Austurland - 11.07.1985, Blaðsíða 2

2
FIMMTUDAGUR, 11. JÚLÍ 1985.
---------Austurland------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Einar Már Sigurðarson, Þórhallur Jónasson og Smári Geirsson.
Rit8tjóri: Birgir Stefánsson (ábm.) S7750 og 7756.
Auglýsingar og dreifing: Aðalbjörg Hjartardóttir - Pósthólf 31
- 740 Neskaupstað - S7756.
Ritstjórn, afgreiðsla, auglýsingar: Egilsbraut 11, Neskaupstað
©7750 og 7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
s
Ar æskunnar
Árið 1985 hefir verið tileinkað æskunni. Til þess er ætlast,
að málefnum æskunnar sé sérstakur gaumur gefinn á þessu ári,
að henni hlúð og búið í haginn fyrir hana og hún örvuð til
dáða. Æskan á að fá að sýna, hvað í henni býr, hún á að fá
að njóta sín.
Öll ár eru vissulega ár æskunnar, en samt er þessi tileinkun
verðug hvatning til allra þeirra, sem hafa með málefni æskunnar
að gera og til æskufólksins sjálfs.
Ýmisleg hefir verið gert æskunni til örvunar á þessu ári
hennar, sem nú er hálfnað. Fjölmörg félagasamtök og opinberir
aðilar hafa sett sér ákveðin markmið að vinna að og ætlað er
að skila æskunni einhverju jákvæðu. Sumt af þessu er táknræns
eðlis svo sem skógræktarátakið, sem Ungmennafélag íslands
gengst fyrir í tilefni af ári æskunnar. Þar er markmiðið að gróður-
setja eina plöntu fyrir hvern ungmennafélaga. Allt slíkt starf, sem
framtíðinni er ætlað að njóta góðs af, er góðra gjalda vert.
Margvíslegt annað starf, sem einnig er hugsað fyrir framtíð-
ina, er þróttmikið í ár og skilar sér einnig strax í áþreifanlegum
árangri.
Hér er fyrst og fremst átt við hið mikla uppbyggingarstarf,
sem ungmennafélög, íþróttafélög og margvísleg önnur æsku-
lýðsfélög vinna í þágu æskunnar og með virkri þátttöku æsku-
fólksins sjálfs. Það er einmitt hin virka þátttaka og hlutgengni
æskufólksins sjálfs, sem er aðall slíks starfs. Það hefir skilað
æskufólki þessa lands miklu og mun gera það í framtíðinni.
Á Austurlandi er þróttmikið og heilbrigt æskulýðsstarf í
gangi í hverju byggðarlagi og hefir verið öflugt og virkt um
langt skeið undir samvirkri forystu heildarsamtaka ungmenna-
og íþróttafélaga í fjórðungnum, þ. e. Ungmenna- og íþrótta-
sambands Austurlands. Þar hafa margir unnið mikið og gott
starf, sem sannar mátt samtakanna og fyrir það ber öllum Aust-
firðingum að þakka.
Ungmenna- og íþróttasamband Austurlands hefir með hönd-
um yfirgripsmikla íþróttastarfsemi allan ársins hring, þó að
sumarið sé hápunktur alls þess starfs. Einmitt um þessar mundir
gengst UÍA fyrir tveimur fjölbreyttum íþrótta- og skemmtisam-
komum, eins og það hefir reyndar gert um árabil. Nú um helgina
er Sumarhátíð UÍA á Eiðum og um verslunarmannahelgina
verður Atlavíkursamkoma sambandsins. Þetta eru fjölsóttar
samkomur, ekki aðeins af Austfirðingum heldur einnig af
fólki víðs vegar að af landinu. Og þar fær æskufólkið að njóta
sín.
Eftirfarandi orð Hermanns Níelssonar, formanns UÍ A í nýút-
kominni dagskrá Sumarhátíðar að Eiðum skulu gerð að loka-
orðum hér:
„Við megum þó ekki missa sjónar af þeirri staðreynd að í
starfi ungmenna- og íþróttafélaganna á Austurlandi og samtaka
þeirra UÍA eru málefni æskunnar ávallt í brennidepli, hjá
okkur eru öll ár ár æskunnar.“ B. S.
Ráðstefna AB á Hallormsstað
Dagana 29. og 30. júní sl. var
haldin að Hallormsstað árleg
ráðstefna á vegum Alþýðu-
bandalagsins í Austurlandskjör-
dæmi.
Eftirtaldir málaflokkar voru
teknir til umræðu:
Æskulýðsmál. Framsögu-
maður Sigurjón Bjarnason.
Sveitarstjórnarmál. Fram-
sögumenn Adda Bára Sigfúsdótt-
ir og Kristinn V. Jóhannsson.
Atvinnumál. Framsögumað-
ur Finnbogi Jónsson.
Mjög líflegar umræður urðu
um öll þessi mál og fer ályktun
um atvinnumál hér á eftir.
Ályktun um atvinnumál
Ráðstefna Alþýðubandalags-
ins á Austurlandi, haldin á Hall-
ormsstað 29. - 30. júní 1985,
bendir á þær hrikalegu afleið-
ingar sem stefna núverandi
ríkisstjórnar hefur þegar haft
fyrir atvinnulíf og afkomu fólks
á landsbyggðinni.
1. Sjávarútveginum er haldið í
kreppu með okurvöxtum,
háu olíu- og raforkuverði og
öðrum álögutn milliliða.
Starfsfólk í fiskvinnslu býr
við smánarlaun og óhóflegt
vinnuálag og af þeim sökum
vantar starfsfólk í fiskvinnslu
svo hundruðum skiptir, m. a.
á Austurlandi.
Skjótvirkasta leiðin til að
auka verðmætasköpun í
þjóðfélaginu og þar með að
draga úr viðskiptahalla og
erlendum skuldum er að
breyta rekstraraðstæðum í
sjávarútveginum, þannig að
unnt sé að hækka hlut sjó-
manna og stórbæta kjör fisk-
vinnslufólks. Bætt kjörþessa
fólks er þannig ekki aðeins
réttlætismál heldur einnig
þjóðarnauðsyn.
2. í landbúnaði blasir við gífur-
leg mismunun á kjörum
bænda og erfiðleikar sem
leiða munu til hruns heilla
byggðarlaga að óbreyttri
stefnu.
Lækkun og afnám niður-
greiðslna á landbúnaðaraf-
urðum hefur dregið stórlega
úr sölu á hefðbundnum bú-
vörum samhliða kjaraskerð-
ingu hjá launafólki. Mikill
samdráttur í neyslu kinda-
kjöts sem þegar er orðinn og
talinn yfirvofandi bitnar
mjög hart á bændum á
Austurlandi. Á sama tíma er
stuðningur við nýjar bú-
greinar allsendis ófullnægj-
andi og skipulag búvöru-
framleiðslunnar í molum.
Nýsett lög um framleiðslu
búvara sem knúin voru fram
á Alþingi nú á vordögum
auka enn á óvissuna hjá
bændum.
Ráðstefna Alþýðubanda-
Iagsins krefst aðgerða til að
tryggja byggð í sveitum og
hag sveitafólks.
3. Fjölbreytni hefur aukist í al-
mennunr iðnaði á Austur-
landi á undanförnum árum,
eins og sjá mátti ánægjulegan
vott um á iðnsýningu á Egils-
stöðum nýlega. Starf iðnráð-
gjafa og iðnþróunarfélags í
fjórðungnum horfirtil heilla.
Ráðstefnan hvetur Austfirð-
inga til að hlúa að fram-
leiðslufyrirtækjum og þjón-
ustu innan fjórðungsins m. a.
með því að beina viðskiptum
til þeirra. Nýsköpun í nýjum
og hefðbundnum atvinnu-
greinum á landsbyggðinni
mun skipta sköpum um bú-
setuþróun á næstu árum.
4. Ráðstefnan átelur harðlega
stefnu Sverris Hermanns-
sonar iðnaðarráðherra og
ríkisstjórnarinnar varðandi
málefni fyrirhugaðrar kís-
ilmálmverksmiðju á Reyðar-
firði. Sá dráttur sem orðið
hefur á því að framkvæmdir
hæfust við verksmiðjuna er
orðinn dýrkeyptur og óvið-
unandi á sama tíma og næg
orka er til staðar. Ráðstefn-
an krefst þess að staðið verði
að byggingu verksmiðjunnar
sem íslensks fyrirtækis í sam-
ræmi við gildandi lög frá ár-
inu 1982 þannig að núver-
andi óvissu létti.
5. Ráðstefnan hvetur Austfirð-
inga til að fylkja sér um ís-
lenska atvinnustefnu sem
tryggi viðunandi kjör launa-
fólks, sjómanna og bænda.
Fulltrúar atvinnulífs á lands-
byggðinni og launafólks
þurfa að snúa bökum saman
til að hnekkja frjálshyggju-
stefnu verslunarauðvaldsins,
sem nú hefur tögl og hagldir
í stjórn landsins.
ÁRNAÐ HEILLA
Afmæli
Sigrún Sigmimdsdóttir, hús-
móðir, Miðstræti 1, Neskaupstað
varð 70ára3. júnísl. Húnerfædd
í Neskaupstað og hefir alltaf átt
hér heima.
Margrét Jóhannesdóttir, hús-
móðir. Mýrargötu 18, (Breiða-
bliki), Neskaupstað varð 85 ára
15. júní sl. Hún er fædd í Sand-
víkurparti og átti þar heima til
1946, að hún flutti að Sveinsstöð-
um í Hellisfirði og bjó þar til
1952. Þá fluttist hún til Nes-
kaupstaðar og hefir átt hér heima
síðan.
Hallbera Hallsdóttir, húsmóð-
ir, Hlíðargötu 22, Neskaupstað
varð 80 ára 15. júní sl. Hún er
fædd í Viðborðsseli á Mýrum í
A.-Skaft., en fluttist til Neskaup-
staðar 1926 og hefir átt hér heima
síðan.
Eiginmann sinn, Ármann
Magnússon, missti Hallbera
1967.
Ingibjörg Símonardóttir, hús-
móðir, Mýrargötu 5A, Neskaup-
stað varð 50 ára 15. júní sl. Hún
er fædd í Neskaupstað og hefir
alltaf átt hér heima.
ívar S. Kristinsson, bygginga-
meistari, Þiljuvöllum 25, Nes-
kaupstað varð 60 ára 19. júní sl.
Hann er fæddur í Neskaupstað og
hefir alltaf átt hér heima að
undanteknum 6-7 árum, er hann
bjó í Reykjavík á námsárum
sínum.
Björg Jakobsdóttir, Mýrargötu
20, Neskaupstað, varð 65 ára 26.
júní sl. Hún erfædd á Djúpavogi,
en hefir átt heima í Neskaupstað
frá því um 1958.
Reynir Zoéga, gjaldkeri, Þilju-
völlum 14, Neskaupstað, varð 65
ára 27. júní sl. Hann er fæddur í
Neskaupstað og hefir alltaf átt
hér heima.
Auðbjörg Njálsdóttir, húsmóð-
ir, Miðgarði 8, Neskaupstað,
varð 50 ára 1. júlí sl. Hún er fædd
í Brekkuþorpi í Mjóafirði, en
fluttist með foreldrum sínum til
Neskaupstaðar um ársgömul og
hefir átt hér heima síðan.
Sigurður Jónsson, verkamað-
ur, Miðstræti 24, Neskaupstað,
varð 85 ára 3. júlí sl. Hann er
fæddur í Neskaupstað og hefir
alltaf átt hér heima.
Trausti Björnsson, vélvirki,
Hafnarbraut 42, Neskaupstað,
varð 60 ára 6. júlí sl. Hann er
fæddur í Neskaupstað og hefir
alltaf átt hér heima.
Guðrún Eiríksdóttir, húsmóð-
ir, Þiljuvöllum 21, Neskaupstað,
varð 70 ára 8. júlí sl. Hún er fædd
á Apavatni í Grímsnesi, en flutt-
ist til Neskaupstaðar um 1935 og
hefir alltaf átt hér heima síðan.
Eiginmann sinn, Karl L. Mar-
teinsson, missti Guðrún 1980.
Garðar Lárusson, útgerðar-
maður, Þiljuvöllum 23, Neskaup-
stað, varð 60 ára 8. júlí sl. Hann