Austurland - 19.11.1998, Blaðsíða 2
2
FIMMTUDAGUR 19. NÓVEMBER 1998
Austurland
Útgefandi: Kjördæmisráð AB á Austurlandi
Ritnefnd: Einar Már Sigurðarson, Elma Guðmundsdóttir, Guðmundur
Bjarnason, Smári Geirsson og Steinunn L. Aðalsteinsdóttir
Ritstjóri: Aðalbjörn Sigurðsson (ábm) S 477 1383og8994363
Blaðamaður: Sigurður Ólafsson S 477 1373 og 895 8307
Auglýsingastjóri: Erla Traustadóttir S 477 1740
Ritstjórn, afgreiðsla og auglýsingar:
Hafnarbraut 4 - Pósthólf 75 - 740 Neskaupstaður
» 477 1750 og 477 1571 - Fax: 477 1756
Netfang: austurland@eldhom.is
Austurland er aðili að Samtökum bœjar- og
héraðsfréttablaða
Umbrot og hönnun: Austurland
Prentun: Nesprent hf.
Enn um byggöarmál
Það ætti ekki að þurfa að segja nokkrum Austfirðingi eða
einstaklingum ættuðum héðan að austan að byggðamál er sá
málaflokkur sem Austfirðingar þurfa að skoða vel á þessum
síðustu og vestu tímum. Margt hefur verið reynt í þeim
málum, atvinnuþróunarfélög hafa verði stofnuð, endalausir
fundir hafa verið haldnir o.s.frv. Sérstök stofnun,
Byggðastofnun, hefur verið sett á fót á vegum ríkisins til að
sporna gegn þeim fólksfótta sem landsbyggðin hefur glímt
við undanfarin ár. Þrátt fyrir allar tilraunir virðist sem
vandinn hafi aldrei verið meiri en einmitt núna, og um leið
aldrei brýnna að gera eitthvað róttækt. Um leið er bent á að
meðan atvinnuástand á suð-vestur horni landsins er eins gott
og raun ber vitni og þensla á höfuðborgarsvæðinu er
viðvarandi er erfitt að gera nokkuð í málinu. Það virðist eins
og hálfgerður uppgjafartónn sé kominn í fólk á
landsbyggðinni og að fólksflóttinn sé hálfgert lögmál sem
komið er til að vera.
Þetta er hreinlega ekki raunin. Vandamálið er í rauninni að
það sem höfuðborgarsvæðið hefur upp á að bjóða er
hreinlega eftirsóknarverðara í augum landsmanna heldur en
það sem landsbyggðin býður upp á. Hægt er að draga
vandann saman í eina setningu: Reykjavfk selur sig sjálfkrafa
meðan landsbyggðin þarf að auglýsa sig. Og er það ekki
kjarni málsins? Þarf ekki að benda fólki sem býr í Reykjavík
á þá kosti sem landsbyggðin hefur á að borðstólnum?
Vandamálið er að fjölmiðlar eiga það til að einblína á það
sem miður fer. Umfjöllun um landsbyggðina sem nær eyrum
höfðuborgarbúa er aðallega um snjóflóð, eldsvoða,
náttúruhamfarir, góðar síldveiðar og svo einn og einn
sérvitring á borð við Kidda vídeóflugu og Guðmund gamla
Stalín. En hvað er það sem landsbyggðin hefur upp á að
bjóða? Jú, t.d. kyrrð og ró, góða atvinnumöguleika, ódýrt
húsnæði, nálægð við náttúruna og margt fleira. Hvað ætli
margir höfuðborgarbúar hafi íhugað þann möguleika að selja
blokkaríbúðina sína og kaupa lítið hús með garði á
landsbyggðinni, taka allt sitt og stinga af úr ys og þys
stórborgarinnar?
Er ekki hugsanlegt að reyna að selja höfuðborgarbúum
þennan kost á þann hátt sem þeir þekkja best, með
auglýsingum? Einnig væri hægt að stofna apparat í
Reykjavík sem sérhæfði sig í að flytja fólk út á land. Þangað
væri hægt að leita og viðkomandi stofnun/fyrirtæki fyndi
húsnæði, atvinnu, leiðir til að flytja fjölskylduna og gæti
einnig gefið allar upplýsingar um kostað og annað slíkt. Er
ekki líklegra að slík stofnun skilaði árangri en enn einn
fundurinn þar sem ályktað væri um byggðamál og
ríkisstjórnin væri hvött til að beita sér í málinu? Slíkt hefur
verið gert nógu oft. En auðvitað er ekki nema hálfur vandi
leystur með þessum hætti. Það þarf einnig að stöðva
fólksflóttann, en það er hann sem er vandamálið, ekki að fólk
flytji ekki í nægilegum mæli frá Reykjavík út á land. Þennan
vanda þarf að leysa sem fyrst og róttækra aðgerða er þörf.
k- 60 0R W -s A bs@s
Getraunaleikur Þróttar
Getraunaleikurinn fór vel af stað
um síðustu helgi, fjórir hópar
náðu 11 réttum og þrír hópar
náðu 10 réttum. Það vakti helst
athygli að tveir nýir hópar sem
taka þátt í sinni fyrstu keppni
náðu 11 réttum, en það eru
Skotturnar og Gils ykkni. Aðrir
hópar með 11 rétta voru Mónes
og Sigurjón.Sterkir tipphópar
eins og Gufumar og Tippverkur
voru aðeins með 9 og 8 rétta.
Leikurinn stendur yfir í 10 vikur
og gilda 8 bestu vikurnar í
keppninni þannig að það er ekki
of seint að byrja.
Stað efstu hópa er þannig.
1-4 Skottumar 11
1-4 Gils ykkni 11
1-4 Mónes 11
1-4 Sigujón 11
5-7 3 Fuglar 10
5-7 Lækurinn 10
5-7 BH 10
Getraunaþjónusta Þróttar er
opin föstudaga kl 19.30-21 og
laugardaga kl 10-13.
Félagsnúmer Þróttar er 740.
Alltaf heitt á könnunni.
Blak
Þróttur vann fyrri leikinn- tapaði þeim seinni
Karlalið Þróttar lék tvo leiki í
fyrstu deildinni í blaki um síð-
ustu helgi og var leikið við
Stjömuna frá Garðabæ. Leikimir
vom afar jafnir og spennandi og
hafði Þróttur sigur í fyrri leikn-
um 3-2 en Stjarnan í þeim seinni
3-2.
F östudagsleikurinn
Á föstudag sigraði Þróttur 3-2
eins og áður sagði og fóru hrin-
urnar 15-6, 15-7, 14-16, 8-15 og
17-15. Það leit út fyrir að þeir
sem lögðu leið sína í íþróttahús-
ið hefðu þar skamma viðdvöl
því tvær fyrstu hrinumar tóku
aðeins 38 mínútur, en þó fór svo
að leikurinn tók alls 112 mínút-
ur. I tveimur fyrstu hrinunum lék
Þróttarliðið á alls oddi, glæsilegt
uppspil og leikfléttur þjálfarans
Apostol Apostolov, ásamt sterk-
um uppgjöfum lögðu grunninn
að sigri Þróttar í hrinunum og
má segja að liðið hafi leikið við
hvern sinn fingur og sótt stans-
laust. Þessi sókn Þróttara entist
hins vegar ekki nema tvær hrin-
ur því í þriðju hrinunni var allur
vindur úr okkar mönnum og lék
Stjömuliðið afar vel í hrinunni
sem endaði 14-16 þeim í vil.
Fjórða hrinan var svo hrina
Stjörnumanna sem völtuðu yfir
Þróttara og endaði hún með 8-15
sigri Stjörnunnar. Áhorfendur
létu hins vegar vel í sér heyra í
lokahrinunni og fóm Þróttarar
vel af stað og komust í 4-0.
Hrinan varð svo afar jöfn og
endaði hún 17-15 Þrótti í vil sem
hafði þar með unnið leikinn.
Þróttarliðið lék mjög vel í
heild sinni fyrstu tvær hrinurnar
og þá síðustu. Það var þó sérlega
gaman að fylgjast með leik-
mönnum eins og Þórami Omars-
syni sem er afar sóknþungur
leikmaður þrátt fyrir að vara sá
lágvaxnasti í liðinu og hefur
hann sérstakan hæfileika í að slá
í hávörn andstæðinganna og út
af. Matthías Haraldsson verður
þó að teljast maður leiksins í
Þróttarliðinu. I Stjörnuliðinu
stóðu Norðfirðingurinn Emil
Gunnarsson og Vignir Hlöðvers-
son upp úr og skoraði Emil m.a.
4 stig beint úr uppgjöfum.
Einnig var Róbert Hlöðversson,
yngri bróðir Vignis, Norðfirð-
ingum skeinuhættur og lék hann
Þróttarvörnina oft grátt með
smössum sínum.
Laugardagsleikurinn
Leikurinn á laugardag einkennd-
ist af taugaóstyrk og mistökum
fyrstu hrinuna. Stjömuliðið kom
mjög ákveðið til leiks og réðu
Þróttarar ekkert við uppgjafir
gestanna og tók hrinan aðeins 16
mínútur. I annarri hrinunni var
móttaka Þróttara betri og nú bar
svo við að Stjömumenn réðu
ekkert við uppgjafir þeirra.
Þróttarar unnu svo einnig Þriðju
hrinuna 15-13. Varkárni ein-
kenndi svo fjórðu hrinuna, en
hún fór 13-15 Stjörnunni í vil.
Stjaman vann svo oddahrinuna
13-15.
Af Þrótturum stóð Matthías
Haraldsson sig einna best þegar
á heildina er litið, Kristján Sig-
urþórsson og Brynjar Pétursson
áttu einnig góða spretti svo og
Þórarinn Omarsson. Af liði and-
stæðinganna er það helst að
segja að Emil Gunnarsson átti
frábæran leik og fór hann nánast
hamförum á köflum. Emil skor-
aði 12 stig úr smössum, eitt stig
úr uppgjöf og fjögur úr hávöm,
alls 16 stig og má því segja að
hann hafi klárað heila hrinu fyrir
Stjörnumenn. Lið Stjörnunnar
sýndi meiri breidd en kvöldið
áður og m.a. voru Róbert Hlöð-
versson og Sigurður Jónsson að
gera þar góða hluti.
I þeim tveimur umferðum
sem fram hafa farið í Neskaup-
stað hefur dómgæslan verið
kapituli út af fyrir sig og ef ekki
verður breyting á verður blakið
ekki lengur þessi prúðmannlegi
og skemmtilegi leikur sem það
hefur verið til þessa. Dómarar
mega ekki vera hræddir við að
sýna gula og jafnvel rauða spjald-
ið. Þetta á þó fyrst og fremst við
um karlaleikina.
Spyrja má hvort þetta stafi af
því að dómaramálunum sé lítið
sem ekkert sinnt og ef svo er
verður að verða breyting á.
Blakarar hafa gjaman stært sig
af því að blakið sé sú íþrótt sem
býður upp á leik án stympinga,
hrindinga og annarra líkamlegra
pústra, en framkoma eins og sést
hefur í þessum fyrstu leikjum
vetrarins er ekki boðleg. Breyt-
um þessu því strax!
Frá Heilbrigðisstofnuninni
Neskaupstað
Hildur Harðardóttir sérfræðingur í
kvensjúkdómum verður hér
dagana 30. nóv. - 4. des. n.k.
Guðjón Haraldsson þvagfærasérfræðingur
verður hér dagana 7. - 11. des. n.k.
Tímapantanir í síma 477 1400
fró kl. 8 - 1 0 fyrir hódegi
Heilbrigðisstofnunin í Neskaupstað
as