Austurland - 25.07.1985, Blaðsíða 1
Austurland
35. árgangur. Neskaupstað, 25. júlí 1985. 25. tölublað.
Viku - Færeyjarferðir
Brottför 25.7. & 22.8.
Benni & Svenni
S 6399 & 6499
Hjörleifur Guttormsson:
Byggðaröskun á ábyrgð
Á síðasta ári fækkaði íbúum í
Austurlandskjördæmi um 25
manns á heildina litið, þar af í
þéttbýli um 10 manns. Er það í
fyrsta sinn í meira en áratug að
fækkun verður í þéttbýli í kjör-
dæminu og segir það sína sögu um
þá fólksflutninga sem í gangi eru.
Þéttbýlisstaðir þar sem fjölg-
un var á sl. ári eru aðeins fjórir:
Neskaupstaður, Höfn, Fella-
hreppur og Egilsstaðir og er á
þessum stöðum á bilinu 42 til 10
manns. Á árinu 1973 fjölgaði
íbúum hins vegar um 330 í þétt-
býli á Austurlandi og flest árin
síðan um meira en 100.
1071 manns í mínus 1984
Sams konar þróun og hér á
Austurlandi hefur verið að ger-
ast einnig í öðrum landsbyggð-
arkjördæmum. Ekkert þeirra
fær í sinn hlut þá fjölgun íbúa
sem varð á landinu öllu og nam
tæplega 1% eða 2230 manns á
síðasta ári. Sú fjölgun kemur öll
fram í Reykjavík og Reykjanes-
kjördæmi, sem fengu 1071
manns nettó út úr fólksflutning-
um af landsbyggðinni í fyrra.
Það er hæsta tala sem sést hefur
frá því skráning hófst á fólks-
flutningum milli landshluta fyrir
25 árum.
Gjá sem stöðugt breikkar
Þessar tölur staðfesta það,
sem fólk á landsbyggðinni finn-
ur betur með hverjum mánuði
sem líður, þ. e. hversu ört hallar
undan fæti í samskiptum dreif-
býlis og höfuðborgarsvæðis.
Fyrirtæki í sjávarútvegi berjast
í bökkum, fengsæl togskip eru
á uppboði, hluti bænda sér ekki
fram úr greiðsluerfiðleikum,
fiskvinnslufólk situr eftir launa-
lega þrátt fyrir bónusstrit, og æ
erfiðara verður að manna fisk-
Góð sala
hjá Beiti
Beitir NK seldi blandaðan
afla í Grimsby í gær og fékk gott
verð. Hann seldi 154 lestir fyrir
6.872.000 kr. og er meðalverð
kr. 44.57 á kg.
Beitir fer í slipp ytra, en legg-
ur væntanlega af stað heim um
helgina.
vinnslustöðvar með þjálfuðu
starfsfólki.
Á sama tíma blómstra verslun
og viðskipti á höfuðborgar-
svæðinu í áður óþekktum mæli
og húsnæði og hallir hinna ný-
ríku mynda þar heil byggða-
hverfi.
Óheft frelsi
markaðsaflanna
Menn spyrja eðlilega, hvort
hér séu að verki einhver nátt-
úrulögmál eða önnur öfl, sem
við landsbyggðarfólkið getum
ekki haft áhrif á. Svarið er neit-
andi. Meginástæða þessarar
hröðu öfugþróunar er stefna
núverandi valdhafa, ríkisstjórn-
ar Framsóknar- og Sjálfstæðis-
flokks. Breytilegt árferði og
aflasamdráttur skipta hér ekki
sköpum. Á móti sveiflum í
þorskafla hafa komið auknar
veiðar á öðrum tegundum,
m. a. stóraukinn loðriuafli.
Efnahagsstefna ríkisstjórnar-
innar hefur verið fjandsamleg
sjávarútveginum og öðrum
frumvinnslugreinum, en á sama
tíma hafa allar flóðgáttir verið
opnaðar fyrir gróðaöflin í þjóð-
félaginu. Þessar áherslur koma
m. a. fram í ákvörðunum ríkis-
stjórnarinnar um frjálsa vexti
með tilheyrandi vaxtaokri og í
frelsi til handa verslun og við-
skiptaaðilum til álagningar, sem
leitt hefur til hærra vöruverðs á
mörgum sviðum.
Það er þetta óhefta frelsi
markaðsaflanna, sem vinnur á
öllum sviðum gegn landsbyggð-
inni og sogar fjármuni og fólk
suður í áður óþekktum mæli.
Við þetta bætast skipulegar
samdráttaraðgerðir stjórn-
valda, m. a. í framlögum til sam-
neyslu og opinberra fram-
kvæmda og kemur sú stefna
fyrst og fremst niður á lands-
byggðinni.
Ábyrgðin hjá þingliði
stjórnarflokkanna
Þeir sem framkvæma þessa
stefnu og bera pólitíska ábyrgð
á henni eru ráðherrar og alþing-
ismenn í röðum stjórnarflokk-
anna, þar á meðal fjórir fulltrú-
ar kjörnir af Austfirðingum. Að
baki standa voldug öfl sem ráða
ferðinni í Sjálfstæðis- og Fram-
sóknarflokki sem telja sig hafa
hag af þessari stjórnarstefnu,
ríkisstjórnar
fremst í fylkingu Verslunarráð
íslands.
Landsbyggðin á sína miklu
möguleika nú sem fyrr, aðeins
ef rétt er á málum haldið. Úti
um landið verður til megnið af
þjóðarauði og gjaldeyristekjum
landsmanna. Spurningin stend-
ur um það, hvort fólkið sem
skapar þennan auð og byggðar-
lög þess fái eðlilega hlutdeild í
honum. Til þess þarf stjórnar-
stefnu vinsamlega landsbyggð-
inni og þess utan margháttaðar
aðgerðir til að treysta stöðu
hennar til lengri tíma litið. Að
þeim þáttum verður vikið nánar
síðar hér í blaðinu.
Lionsferð
eldri borgara
Skemmtiferð eldri borgara
verður farin á vegum Lions-
klúbbs Norðfjarðar laugardag-
inn 27. júlí og er mæting kl. 10
um morguninn á eftirtöldum
stöðum: við Sjúkrahúsið, Egils-
búð og Söluskála Olís.
Þátttöku ber að tilkynna til
Jóhanns G. Stephensen í síma
7456 og Bjarna Aðalsteinssonar
í síma 7583 og veita þeir nánari
upplýsingar.
Forseti íslands og forseti bœjarstjórnar Nes-
kaupstaðar. Ljósm. B. S.
Vigdís forseti heilsar Ármanni Eiríkssyni, á
milli þeirra er Jónína Halldórsdóttir, eiginkona
Ármanns. Aftar standa Margrét Jóhannesdóttir
og Fanney Gunnarsdóttir. Ljósm. B. S.
Vigdís forseti heimsótti saltfiskverkun SVN og hitti þar m. a. Valdemar
Andrésson. Ljósm. B. S.