Austurland - 25.04.1985, Page 8

Austurland
Neskaupstað, 25. apríl 1985.
Austfjarðaleið hf. 'vv *
© 4250 og 7713 ■ Á, HÓPFERÐIR l^3> EIMSKIP
STRANDFLUTNÍNGAR
HVERT SEM ER ® 4199
ÞAÐ ER LÁN
AÐ SKIPTA VIÐ
SPARISJÓÐINN
Sparisjóður Norðfjarðar
Punktar um loðdýrarækt
Nú fer í hönd mikill annatími
hjá refabændum, gottími nálg-
ast og stööugrar aðgæslu og ná-
kvæmni er þörf. Fóðrun hvolp-
anna fram á haust er ekki sfður
nákvæmnisverk og afkoman
veltur á því, að engin mistök eigi
sér stað á vaxtarskeiði þeirra.
Búgrein þessi hefur nú náð að
skjóta rótum í verulegum mæli
á Fljótsdalshéraði og reyndar
víðar um Austurland. Þeir sem
kosið hafa að feta út á þessa
braut, hafa notið sérstakrar
fyrirgreiðslu af hálfu hins opin-
bera bæði í formi lána og styrkja
til að kljúfa stofnkostnað.
Nú er hins vegar komið að
því, að refabændur standi alfar-
ið á eigin fótum. Fyrstu afborg-
anir lána eru að falla á þessu ári.
Þá kemur fyrst í ljós, hvort loð-
dýrabúskapurinn stendur undir
því fjármagni, sem í hann hefur
verið lagt og því vinnuafli, sem
refabændur leggja fram. Refa-
bændum ogsérfróðum mönnum
ber saman um, að möguleikinn
á þessu sé góður, enda sé gætt
ýtrustu útsjónarsemi við fóður-
öflun, búunum sjálfum sé vel
sinnt og skinnamarkaðurinn
haldi áfram að ná þeim stöðug-
leika, sem nú eru horfur á.
Reyndar er það svo um alla
atvinnuvegi þjóðarinnar, að það
eru duttlungar hins stóra heims-
markaðar, sem hafa líf þeirra í
hendi sér. Þegar á allt er litið
ættu skinnaframleiðendur að
hafa sína möguleika ekki síður
en aðrir útflutningsatvinnuveg-
ir.
Blaðið óskar þessari nýju at-
vinnugrein og þeim sem hana
stunda gæfu og gengis og treystir
því, að gott samstarf refabænda
t. d. um fóðuröflun og markaðs-
setningu verði þeim happa-
drjúgt til að tryggja góða af-
komu og farsæla framtíð.
S. B.
Karl á Prándarstöðum með eina
hvolpafulla. Afurðir eftir hana
gætu orðið um 20.000 kr. þetta
árið. Ljósm. Á. I.
Verður Fáskrúðsfirðingum neitað um beint flug?
Flugfélag Austurlands sótti fyrir
nokkru um Ieyfi til áætlunarflugs
milli Fáskrúðsfjarðar og Reykja-
víkur. Flugráð hefir nú synjað
þessari beiðni og málið komið til
umsagnar samgönguráðuneytisins
og afgreiðslu þess beðið.
Ekki er blaðinu kunnugt um
Sovéskir dagar
Sovéskir dagar MÍR eru nú
haldnir í tíunda sinn og eru að
þessu sinni helgaðir RSFSR,
Rússneska sambandslýðveld-
inu.
Það er hin fræga söngkona
Ljúdmíla Zykina og hljómsveit-
in Rossía, sem munu skemmta
Austfirðingum á tónleikum í
Egilsbúð í Neskaupstað 30.
apríl og í Valaskjálf á Egils-
stöðum 1. maí.
Ljúdmíla Zykina.
orsakir þessarar neitunar, en
hún virðist lítt skiljanleg.
Það er mikið hagsmunamál
fyrir Fáskrúðsfirðinga að fá
áætlun á þessari leið og það er
hagsmunamál Stöðfirðinga og
Breiðdælinga einnig. Flugtími
milli Fáskrúðsfjarðar og
Reykjavíkur er álíka langur og
milli Egilsstaða og Reykjavík-
ur, svo að augljóst er hagræðið
við það að losna við ferðir til og
frá Egilsstaðaflugvelli, bið þar
oft og einatt og önnur óþægindi.
Flugvöllurinn á Fáskrúðsfirði
var lengdur í mars sl. um 120 m
og er nú 800 m langur. Þessi
framkvæmd kostaði um 750 þús.
kr. Til verksins eiga að fást á
þessu ári kr. 500 þús. af framlagi
til sjúkraflugvalla. Búðahrepp-
ur hefir hins vegar lagt út fyrir
þeirri upphæð, því að hún er
enn ógreidd af ríkisins hálfu.
Hreppurinn hefir einnig útveg-
að lánsfé fyrir þeim 250 þús. kr.,
sem umfram voru. Sýnir þetta
m. a. þá miklu áherslu, sem Fá-
skrúðsfirðingar leggja á að áætl-
unarflug komist á milli Fá-
skrúðsfjarðar og Reykjavíkur.
Þess má geta, að Arnarflug
hélt uppi reglubundnu leiguflugi
milli Fáskrúðsfjarðar og
Reykjavíkur í tæpt ár, frá apríl
1983 til mars 1984 og var sæta-
nýting góð í því flugi. Arnarflug
taldi hins vegar ekki grundvöll
þá fyrir framhaldi þeirrar starf-
semi, enda átti félagið þá í mikl-
um rekstrarerfiðleikum og
þurfti að sinna áætlunarflugi til
margra annarra staða á landinu.
M. S. / B. S.
Félag sauðfjárbænda í
Austur-Skaftafellssýslu
Sl. sunnudag var stofnað Fé-
lag sauðfjárbænda í Austur-
Skaftafellssýslu. Stofnfundur-
inn var haldinn á Hrollaugs-
stöðum í Suðursveit og var fjöl-
sóttur. Þar voru 60 manns úr öll-
um hreppum sýslunnar og mikill
hugur í mönnum og samstaða
góð.
Kosin var stjórn fyrir félagið
og á hún eftir að skipta með sér
verkum. Stjórnina skipa: Berg-
ur Bjarnason, Viðborðsseli,
Mýrum, Fjölnir Torfason,
Hala, Suðursveit, Ólafur Berg-
sveinsson, Stafafelli, Lóni, Þor-
steinn Sigjónsson, Bjarnanesi,
Nesjum og Örn Bergsson, Hofi,
Öræfum.
Stjórnin er þannig skipuð full-
trúum úr öllum hreppum sýsl-
unnar.
Félag sauðfjárbænda í Aust-
ur-Skaftafellssýslu er eitt fyrsta
félagið sinnar tegundar, sem
stofnað er á landinu, en um sl.
helgi voru félög sauðfjárbænda
stofnuð víðar. F. T. I B. S.
NEISTAR
f síðustu Neistum var birt upp-
haf viðtals, sem Þjóðviljinn átti
við Vilborgu Harðardóttur, vara-
formann Alþýðubandalagsins um
það, hvað áunnist hefði í jafnrétt-
isbaráttu kvenna á kvennaára-
tugnum. Hér birtist annar stuttur
kafli úr þessu viðtali. Vilborg
segir:
Árið 1976 gekkst kvennaárs-
nefnd fyrir könnun á stöðu og við-
horfum kvenna. Nú er verið að
endurtaka þessa könnun á vegum
Jafnréttisráðs. Endanlegar niður-
stöður liggja ekki fyrir, en ég veit
nú þegar að hún mun leiða í ljós
mikla viðhorfsbreytingu meðal
kvenna. Annað sem hún leiðir í
ljós er að atvinnuþátttaka kvenna
hefur stóraukist, bæði í heilsdags-
og hlutastörfum. Það eru mjög
fáir sem eru eingöngu heimavinn-
andi núna.
Á þessum áratug hefur verið
sett löggjöf um jafnrétti og Jafn-
réttisráð stofnað. Þessi tæki hafa
því miður ekki reynst eins öflug
og skyldi. Það felst í því að lög-
gjöfin gengur út á það að stuðla
að jafnrétti og viðhalda því en í
raun stuðlar hún að því að við-
halda ríkjandi ástandi. í sumum
löndum hefur verið sett í jafnrétt-
islöggjöf ákvæði um vissa já-
kvæða mismunun sem stuðlar að
því að bæta hag kvenna. Ég á sæti
í nefnd sem vinnur að endur-
skoðun jafnréttislaganna og við
höfum lagt til að svona ákvæði
verði bætt inn í þau. Þetta ákvæði
má að sjálfsögðu endurskoða
seinna, ef jafnrétti næst.
- En hvað með okkur karlana,
höfitm við breyst?
- Nei, ekki nóg. Karlarnir hafa
setið eftir í þessari þróun. Ég verð
fimmtug í ár og ég verð að segja
eins og er að karlmenn á mínum
aldri eiga mjög erfitt með að
breyta til og hugsa eftir nýjum
brautum, þeir eru staðnaðir.
Ýmsir yngri menn, en alls ekki
allir, eru betur staddir og falla inn
í lífsmynstur sem hæfir jafnrétti
kynjanna. Það eru kannski upp-
eldisáhrif meðvitaðra mæðra og
eiginkvenna.
Hvað hefur áunnist?
1975 1985
Konuráþingi 3(5%) 9(15%)
Konurí
sveitarstjómum 42(3.1%) 149(12.5%)
af1.162 af1.192
Tillaga til þingsályktunar um
úttekt á fjárhagsvanda bænda
og ráðstafanir í landbúnaði
Flm.: Hjörleifur Guttormsson, Steingrímur J. Sigfússon,
Ragnar Arnalds, Skúli Alexandersson, Helgi Seljan.
Alþingi álytkar vegna versn-
andi afkomu í landbúnaði og
mikilla fjárhagserfiðleika
bænda að fela ríkisstjórninni:
a. Að beita sér nú þegar fyrir
úttekt á fjárhagsstöðu bænda og
einstakra búgreina. Athuga skal
sérstaklega raunverulegar
launatekjur bænda síðustu ár
borið saman við viðmiðunar-
stéttir og horfur varðandi af-
komu á næstunni. Einnig verði
reynt að meta helstu ástæður
fyrir versnandi afkomu, svo sem
árferði, markaðsaðstæður og
stjórnvaldsaðgerðir, m. a. stefn-
una í vaxta- og lánamálum.
b. Að undirbúa tillögur um
ráðstafanir til úrbóta í ljósi
niðurstaðna úr úttekt, sbr. a-lið,
með það að markmiði að koma
í veg fyrir yfirvofandi byggða-
hrun. Slíkar tillögur skulu m. a.
miða að því:
• að draga úr greiðslubyrði
með almennri lækkun vaxta
og lengingu lána,
• að jafna aðstöðu meðal
bænda, m. a. með breyttri
framleiðslustjórn,
• að örva sölu á landbúnaðar-
afurðum með vöruþróun,
bættri markaðsstarfsemi og
niðurgreiðslum,
• að renna styrkum stoðum
undir nýjar búgreinar með
auknum lánveitingum, betri
nýtingu fjarmagns, ráðgjöf
og góðu skipulagi.
Sérstaklega verði tekið á vanda
sauðfjárbænda og þeirra bænda
sem lagt hafa í umtalsverðar
fjárfestingar á undanförnum 5
árum.
Landbúnaðarráðherra geri
Alþingi grein fyrir niðurstöðum
úttektar, skv. a-lið, og tillögum
til úrbóta, skv. b-lið, í þingbyrj-
un haustið 1985.
Kostnaður, sem hlýst af álykt-
un þessari, greiðist úr ríkissjóði.