Austurland - 16.05.1985, Page 2

2
FIMMTUDAGUR, 16. MAÍ 1985.
----------Austurland-------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Einar Már Sigurðarson, Þórhallur Jónasson og Smári Geirsson.
Ritstjóri: Birgir Stefánsson (ábm.) ®7750 og 7756.
Augiýsingar og dreifing: Aðalbjörg Hjartardóttir-Pósthólf 31
- 740 Neskaupstað — ®7756.
Ritstjórn, afgreiðsla, auglýsingar: Egilsbraut 11, Neskaupstað
S7750 og 7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Oréttlæti smábátakvótans sannast
Því hefir margsinnis verið haldið fram hér í blaðinu, að minnstu
fiskibátarnir ættu að vera undanþegnir aflakvóta. Til þessa liggja
ýmis rök, sem oft hafa verið tilgreind, en hér skal aðeins minnt
á takmarkaða sóknarmöguleika þessara báta og að afli þeirra í
heild við bestu aðstæður vegur lítið í heildaraflamagni fiskiskipa-
flotans alls. Þessir bátar eru hins vegar þýðingarmiklir burðarásar
í atvinnulífi sjávarplássanna víðs vegar um landið og sums staðar
skiptir útgerð þeirra og afli sköpum um afkomu heilla byggðar-
laga. Má nefna Bakkafjörð og Borgarfjörð sem skýrust dæmi þar
um, þegar litið er til Austurlands sérstaklega.
Fyrstu fjóra mánuði þessa árs máttu bátar undir 10 lestum
veiða alls 1.630 lestir, miðað við slægðan fisk. Samkvæmt upplýs-
ingum sjávarútvegsráðuneytisins höfðu þeir veitt um sl. mánaða-
mót 4.200 lestir eða 2.570 lestir umfram leyfilegt aflamagn.
Þetta gæti virst álitleg útkoma fyrir trillurnar. En svo er þó ekki.
Árinu er skipt í fjögur veiðitímabil og fari afli fram yfir
leyfileg mörk á einu tímabili er ætlun ráðuneytisins að minnka
hann sem því nemur á hinum, þannig að heildaraflinn verður
ekki aukinn.
Er þetta ekki í lagi samt, kynni einhver að spyrja. Er ekki
hagkvæmt fyrir þessa báta að veiða hinn ákveðna afla á sem
stystum tíma? Ef allir sætu þarna við sama borð, væri svarið við
þessari spurningu játandi.
En hér verður einmitt að líta á fleiri hliðar. Það er hins vegar
ekki gert og í því felst mesta óréttlætið.
Langsamlega mest af þeim afla, sem smábátarnir hafa veitt
fyrstu fjóra mánuði ársins hafa bátar á Suðurlandi, Suðvesturlandi
og við Breiðafjörð veitt. Annars staðar á landinu hafa örfáir bátar
stundað á þessum tíma. Nú er hins vegar að byrja veiðitímabil
þessara báta þar af náttúrulegum og landfræðilegum ástæðum
svo og minnstu bátanna á fyrrnefndu svæðunum. En þá er bara
ekkert eftir handa þeim.
Annað veiðitímabilið stendur mánuðina maí og júní. Þá mega
trillurnar veiða 2.910 lestir og ef öll umframveiðin fyrstu fjóra
mánuðina væri tekin af þessum kvóta, væri aðeins eftir að veiða
340 lestir miðað við júnílok. Þetta eru hrikalegar staðreyndir og
eru í raun rothögg á smábátaútgerð t. d. hér á Austfjörðum, í
kjördæmi sjávarútvegsráðherrans.
Ráðherranum virðast vera nokkuð mislagðar hendur með
stjórnun veiðanna eða hvers vegna er aflinn látinn fara svo langt
fram úr ákveðnu marki á ákveðnum svæðum á einu tímabili,
þegar ætlunin er að draga það magn frá afla næstu tímabila og
ákveða enn frekari veiðitakmarkanir en áður á besta veiðitímabili
ársins, sem nú fer í hönd? í þessa veru verða þær reglur, sem
verið er að vinna að í sjávarútvegsráðuneytinu nú og líta munu
dagsins ljós nú í vikunni, kannski áður en búið verður að prenta
þessa grein.
Það er kaldranalegur sumarboðskapur, sem sjávarútvegsráð-
herrann sendir smábátasjómönnum í kjördæmi sínu. B. S.
Jóhann K. Sigurðsson sextugur
Þegar því var stungið að mér
um daginn að Jói Sigurðs væri
að verða sextugur hrökk ég við.
Gat þetta verið? Var virkilega
svona langt síðan ég var í dýrð-
legum fagnaði heima hjá Jóa og
Stínu í Valsmýrinni að halda
upp á fimmtugsafmæli húsbónd-
ans? En auðvitað var þetta allt
satt og rétt, það er bara Tíminn,
þessi hraðfleygi fugl, sem villir
um fyrir manni.
Jóhann Karl Sigurðsson er
fæddur 14. maí 1925 í gamla
Lúðvíkshúsinu, elsta húsinu í
Neskaupstað, sonur hjónanna
Sigurðar Jóhannssonar bónda
og Sigríðar Magnúsdóttur konu
hans. Hann missti móður sína
þegar hann var fjögurra ára að
aldri og ólst eftir það upp hjá
Magnúsi afa sínum Jónssyni og
seinni konu hans, Sigrúnu
Gísladóttur. Eins og títt var urn
unga menn á þessum árum byrj-
aði hann ungur að vinna við fisk-
veiðar og -vinnslu og á þeim
vettvangi hefur hann starfað æ
síðan.
Hann tók skipstjórapróf 1943
og stundaði sjó sem háseti, stýri-
maður og skipstjóri fram til
1957. Þá fór hann í land og hóf
störf sem verkstjóri hjá Sam-
vinnufélagi útgerðarmanna og
síðar Nesútgerðinni gömlu.
Þegar svo Síldarvinnslan hf. hóf
Kirkja
Messa í Norðfjarðarkirkju á
uppstigningardag, 16. maí, kl.
2. e. h. Dagur aldraðra.
Kaffiveitingar í safnaðar-
heimilinu eftir messu.
Sóknarprestur.
ÁRNAÐ HEILLA
Afmæli
Jóhann Karl Sigurðsson,
framkvæmdastjóri, Valsmýri 1,
Neskaupstað, varð 60 ára 14.
maí sl. Hann er fæddur í Nes-
kaupstað og hefir alltaf átt hér
heima.
Jóhann dvelst nú ásamt eigin-
konu sinni, Kristínu Marteins-
dóttur, á Benidorm á Spáni.
Björg Sigurðardóttir, hús-
móðir, Hlíðargötu 12 (Akri),
Neskaupstað, varð 70 ára 15.
maí. Hún er fædd í Neskaupstað
og hefir alltaf átt hér heima.
Eiginmann sinn, Guðmund
Jónsson, verslunarmann, missti
Björg í október á sl. ári.
Björg er að heiman.
Gullbrúðkaup
Gullbrúðkaup áttu 20. apríl
sl. hjónin Serena Stefánsdóttir
og Sigurður Lúðvíksson, Lúð-
víkshúsi, Neskaupstað.
útgerð var hann ráðinn fram-
kvæmdastjóri hennar og hefur
starfað þar æ síðan.
Jói kvæntist árið 1946 Krist-
ínu Marteinsdóttur frá Sjónar-
hóli og eiga þau fjögur uppkom-
in börn. Þegar hann kom alkom-
inn í land fór hann að taka meiri
þátt í félagsmálum og þegar Al-
þýðubandalagið bauð fram til
bæjarstjórnarkosninga í fyrsta
sinni 1958 skipaði hann sér þar
í sveit og var bæjarfulltrúi þess
allt til 1982. Allan þennan tíma
einhver alskemmtilegasti bæjar-
fulltrúi sem ég hef unnið með,
tillögugóður, snöggur að átta sig
og orðheppinn ræðumaður,
einkum ef honum hitnaði í
hamsi enda skapheitur í besta
lagi.
Jói er sósíalisti að lífsskoðun.
Á því er enginn vafi, en hann
er raunsær og lítið gefinn fyrir
pólitískar vangaveltur. Hann
kýs að láta verkin tala og það
hefur hann líka gert. Og þegar
hann nú á þessum tímamótum
Jóhann K. Sigurðsson.
sat hann í hafnarnefnd og þar
er hann ennþá sem formaður.
Og sem dæmi um önnur félags-
málastörf hans má nefna, að frá
1958 - 1964 var hann formaður
Verkalýðsfélags Norðfirðinga,
formaður Útvegsmannafélags
Austfjarða frá 1975 og til þessa
dags og f stjórn SÚN um langt
árabil, nú sem formaður. Þessi
þurra og ófullkomna upptalning
segir auðvitað fátt, en sýnir þó
ótvírætt að Jói hefur alls staðar
komið sér vel og valist til trún-
aðarstarfa vegna þess að hann
hefur notið trausts.
Þegar Jói hóf störf hjá útgerð
SVN kom strax í ljós að þar var
réttur maður á réttum stað.
Margþætt reynsla hans og þekk-
ing á störfum sjómanna kom sér
vel og þá ekki síður sá eiginleiki
að vera fljótur að átta sig á hlut-
unum og ósmeykur við að taka
ákvarðanir. Er skemmst frá því
að segja að hann hefur reynst
afburða vel í starfi sínu og víst
er að þegar skráð verður saga
upphafs skuttogaraaldar á ís-
landi verður ekki framhjá hans
þætti í því ævintýri gengið.
I bæjarstjórn voru honum
hugleiknust atvinnumál og
hafnarmál, en áhugi hans var
þó engan veginn einskorðaður
við þessa málaflokka. Ég á
margar góðar minningar frá
samstarfinu með Jóa í bæjar-
stjórn og ég held að á engan sé
hallað þó ég fullyrði að hann sé
í lífi sínu skyggnist til baka getur
hann verið stoltur af árangri
starfs síns, bæði hjá útgerð SVN
og í bæjarstjórn.
Ég vil nota tækifærið um leið
og ég sendi þeim Jóa og Stínu
bestu heillaóskir í sólina suður á
Spánarströndum og þakka Jóa
störf hans, bæði í þeim félögum
og fyrirtækjum sem hann hefur
svo lengi starfað við, Síldar-
vinnslunni, SÚN og Olíusamlag-
inu, og í bæjarstjórn. Persónu-
lega þakka ég frábært samstarf
og við Bára óskum þér hjartan-
lega til hamingju með daginn og
Stínu til hamingju með þig.
Kristinn V. Jóhannsson.
Leiðrétting
í frétt í síðasta blaði um bruna
í vélasal Tanga hf. og slátur-
hússins á Vopnafirði eru tvær
missagnir, sem beðið hefir verið
um leiðréttingu á.
Sagt var: „Kviknað mun hafa
í gömlum vinnubekk . . Hið
rétta er, að eldsupptök eru
ókunn.
Einnig var sagt: „Raflagnir í
salnum svo og rafmagnstafla
brunnu . . Hið rétta er, að
einungis raflagnirnar brunnu,
en rafmagnstaflan eyðilagðist
hins vegar alveg, þó að hún
brynni ekki.
Leiðréttist þetta hér með.
B. S.