Austurland - 28.03.1985, Blaðsíða 4
4
FIMMTUDAGUR, 28. MARS 1985.
Helgi Seljan:
Blind útboðsstefna eða eðlileg verkaskipting
Útboð, einkum á vegum hins
opinbera hafa verið nokkuð til
umfjöllunar að undanförnu og
ekki að ástæðulausu. Þó útboð
eigi vissan rétt á sér einkum
varðandi hin stærri verk, þá er
að mörgu að huga í þessu sam-
bandi.
í fyrsta lagi er sjaldan greint
frá því, hvert endanlegt kostn-
aðarverð er á útboðsverkum, en
ærið oft mun þar um ólíkar tölur
að ræða og útboðstölurnar í
upphafi, sem rækilega eru aug-
lýstar.
f öðru lagi er aðstaða verk-
taka ákaflega misjöfn og þar eru
það hinir stærri og öflugri, sem
ráða ferðinni, taka smærri verk
sem eins konar viðbót á stóru
verkin, sem þeir fá og hættan er
augljós, að á stuttum tíma verði
fáir fjársterkir verktakar alls
ráðandi og þá kynnu jafnvel út-
boðstölur að hækka og sam-
tryggingin að verða alger.
Þetta atriði er jafnvel orðið
Flugvellir eru ætlaðir flugvélum
Sum svæði eru ætluð til
ákveðinna og sérstakra nota og
umferð annarra og óviðkom-
andi ýmist óæskileg eða
bönnuð. Þannig er t. d. með
flugvelli. Þeir eru gerðir af al-
mannafé og eingöngu ætlaðir
fyrir umferð flugvéla. Af ein-
hverjum ástæðum virðist þetta
ekki vera öllum ljóst, jafnvel
þótt skýrt og skilmerkilega sé
bent á þetta með viðeigandi um-
ferðarmerkjum og skiltum.
Ekki veit blaðið, hvernig
ástandið í þessum efnum er
almennt, en samkvæmt upplýs-
ingum flugvallarstjórans í
Norðfirði, Harðar Stefánsson-
ar, er alltof mikið um óviðkom-
andi umferð á Norðfjarðar-
flugvelli. Of algengt er það, að
bílstjórar geri sér lítið fyrir og
fjarlægi hindranir og aki inn á
flugvöllinn og noti hann sem
æfingasvæði til kappaksturs.
Auðvitað valda þeir þá
skemmdum, sem þó nokkra
vinnu og fjármuni þarf til að
lagfæra. Vélhjólaakstur er
einnig tíðkaður á flugbrautinni
og við hana og hestamenn
skella þar á skeið. Þá eru veiði-
menn oft á ferð um flugvöllinn,
meðan veiðitími í Norðfjarð-
ará stendur yfir.
Ekki þarf að fara mörgum
orðum um, hversu mikla hættu
öll þessi umferð skapar og ættu
menn nú að hugleiða það og
hætta þessum ósið. Hér er ekki
um óvitaskap barna að ræða
heldur fullorðinna.
Þá mætti benda íþróttafélag-
inu Þrótti á, að tími er til kom-
inn að fara að hreinsa hálf-
brunnið drasl og olíutunnur,
sem enn eru við ytri flugbrautar-
endann frá því síðasta ára-
mótabrenna var haldin. Þessi
umgengni sýnist raunar gera
það mjög vafasamt að leyfa eigi
oftar áramótabrennu á þessum
stað.
Því má svo hér við bæta, að
bílaumferð virðist einnig vera
þó nokkur um íþróttavöllinn í
Neskaupstað og eru skemmdir
eftir hana augljósar.
Þetta hlýtur að vefa hægt að
stöðva. B. S.
Eftirstöðvar síðustu áramótabrennu við flugbrautarendann.
Ljóstn. B. S.
Allur akstur bannaður!
Ljósm. B. S.
áhyggjuefni Verktakasam-
bandsins eins og sást á ráð-
stefnuefni þess í haust.
í þriðja lagi og þar er að mesta
áhyggjuefninu komið, er það
aðstaða smærri verktaka og
þjónustuaðila á landsbyggðinni,
sem verða hart úti í hinni blindu
útboðsframkvæmd. Þessir aðil-
ar, vinnuvélaeigendur og vöru-
bifreiðastjórar eru með ákveðið
þjónustuhlutverk vítt um land,
nauðsynlegt og brýnt bæði fyrir
íbúana almennt, fyrirtæki og
sveitarfélögin ekki síst.
Ef þessir aðilar eru útilokaðir
frá hinum stærri verkum í
heimahéruðum sínum, svo sem
allt bendir til, að stefnt sé á, og
fjársterkir verktakar af Stór-
Reykjavíkursvæðinu gleypa
þau öll þá er rekstrargrundvelli
endanlega kippt undan þessum
þjónustuaðilum og þeir verða
að hætta og þá væntanlega bæt-
ast í þann vaxandi hóp, sem til
Reykjavíkursvæðisins flýr nú.
Þessi hætta er fyrir hendi og við
henni þarf að snúast. Hér þurfa
heimaaðilar, sveitarfélögin og
samtök þeirra í fararbroddi að
bregða hart við og krefjast þess
að settar verði einhverjar lág-
marksreglur um útboð og fram-
kvæmd þeirra, þar sem heima-
aðilar fái sinn ákveðna rétt og
möguleika til að sinna og sitja
að þessum verkefnum, þar sem
það er hagkvæmt og nauðsyn-
legt. Og víst er um það, að hag-
kvæmni þessa er meiri en menn
almennt átta sig á.
Það er alvarlegt tilræði við at-
vinnustarfsemina á landsbyggð-
inni og hættulegt allri þjónustu-
starfsemi þar, ef útboðsstefnan
svo sem hún er nú framkvæmd
með forgangi hinna öflugu og
ríku Reykjavíkurverktaka á að
verða stefna stjórnvalda. Það
þarf því að setja ákveðnar regl-
ur um framkvæmd útboða, gera
könnun á raunverulegri arðsemi
þeirra og fyrst og síðast tryggja
eðlilega þátttöku heimaaðila í
þeim verkum, sem þeir ráða við
og geta framkvæmt fyllilega eins
vel eða betur en aðkomuaðilar.
Þessar reglur þarf Alþingi að
setja, um það verður flutt tillaga
innan skamms og svo er að sjá,
hvort meirihluti þingheims vill
vitandi vits drepa niður nauð-
synlega þjónustustarfsemi á
landsbyggðinni eða tryggja
henni eðlilegan tilverurétt ella.
NESKAUPSTAÐUR
Frá bæjarsjóði
Neskaupstaðar
Fyrsta mars gjaldféll 2. hluti fyrirframgreiðslu
útsvara og aðstöðugjalda 1985 og 15. mars 2.
hluti fasteignagjalda 1985
Dráttarvextir, 4 %, verða reiknaðir á öll vanskil
1. apríl
Launagreiðendur. Vinsamlega tilkynnið
breytingar á starfsmannahaldi
Fjármálastjórinn í Neskaupstað
Útboð
Vegagerð ríkisins óskar eftir tilboðum 1
landgræðslu 1985 og 1986
Útboðsgögn verða afhent hjá Vegagerð
ríkisins í Reykjavík og á umdæmisskrifstofum
úti á landi
Skila skal tilboðum fyrir kl. 14 þann 15. apríl
1985
Vegamálastjóri