Austurland - 08.08.1985, Blaðsíða 2
2
FIMMTUDAGUR, 8. ÁGÚST 1985.
---------Austurland------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjarnason,
Einar Már Sigurðarson, Þórhallur Jónasson og Smári Geirsson.
Ritstjóri: Birgir Stefánsson (ábm.) ©7750 og 7756.
Auglýsingar og dreifing: Aðalbjörg Hjartardóttir - Pósthólf 31
— 740 Neskaupstað - ©7756.
Ritstjórn, afgreiðsla, auglýsingar: Egilsbraut 11, Neskaupstað
©7750 og 7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Breiðu bökin
Nú hafa álagningarskrár opinberra gjalda verið birt-
ar þetta árið og hafa verið umræðuefni manna á meðal
um skeið. Ekki verður sagt, að þessar skrár komi
mönnum á óvart nú venju fremur. Gjöldin hafa
hækkað í heild, minnst þó hér á Austurlandi allra
landshluta, gjöld einstaklinga hafa hækkað meira en
fyrirtækja og breiðu bökin eru auðþekkt við lestur
álagningarskránna. Ekkert af þessu kemur á óvart.
Menn bölva þessu í nokkra daga, en gleyma því svo
og skattayfirvöld virðast fátt sjá athugavert við gjöld
fyrirtækja og rekstraraðila.
Það verður að gera ráð fyrir því, að allir telji rétt
og samviskusamlega fram tekjur sínar, því að það ber
mönnum að gera. Álagningin í ár staðfestir það, sem
oft hefir berlega komið í ljós áður, að atvinnurekstur
á íslandi er ekki ábatasamt lifibrauð og er reyndar
merkilegt, hversu margir virðast fúsir að fórna tíma
og kröftum og fjármunum í atvinnurekstur yfirleitt.
Það er sama hvort um er að ræða fyrirtæki eða einstakl-
inga sem stunda atvinnurekstur, gjöldin eru lægri en
flestra annarra og hlýtur afkoma þessara aðila því að
vera afar slæm. Það er ótrúlegt, að þessir menn búi í
dýrum einbýlishúsum, eigi dýra og nýja bíla eða hafi
ráð á utanlandsreisum í fríum - eða hvað?
Aðrir hafa hins vegar efni á þessu, það eru þeir sem
bera umtalsverð gjöld og miklu hærri en aumingja
umsvifamennirnir. Það eru þeir sem hafa breiðu bökin
og það eru líka þeir sem valda stjórnvöldum og at-
vinnurekendum endalausum vandræðum vegna þess,
hversu hátt kaup þeir hafa og eru með því að sliga
atvinnureksturinn og setja fyrirtækin á hausinn.
Hér er auðvitað átt við launafólkið, það fólk sem
fær greidd laun fyrir vinnu sína hjá öðrum, án þess
að geta kallað sjálft sig fyrirtæki og fært persónuleg
útgjöld á kostnaðarreikning þess. Fólk sem er í vinnu
hjá almennum fyrirtækjum, ríki eða sveitarfélögum,
er fólkið með breiðu bökin og auðvitað á það að borga
sín gjöld með glöðu geði og réttlætiskennd þess segir
því, að þeim beri að borga mest, sem mest bera úr
býtum.
Sanna ekki álagningarskrár opinberra gjalda nú enn
einu sinni þá fullyrðingu stjórnvalda og atvinnurek-
enda að allur atvinnurekstur, hvort sem hann er stór
eða smár í sniðum, er á vonarvöl, en kaup hins al-
menna launafólks er alltof hátt og er eitt helsta böl
þessarar hamingjusömu þjóðar?
Ef menn geta lesið eitthvað annað út úr álagningar-
skránum, væri vissulega fróðlegt að heyra nánar um
það. B. S.
Efnilegur íþróttamaður
Ólafur Viggósson, Þrótti N,
er nýkominn heim e'ftir að hafa
leikið með unglingalandsliði ís-
lands í knattspyrnu í Norður-
landamótinu. Hann lék tvo
fyrstu leikina alla og fékk mjög
góða dóma. í þriðja leiknum var
hann svo óheppinn að meiðast
og varð að fara útaf og svo var
einnig með fjórða leikinn, hann
fór inná, en var ekki orðinn
nógu góður og fór útaf.
Framundan hjá landsliðinu
eru tveir leikir við Skota í sept-
ember og október og takist ís-
lensku strákunum að vinna þá
leiki eru þeir komnir í úrslit í
Evrópukeppninni, sem fram fer
í Grikklandi að ári.
Aðspurður sagði Ólafur að
hápunktur ferðarinnar hefði
verið að vinna Dani 4 - 3, en
það hefur ekki gerst áður. Hann
var mjög ánægður með ferðina
í heild, en sagði að undirbúning-
stími liðsins hefði mátt vera
lengri.
Að knattspyrnuvertíðinni
lokinni tekur blakið við hjá
Ólafi, en sem kunnugt er lék
NESKAUPSTAÐUR
Auglýsing
Tæknifræðingar / Verkfræðingar
Staða bæjartæknifræðings / verkfræðings í
Neskaupstað, sem gegnir jafnframt störfum
byggingafulltrúa, er laus til umsóknar
Æskilegt er að viðkomandi geti hafið störf
sem fyrst
Skriflegar umsóknir, er tilgreini menntun og
fyrri störf, sendist bæjarskrifstofunni í
Neskaupstað fyrir 15. ágúst nk.
Nánari upplýsingar veitir Ásgeir Magnússon,
bæjarstjóri S 97-7700
Bæjarstjóri
Útsala -p.
Útsala hefst á fatnaði og hljómplötum
á morgun kl. 10 Mikill afsláttur Nesbær Neskaupstað S7115
NESKAUPSTAÐUR
Garðeigendur
Þar sem grenilús herjar enn á grenitré hér í
bæ, verður garðeigendum gefinn kostur á
úðun til eyðingar lúsinni
Þeir garðeigendur sem nota vilja þjónustu
þessa vinsamlegast láti um það vita á
bæjarskrifstofuna í síma 7700
Áætlaður kostnaður fyrir úðun er kr. 250 - 500
fyrir garðinn
Bæjarverkstjóri
hann með unglingalandsliðinu í
þeirri grein sl. vetur.
Ólafur Viggósson.
Ljósm. Viggó Sigfinnsson.
Ólafur hefur þegar fengið til-
boð frá félagi í Reykjavík, en
sagðist ekki vera á förum. Hann
telur sig vera orðinn góðan af
meiðslunum og leikur með
Þrótti gegn Magna á laugardag-
inn, fyrir norðan.
Blaðið óskar Ólafi til ham-
ingju með góðan árangur í ofan-
töldum íþróttagreinum og óskar
honum góðs gengis. E. G.
ÁRNAÐ HEILLA
Afmæli
Einar Sölvi Elíasson, pípu-
lagningameistasri, Miðstræti
8 A, Neskaupstað, varð 70 ára
6. ágúst sl. Hann er fæddur í
Brekkuþorpi í Mjóafirði og ólst
þar upp til 1921. Þá fluttist hann
til Neskaupstaðar um skeið, en
ólst svo upp á Hestgerði í Suður-
sveit. Síðan hefir hann búið í
Hafnarfirði í 17 ár, á Akureyri
í 10 ár og í Neskaupstað 1959 -
1963 og aftursamfelltfrá 1974.
Tapað - Fundið
Tapast hefur
Microma kvenúr,
sennilega við
íþróttahúsið fyrir
u. þ. b. mánuði
Finnandi
vinsamlegast skili
því í Binna-sjoppuna