar koma fram í þessum rannsóknum sem í
raun kalla á enn frekari rannsóknir og því er mikilvægt að áfram
verði haldið þannig að aðgerðir geti byggt sem mest á stað-
reyndum en ekki aðeins á hyggjuviti einstakra stjórnmálamanna.
Á aðalfundi SSA var samþykkt ályktun um byggðamál sem
byggir á þessurn staðreyndum og ekki síður þeim mikilvæga
grunni að barlómur er ekki sterkt vopn í viðureign lands-
byggðarinnar við hinn mikla byggðavanda. Þannig er lögð sér-
stök áhersla í ályktun fundarins á „að íbúar fjórðungsins taki
höndum saman og leggi áherslu á að skapa Austurlandi jákvæða
ímynd“. Ekki eru eingöngu gerðar kröfur til ríkisvaldsins
varðandi leiðir heldur er einnig horft í eigin garð og hvatt til
frekari sameiningar sveitarfélaga m.a. til að gera þau hæfari til
að taka við frekari verkefnum frá ríkisvaldinu.
Eðlilega gerir fundurinn einnig kröfur á ríkisvaldið um
aðgerðir því fram að þessu hafa flestar aðgerðir ríkisvaldsins
aukið byggðavandann m.a. með verulegri fjölgun starfa á
höfuðborgarsvæðinu í þjónustu hins opinbera. Þannig er krafist
að „ríkisvaldið beiti öllum ráðum til að draga úr aðstöðumun
fólks eftir búsetu“ og m.a. verði leitað eftir „reynslu nágranna-
þjóða á sviði aðgerða í byggðamálum". Þá taldi fundurinn
ástæðu til að gera „sértakt átak til jöfnunar orkuverðs“.
Athygglisverð staðreynd í þeirri umræðu sem fram fer um
þessar mundir er að á íslandi er varið minna fjármagni til
byggðamála en í helstu nágrannalönd okkar.
Á fundinum var eins og á mörgum undanförnum aðalfundum
SSA fjallað um virkjunarframkvæmdir og orkufrekann iðnað.
Niðurstaða fundarins var í samræmi við niðurstöður fyrri
aðalfunda SSA og hvatt til virkjunarframkvæmda á Austurlandi.
í takt við aukna umræðu um mikilvægi umhverfisverndar lagði
fundurinn áherslu á að við virkjunarframkvæmir og nýtingu
orkunnar á Austurlandi „verði tekið tillit til umhverfisverndar-
sjónarmiða“. Hér er á ferðinni eitt þeirra mála sem varðar
hagsmuni fjórðungsins mikið og því mjög nauðsynlegt að
samstaða verði sem mest um þær leiðir sem farnar verða.
ems
Sigurborg Hannesdóttir
Hvers vegna flylur fólk burt?
Fyrir mörgum árum sá ég plakat
á vegg sem á stóð: „Þú átt ekki
heima þar sem þú býrð, heldur
þar sem fólki líkar við þig“.
Þessi setning kemur upp í huga
minn þegar heyrast fréttir af
fólksfækkun á Austurlandi og ég
velti því fyrir mér hvort þarna
liggi hluti skýringarinnar á því
hvers vegna ásóknin í þéttbýlið
fer vaxandi.
Um daginn rak ég augun í
auglýsingu sem hékk uppi á
vegg á vinnustað hér á Egils-
stöðum. Þetta var auglýsing frá
fyrirtæki í Reykjavík og á henni
voru helstu upplýsingar um
tengiliði og símanúmer, ásamt
myndum af sölumönnum. Þarna
sá ég eitt kunnuglegt andlit,
Austfirðing, sem fyrir tiltölulega
skömmu starfaði sem afgreiðslu-
maður í sérvöruverslun á Héraði.
Nú skal ég ekkert um það segja
hvers vegna þessi tiltekni maður
ákvað að flytjast burt, en þegar
ég sá myndina, fannst mér eins
og hann hefði færst mörg þrep
upp í virðingu og viðurkenningu
frá því hann var í gamla starfinu
sínu hér heima.
Að jafnaði verjum við a.m.k.
þriðjungi sólarhringsins og megn-
inu af hæfileikum okkar og
kröftum í vinnunni. Þess vegna
skiptir það svo miklu máli að
okkur líði vel í vinnunni og þar
getur starfsmannastefna fyrir-
tækisins ráðið miklu um. Á síð-
ustu árum hef ég kennt á nokkr-
um þjónustunámskeiðum á Aust-
urlandi og hef orðið áþreifanlega
vör við að jafnvel stór og öflug
fyrirtæki hafa ekki mótað sér
starfsmannastefnu, leggja ekki
áherslu á endurmenntun, halda
ekki starfsmannafundi og veita
starfsmönnum sínum takmark-
aða möguleika til að taka virkan
þátt í rekstri fyrirtækjanna og
takast á við ný og krefjandi verk-
efni. Fyrirtæki (og sveitarfélög!)
sem hafa starfsmannastefnu og
fylgja henni eftir, skera sig úr.
Þau bera af vegna þess að fólki
finnst gott að vinna þar og skilar
um leið bestum árangri af því að
það sjálft fær að blómstra. Það
græða allir á slíkri starfsmanna-
stefnu, ekki síst fyrirtækin sjálf.
Á nýafstöðnum aðalfundi
SSA gerði Gunnar Vignisson,
framkvæmdastjóri Þróunarstofu
Austurlands, grein fyrir góðri
stöðu og aukinni framsækni at-
vinnulífs á Austurlandi. Þetta
eru gleðilegar niðurstöður og er
vonandi að þessi aukna fram-
sækni fyrirtækja á Austurlandi
sé einnig farin að skila sér í
bættri starfsmannastefnu og
starfsumhverfi. Því ef fyrirtækin
hlúa ekki að þeirri auðlind sem
starfsfólkið þeirra er, leitar fólk
annað. Fer jafnvel af staðnum.
Með þessu er ég ekki að segja
að þetta sé eitthvað verra á Aust-
urlandi en annars staðar. Þvert á
móti held ég að svo sé ekki. En
þarna liggur möguleiki fyrir
austfirskt atvinnulíf að leggja
mikilvægt lóð á vogarskálarnar
til að draga úr fólksflótta.
Austfirðingar hafa nú í
nokkra áratugi „beðið“ eftir ein-
hverju stóru atvinnutækifæri
sem „bjargar öllu“. Höfum við
kannski sofið á verðinum á með-
an og gleymt að virkja mannauð-
inn? Á Vestfjörðum er næg at-
vinna, en samt flytur fólk burt.
Þess vegna hef ég efasemdir um,
að „stór“ lausn í atvinnumálum í
fjórðungnum, muni ein og sér
tryggja að fólk velji þetta lands-
horn til búsetu umfram önnur.
Þegar á bjátar í minni
samfélögum standa allir saman.
Þá kemur best í ljós að fámennið
og nálægðin, getur verið stór-
kostlegur kostur. En að sama
skapi getur þetta snúist upp í
andhverfu sína og fámennið og
nálægðin orðið okkur fjötur um
fót, vegna þess að við metum
ekki hvert annað og staðinn
okkar að verðleikum.
Við íbúamir berum hér heil-
mikla ábyrgð sjálfir. Hversu
meðvituð erum við hvert og eitt
um þann mannauð sem býr í
samfélaginu okkar? Hversu oft
klöppum við hvert öðru á öxlina
fyrir það sem vel er gert? Hversu
oft hvetjum við áfram og leyfum
fleirum að njóta sín?
Það er nauðsynlegt fyrir okk-
ur öll, jafnt unga sem aldna að
fara út fyrir túngarðinn, kynnast
heiminum og fleiri sjónarmiðum,
því heimskt er heimaalið bam.
Það er varasamt ef byggðasjónar-
mið fara að byggjast á ótta. Ótt-
anum við að missa fólk í burtu.
En staðir sem hlúa að mann-
auðnum, munu draga til sín fólk.
Bæði nýtt fólk og þá sem farið
hafa að heiman til að mennta sig.
Því það er best að búa þar sem
fólki líkar við mann.
Auglýsing frá Nesskóla
Neskaupstað
Auglýst er eftir gangaverðí
í Nesskóla Neskaupstað
Óskað er eftír starfsmanní
sem getur hafíð störf
sem allra fyrst.
Nánari upplýsingar veitir skólastjóri
í síma 477 1726
Astmina
Þegar einhver tekur sér fyrir
hendur iðn eða verslun er slík
atvinna í augum Guðs metin sem
tilbeiðsla; og þetta er eigi annað en mí®
tákn um takmarkalausa og altœka .wj 'tfeír' ■
hylli hans. CT '