Austurland - 28.03.1985, Blaðsíða 6
Austurland
Neskaupstað, 28. mars 1985.
A SPARISJÓÐUR NORÐFJARÐAR
FLUGLEIÐIR S Gott fólk hjá traustu félagi M. EIMSKIP *
FUG OG BÍLL STRANDFLUTNINGAR gPARISJÓÐUR HEIMAMANNA
S 7119 S 4199 Sparisjóður Norðfjarðar
Iðnsýning Austurlands
Ákveðið hefur verið að halda
iðnsýningu í íþróttahúsinu á Eg-
ilsstöðum, 24. maí til 3. júní nk.
Iðnþróunarfélag Austurlands
mun standa fyrir sýningunni, en
hugmyndin er að hún nái til allra
fyrirtækja í Austfirðingafjórðungi.
Sýningarstjórn hefur verið
kosin, en hana skipa: Einar Orri
Hrafnkelsson, framkv.stj.,
Guðmundur Benediktsson,
framkv.stj. og Björn Kristleifs-
son, arkitekt.
Framkvæmdastjóri sýningar-
innar verður Bergsteinn Gunn-
arsson iðnráðgjafi.
Á fundi sem þeir félagar
héldu með blaðamönnum sl.
mánudag kom m. a. fram að
miklar vonir eru bundnar við
þátttöku fyrirtækja í fjórðungn-
um, þar sem þeim mun þarna
gefast kostur á að kynna fram-
leiðslu sína og þá ekki síður að
sýningin verði um leið örvun
fyrir sem flesta að takast á við
ný verkefni. Þá væntir sýningar-
stjórn þess einnig að sveitar-
stjórnir í fjórðungnum veiti
þessu merka málefni stuðning
og styrk svo að sýningin verði
sem veglegust.
I
Merki iðnsýningarinnar.
Ymsar hugmyndir eru uppi
um framkvæmd sýningarinnar.
M. a. er ákveðið að halda opinn
fund um stöðu iðnaðar á Aust-
urlandi og bjóða til hans ráð-
herrum, þingmönnum og for-
svarsmönnum iðnaðar og ef-
laust fleirum. Þá er gert ráð fyrir
að skemmtiefni verði á dagskrá
meðan á sýningu stendur og
verður það skemmtiefni vítt og
breytt úr fjórðungnum.
Þá má geta þess að dagskrá
sýningarinnar verður kynnt í
fjölmiðlum og götuauglýsing-
um, þegar hún liggur fyrir.
M. M.
Sýningarstjórn: f. v. Björn Kristleifsson, Einar Orri Hrafnkelsson,
Guðmundur Benediktsson, Bergsteinn Gunnarsson. Ljósm. M. M.
Miklar framkvæmdir hjá Egilsstaðahreppi
Fjárhagsáætlun Egilsstaða-
hrepps var samþykkt samhljóða á
fundi hreppsnefndar 12. mars sl.
Engin breyting var gerð á
álagningarreglum sem notaðar
voru í fyrra, en útsvar er 11%
og fasteignaskattur af íbúðar-
húsnæði 0.55%. Felld eru niður
fasteignagjöld elli- og örorkulíf-
eyrisþega.
Beinar rekstrartekjur eru
áætlaðar kr. 34.626 þús. og er
það hækkun um 29% frá tekjum
síðasta árs.
Helstu tekjuliðir eru:
Þús. kr. Hækkun %
Útsvör 18.600 25
Aðstöðugjöld 4.770 28
Fasteignask. 3.890 30
Jöfnunarsj. 3.720 25
Heildarniðurstöðutölur áætl-
unannnar eru kr. 55.560 þús. í
gjöldogkr. 49.282 þús. ítekjur.
Til rekstrar fara nettó kr.
22.515 þús., sem er um 65% af
beinum rekstrartekjum.
Gjaldfærð fjárfesting er kr.
11.128 þús. og eignfærð kr.
15.379 þús.
Gjöld umfram tekjur eru kr.
6.278 þús.
Skýring á þessum mikla mun
á gjöldum umfram tekjur liggur
fyrst og fremst í kaupum á hús-
næði fyrir iðngarða.
Gjöld vegna þeirra í eign-
færðri fjárfestingu eru kr. 7.966
þús. sem fjármagnað er m. a.
með láni frá Iðnlánasjóði.
Við þetta eykst byrði lang-
tímalána, en þess er að geta, að
húnerlítil. Afborganir og vextir
af langtímalánum eru samtals
kr. 2.480 þús. sem er um 7.1%
af sameiginlegum tekjum.
Til annarra helstu fjárfestinga
er áætlað:
Kr.
íþróttahús .... 1.700.000
Dagheimili .... 2.000.000
Áhaldahús .... 750.000
Safnahús .......... 700.000
íbúðir fyrir aldraða 513.000
Skólasel í Fellum . 939.000
Sorpbrennsluofn . 310.000
Eins og fyrr er lögð mikil
áhersla á unglingavinnu sem
felst m. a. í hvers konar snyrt-
ingu og umhverfisúrbótum,
gangstéttagerð o. fl. Samtals er
varið til hennar kr. 1.300 þús.
í gatnagerð er áætlað að verja
kr. 4.675 þús. Olíumöl á að
leggja á Koltröð, Ártröð, Brá-
velli og Tjarnarlönd. Rykbinda
á Kaupvang austan tjaldstæðis
með klæðningu og leggja einfalt
lag af klæðningu á Árskóga
sunnan hesthúsa.
Til gangstétta er áætlað að
verja kr. 1.600 þús. og steypa
1.700 -1.800 m af gangstéttum.
í viðhald og nýbyggingu hol-
ræsa eru áætlaðar kr. 1.000 þús.
Leggja á frárennsli frá rot-
þróm og stofnlagnir á iðnaðar-
svæði og meðfram Tj arnarbraut.
Til uppsetningar ljósastaura
eiga að fara kr. 500 þús.
Af framangreindu má sjá að
miklar framkvæmdir eru fyrir-
hugaðar hjá Egilsstaðahreppi í
ár.
Það sem fyrst og fremst gerir
þetta mögulegt er góð fjárhags-
staða hreppsins. Þessa góðu
fjárhagsstöðu ber ekki síst að
þakka öruggri og farsælli fjár-
málastjórn Guðmundar Magn-
ússonar, sem eins og kunnugt
er, lætur nú senn af störfum sem
sveitarstjóri Egilsstaðahrepps
eftir áratugalöng störf að sveit-
arstjórnarmálum.
B. Á.
Skák:
Deildarkeppni SI
Um síðustu helgi fór fram í
Reykjavík seinni hluti deildar-
keppni Skáksambands íslands.
Skáksamband Austurlands
sendi sveit til keppni í 3. deild
að þessu sinni og sigraði örugg-
lega. Skáksambandið hefur því
endurheimt sæti sitt í 2. deild og
mun tefla þar að ári. Efstu sveit-
ir 3. deildar voru: 1. Skáksam-
band Austurlands, 31 vinn. af
36 mögulegum, 2. Skákfélag
Akureyrar, b sveit, 26 vinn. af
36 mögulegum, 3. Taflfélag
Hreyfils, 22*/2 vinn. af 36 mögu-
legum. E. M. S.
NEISTAR
Konur í Alþýðubandalaginu hittust
nýverið á kvennastefnu í Ölfusborg-
um. Hún stóð í tvo daga og voru þar
rædd ýmis mikilvæg þjóðmál s. s. at-
vinnuþróun, verkalýðshreyfingin,
kynskiptur vinnumarkaður og staða
heimavinnandi húsmæðra fyrri
daginn, en seinni daginn var sjónum
beint að kvennapólitískum málefnum
sérstaklega s. s. hugmyndafræði
kvennahreyfinga, starfi kvenna í sós-
íalistaflokkum og sérframboðum
kvenna svo að eitthvað sé nefnt.
Eg mun fjalla um nokkur þessara
mála í Neistum á næstu vikum og byrja
nú að fjalla um kynskiptan vinnumark-
að.
í þessari umræðu voru kunnuglegar
staðreyndir dregnar fram í dagsljósið:
- konur bera minna úr býtum fyrir
vinnuframlag sitt en karlar
- hefðbundin kvennastörf/hefðbund-
in karlastörf
- margar konur vinna störf sem eru
langt undir þeirra getu
- konur eru álitnar tímabundið vara-
vinnuafl
- margar konur eru einu fyrirvinnur
heimila sinna
- karlar eru álitnir fyrirvinnur, þótt
löngu sé ljost að helst þarf tvo ein-
staklinga sem vinna fullan vinnudag
utan heimilis til að sjá fyrir fjöl-
skyldu
- aukin menntun kvenna hefur búið
til nýjar láglaunastéttir meðal há-
skólamanna, sbr. BSc hjúkrunar-
fræðinga og kennara.
Segja má að svokölluð „hefðbundin
kvennastörf" séu “hefðbundið illa
launuð", en hvers vegna? Hvaða leið
eða ieiðir eiga konur að velja til að
brjótast út úr þeirri ömurlegu stöðu að
vera illa launað varavinnuafl? Ljóst er
að engin lausn er fólgin í því að konur
yfirgefi unnvörpum hin svokölluðu
kvennastörf, störf sem konur hafa um
aldaraðir unnið af kostgæfni og með
góðum árangri. Mat til launa á þessum
störfum og virðing fyrir þeim í samfé-
laginu er það sem hér þarf að breytast.
Engu að síður er einnig nauðsynlegt
að konur sæki meira inn í önnur störf
en hingað til, þannig að fjölbreytni og
valmöguleikar aukist.
En öll vitum við að undirokun
kvenna og mismunun byrjar ekki úti í
atvinnulífinu. Undirrót vandans er
samfélagsgerðin, þ. e. sú staðreynd að
karlar hafa um aldaraðir verið aldir
upp til að stjórna bæði heima og heim-
an.
Þeir hafa í ljósi þess átt greiðari leið
til menntunar og í framhaldi af því til
metorða ogáhrifa. Þeir hafa verið aldir
upp til þess að verða fyrirvinnur heim-
ila sinna.
Nú eru þessi gildi sem óðast að
breytast, menntun kvenna og sjálfs-
vitund að aukast og fyrirvinnuhug-
takið að renna út í sandinn. Ennþá eru
þó aðstæður kvenna til menntunar og
starfa utan heimilis bágbornar, sum-
part vegna fordóma og tregðu en sum-
part vegna hægagangs í uppbyggingu
félagslegrar þjónustu s. s. dagvistar-
heimila. Og eitt er víst, að það eru
konur sem munu heyja þá baráttu sem
framundan er í þessum efnum.
E.J.
Fermingarbörn
í Norðfj arðarkirkj u
31. mars 1985 kl. 1030
1. Ágúst Magnússon, Starmýri 11,
2. Brynhildur Benediktsdóttir, Starmýri 7,
3. Erla Guðmundsdóttir, Gilsbakka 8,
4. Guðjón Gunnarsson, Miðstræti 14,
5. Guðmundur Th. Sævarsson, Miðgarði 9,
6. Guðrún Ragnarsdóttir, Gauksmýri 1,
7. Heiðrún Helga Snæbjörnsdóttir, Sæbakka 1,
8. Hjálmar Gísli Hjálmarsson, Miðstræti 25,
9. Hrönn Hjálmarsdóttir, Blómsturvöllum 5,
10. Jóhann Þorsteinn Þórðarson, Marbakka 4,
11. Jónína Sigríður Elíasdóttir, Valsmýri 3,
12. Linda Björk Ómarsdóttir, Víðimýri 18,
13. Margrét Þóra Einarsdóttir, Skálateigi,
14. Olga Hrund Sverrisdóttir, Mýrargötu 21,
15. Ólafur Hjörtur Ómarsson, Egilsbraut 7,
16. Viktoría Gilsdóttir, Miðgarði 7,
17. Þórarinn Ómarsson, Blómsturvöllum 8,
18. Þorgeir Jónsson, Þiljuvöllum 19,
19. Þórveig Hákonardóttir, Hólsgötu 7.