Austurland - 21.02.1985, Síða 2

2
FIMMTUDAGUR, 21. FEBRÚAR 1985.
----------Austurland---------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjamason,
Einar Már Sigurðarson, Þórhallur Jónasson og Smári Geirsson.
Ritstjóri: Birgir Stefánsson (ábm.) S7756.
Auglýsingar og dreifing: Aðalbjörg Hjartardóttir-Pósthólf 31
- 740 Neskaupstað - S7756.
Ritstjórn, afgreiðsla, auglýsingar: Egilsbraut 11, Neskaupstað
S7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Sjómannaverkfall hafið
Sjómannaverkfall hefir nú staðið síðan á sunnudag
og ógerlegt er að segja til um, hversu lengi það muni
standa. Sumir talsmenn sjómanna eru þeirrar
skoðunar, að það geti staðið lengi.
Útgerðarmenn sem láta nú VSÍ fara með umboð
til samninga, telja kaupkröfur sjómanna allt of háar
og sérstaklega er það kauptryggingarkrafan upp á 35
þús. kr., sem er þeim þyrnir í augum.
Sjómenn segja hins vegar, að óvenju mikillar óbil-
girni gæti hjá útgerðarmönnum og það séu kaup-
tryggingarmálin auk kostnaðarhlutdeildar í útgerðar-
kostnaði, sem aðalágreiningur er um.
Mörgum bauð í grun, að þátttaka VSÍ í samninga-
viðræðunum hleypti meiri hörku og stífni í viðræð-
urnar og gerði þær erfiðari viðfangs. Sú hefir líka
orðið raunin.
Það verður að teljast sanngjörn krafa, að sjómenn
fái verulegar kjarabætur og stórhækkaða kauptrygg-
ingu, ekki síst þegar tekið er tillit til breyttra að-
stæðna í fiskveiðum, sem leiða til minni tekjumögu-
leika eftir hlutaskiptareglunum. Þróunin í kjaramál-
um sjómanna hlýtur að verða í þá átt, að kauptrygg-
ingin verði gildari og áhrifameiri þáttur í launum
þeirra en verið hefir hingað til. Stórhækkun kaup-
tryggingar er því brýn nauðsyn og er sjómönnum
ekki láandi, þó að þeir vilji sem minnst hvika frá
gerðum kröfum í þeim efnum.
Aflabrögð hafa verið góð hvarvetna að undanförnu
og gæftir með eindæmum góðar miðað við árstíma
og vinna í landi hefir verið mikil við vinnslu sjávar-
afla. Allt er þetta nú að stöðvast vegna þrákelkni
atvinnurekenda og sinnuleysis stjórnvalda, sem ekk-
ert hafa gert til að koma í veg fyrir svo víðtækar
vinnustöðvanir, sem raun er nú á orðin. Það ófremd-
arástand, sem nú hefir skapast í árgæsku þessa vetrar,
má því vissulega kalla „móðuharðindi af mannavöld-
um“, eins og íhaldsstjórnarfar hefir áður verið nefnt
á íslandi.
Sjómannaverkfallið nær til 4 - 5 þúsund sjómanna
og fari svo illa, að það standi mikið lengur fer áhrifa
þess að gæta meðal landverkafólks og ekki þarf það
að standa mjög lengi til þess að almennt atvinnuleysi
verði um land allt.
Á meðan þessu vindur fram halda forsvarsmenn
ríkisstjórnarflokkanna áfram foringjaleik sínum og
velta vöngum yfir efnahagspunktum, þar sem ekki
er að finna nein úrræði í málefnum sjávarútvegsins.
Svo fjarri eru stjórnvöld hinni líðandi stund.
B. S.
Sigfinnur
Sigfinnur Karlsson forseti Al-
þýðusambands Austurlands og
formaður Verkalýðsfélags
Norðfirðinga varð sjötugur
þann 19. febrúar sl.
Þótt kynni mín af Sigfinni
Karlssyni séu ekki löng mæld í
árum, þá hefi ég fleira af honum
lært en flestum öðrum.
Þáð var veturinn 1976 sem ég
tók við formennsku í vmf. Ár-
vakri á Eskifirði fákunnandi um
flest það sem að verkalýðsmál-
um lýtur annað en það að kaup-
ið væri of lágt.
Þá var það að Sigfinnur hófst
handa við að uppfræða mig um
þessi mál.
Síðan höfum við ræðst við oft
daglega og oftast hefur það ver-
ið hlutverk Sigfinns að upplýsa
mig um samninga og greina í
sundur þann flókna vef sem of-
inn er í kringum kjarasamninga
í dag.
Það er ekki ofsögum sagt af
því að uppbygging samninga í
dag er orðin óeðlilega flókin og
ekki fyrir nema sérfræðinga að
rata í því völundarhúsi. Þar rat-
ar Sigfinnur Karlsson allra
manna best og er viðurkenndur
bæði af vinnuveitendum og
verkalýðshreyfingunni sem ein-
hver traustasti fulltrúi verka-
lýðshreyfingarinnar í samninga-
gerð og túlkun samninga. Þess
höfum við notið sem verið
höfum í forsvari fyrir verkalýðs-
félögum á Austurlandi á síðustu
árum.
Annar eiginleiki hefur verið
áberandi í fari Sigfinns sem er
ómetanlegur hverjum manni
ekki síst hjá þeim sem fjalla um
jafn viðkvæm mál og kjaramál
en það er orðheldni. Um hann
má segja að heitin hans eru betri
en handsöl annarra manna.
Ég hefi stuttlega drepið á tvo
Karlsson
þætti í störfum Sigfinns Karls-
sonar sem einkennt hafa sam-
skipti hans við mig og aðra sem
unnið hafa með honum í verka-
lýðshreyfingunni. Fyrir þetta
flyt ég honum alúðarþakkir og
veit að ég mæli þar fyrir munn
austfirsks verkafólks.
Sigfinnur hefur um árabil ver-
ið í fararbroddi þeirra sem á
undanförnum áratugum hafa
leitt íslenska alþýðu frá örbirgð
til bjargálna og það hefur mun-
að um hvar sem hann hefur lagst
á árar.
Það er svo um flesta sem rísa
upp úr meðalmennskunni að um
þá næðir, og Sigfinnur hefur
ekki farið varhluta af því. Um
hann hafa nætt kaldir vindar og
stundum verið að honum vegið
af samherjum og öðrum þeim
sem frekar hefði mátt vænta að
beittu kröftum sínum til að
berja á stéttarandstæðingum.
Oftar en ekki hafa þessar árásir
gengið langt út yfir allt velsæmi,
og þáttur fjölmiðla þar oft á tíð-
um óskiljanlegur.
Þetta hefur Sigifnnur staðið af
sér eins og klettur en stuðningur
samherjanna verið smár.
Það er gæfa hvers manns að
eiga sér við hlið traustan lífs-
sjötugur
förunaut, þar hygg ég að Sig-
finnur Karlsson sé í hópi hinna
lánssömu.
Kynni mín af konu hans eru
ekki mikil en þó næg til að full-
yrða að austfirskt alþýðufólk á
henni mikið að þakka, hún hef-
ur verið bjargið sem ekki brást
þegar harðast hefur verið sótt
og óvægilegast að manni
hennar.
Á þessum merkisdegi manns
hennar flyt ég henni þakkir fyrir
hennar hlut í vinningum.verka-
lýðshreyfingarinnar á undan-
förnum áratugum.
Því fer víðs fjarri að við Sig-
finnur Karlsson höfum alla tíð
verið á einu máli, guði sé lof vil
ég segja því jámenn eru leiðin-
legt fólk.
Hitt get ég sagt með góðri
samvisku að mér hefur hann
jafnan verið heilráður og öll
hans ráð miðað að eflingu og
aukinni mennt verkafólks í
landinu.
Ég flyt Sigfinni Karlssyni hug-
heilar hamingjuóskir á sjötugs-
afmælinu og óska honum og
konu hans langra og hamingju-
ríkra ævidaga.
Hrafnkéll A. Jónsson,
Eskifirði.
Knútur Þorsteinsson:
Staddur á Möðruvöllum í Eyjafirði:
Á yordegi1957
Ort skv. frásögn Eyfirðingasögu.
Blánar yfir brúnum fjalla,
blikar sól um víðan geim.
Kaldir vetrarfjötrar falla,
fagnar lífið örmum tveim.
Gullna Þórdís greiðir lokka,
gleðst við hlýrra drauma arð.
Vors og ástar vafinn þokka
vaskur ríður Sörli í garð.
AUSTURLAND sigraði
I firmakeppni Þróttar
Firmakeppni Þróttar á Sigurvegari varð Hreinn Jó- Hér á eftir fer listi yfir 10 efstu
skfðum fór fram í skíðalandinu hannsson, en hann keppti fyrir keppendur, fyrirtækin, semþeir
við Oddsskarð sl. laugardag, 9. vikublaðið AUSTURLAND. kepptu fyrir og tíma þeirra í
febrúar. Þátttakendur voru 50. keppninni.
Fyrirtæki Keppandi Fyrri umf. Seinni umf. Forgjöf Samtals
1. AUSTURLAND . Hreinn Jóhannsson . . . 34.35 34.95 0 69.30
2. Nesprent.Gerður Guðmundsdóttir . 34.90 35.49 0 70.37
3. Netagerð.Grétar Jóhannsson . . . 41.34 42.75 12 72.09
4. Kr. Lundberg . . . Kristján Ö. Kristjánsson . 37.06 35.21 0 72.71
5. Valmi hf..........Karl Róbertsson.......... 40.69 37.99 6 72.68
6. Sindri ...........Jóhann Þ. Þórðarson . . 37.01 37.70 2 72.71
7. Rafgeisli ........Hjálmdís Tómasdóttir . . 41.98 43.80 12 73.78
8. Landsbankinn . . . Jóna Lind Sævarsdóttir . 38.30 38.85 2 75.15
9. SVN bræðsla .... Sigrún Haraldsdóttir . . . 41.42 43.91 10 75.33
10. SVN frystihús . . . Hlín Jensdóttir ....... 37.57 38.46 0 76.03