Austurland - 05.09.1985, Side 4
Austfjarðaleið hf. A. /A ÞAÐ ER LÁN tt
® 4250 og 7713 Auglýsingasími 'S/ AÐ SKIPTA VIÐ
Austurland Neskaupstað, 5. september 1985. Vetraráætlun gengur í gildi 16. september . AUSTURLANDS er 7756 SPARISJÓÐINN Sparisjóður Norðfjarðar
Ályktanir aðalfundar SSA
Um skólakostnað á
framhaldsskólastigi
Aðalfundur SSA haldinn
á Reyðarfirði 29. og30. ágúst
1985 telur brýnt að sömu
ákvæði gildi um skólakostn-
að í öllum framhaldsskólum
og skorar á Alþingi íslend-
inga að setja hið allra bráð-
asta lög um skólakostnað á
framhaldsskólastigi. Við
samningu þeirra verði haft
samráð við landshlutasamtök
sveitarfélaga.
Um skipulag
framhaldsnáms
á Austurlandi
Aðalfundur SSA haldinn
á Reyðarfirði 29. og 30. ágúst
1985 ítrekar stuðning sam-
bandsins við skipulag fram-
haldsnáms á Austurlandi og
lýsir yfir ánægju með hið
mikla samstarf sem er á milli
þeirra skóla sem bjóða upp á
framhaldsnám.
Þá fagnar fundurinn því
ágæta framtaki Stjórnunar-
nefndar framhaldsnáms á
Austurlandi, að kynna náms-
möguleika á framhaldsskóla-
stigi í fjórðungnum með út-
gáfu blaðsins EININGAR
?em fór inn á hvert heimili
þar.
Hið mikla samstarf skól-
anna tryggir að hægt er að
bjóða upp á framhaldsnám
tiltölulega víða í fjórðungn-
um og stuðlar því samstarfið
að jafnrétti til náms innan
fjórðungsins.
Allir þeir skólar, sem hafa
framhaldsnám innan sinna
vébanda á Austurlandi,
gegna því mikilvægu hlut-
verki á þessu sviði og er
mikilvægt að þeir verði efldir
eins og frekast er unnt.
Um kennslugagna-
miðstöðvar
Aðalfundur SSA haldinn
á Reyðarfirði 29. og 30. ágúst
1985 lýsir yfir stuðningi við
eftirfarandi samþykkt
fræðsluráðs frá26. júlí 1985:
Fræðsluráð Austurlands-
umdæmis fagnar samþykkt
Alþingis á þingsályktunartil-
lögu um kennslugagnamið-
stöðvar í öllum fræðslu-
umdæmum.
Efni tillögunnar snertir
mjög framgang skólamála í
dreifbýlinu og stefnir að
auknum jöfnuði til náms án
tillits til búsetu.
Fyrir því beinir ráðlð þeim
eindregnu tilmælum til hæst-
virts menntamálaráðherra að
láta þá könnun, sem tillagan
gerir ráð fyrir, koma til fram-
kvæmda.
Jafnframt verði stefnt að
því að leggja fyrir næsta
reglulegt Alþingi frumvarp
til laga um stofnun og rekstur
kennslugagnamiðstöðva við
fræðsluskrifstofurnar.
Um nám í sérkennslu
heima í héraði
Aðalfundur SSA haldinn
á Reyðarfirði 29. og 30. ágúst
1985 lýsir yfir fyllsta stuðn-
ingi við þá tillögu fræðsluráðs
að komið verði á námi í sér-
kennslu heima í héraði fyrir
starfandi kennara á Austur-
landi.
Það er ljóst að kennarar
munu ekki almennt sækja um
launalaus leyfi til að stunda
framhaldsnám fjarri heima-
byggð.
Telja má því víst, að þetta
sé eins og sakir standa eina
færa leiðin til að fjölga veru-
lega þeim kennurum, sem
annast sérkennslu. í þeim
efnum er kennaraskorturinn
bæði mikill og sár.
Fundurinn beinir þeim ein-
dregnu tilmælum til háttvirts
menntamálaráðherra og
háttvirtra þingmanna Aust-
urlandskjördæmis að veita
þessu máli brautargengi og
tryggja framgang þess hið
fyrsta.
Um kennaraskort
á landsbyggðinni
Aðalfundur SSA haldinn
á Reyðarfirði 29. og 30. ágúst
1985 ályktar að kennara-
skortur landsbyggðarinnar
sé einn þáttur byggðavand-
ans og felur stjórn sambands-
ins og fræðsluráði að taka
þetta mál til umfjöllunar í
tengslum við upplýsingasöfn-
un um kostnaðar- og verka-
skiptingu ríkis og sveitarfé-
laga.
NEYTENDAHORNIÐ ð
Á neytendasíðu Þjóðviljans
fyrir skömmu var greint frá
verðsamanburði á unninni
kjötvöru í nokkrum verslunum
í Reykjavík.
Hér að neðan verður sagt frá
hæsta og lægsta verðinu þar og
til samanburðar fyrir okkur hér
í bæ fylgir með verð frá Kf.
Fram, tekið sl. mánudag. Sem
kunnugt er, var verðlag á þess-
um vörum gefið frjálst 1. mars
1984 ogþví var engar viðmiðun-
artölur að fá hjá Verðlagsstofn-
un.
Hjá Búnaðarfélaginu fékkst
heildsöluverð á heilum lamba-
og nautaskrokkum og fylgja þær
Kf. Fram Hæsta verð Lægsta verð
Lambasnitsel 501.00 625.00 418.00
Nautasnitsel 706.00 695.00 499.00
Kótilettur 269.00 310.00 264.00
Lærasneiðar 285.00 437.80 310.00
Kjúklingar 269.50 287.00 248.00
Nautalundir 789.50 849.00 605.00
Nautahakk 382.50 342.50- 215.00
Kindahakk 263.50 277.00 168.00
tölur hér með til viðmiðunar:
Kílóið af 1. flokks dilkaskrokki
er 172.69, 2. flokkur á 157.39
og úrvalsflokkur á 180.03.
Kílóið af 1. flokks nautakjöti
er 188.86 og stjörnuflokki á
211.03.
Einar Ólafsson hjá Búnaðar-
félaginu sagði að neysla lamba-
kjöts hefði dregist mikið saman
að undanförnu og hefði færst
yfir á nauta- og hænsnakjöt.
Enn einu sinni er fyllsta
ástæða til að hvetja neytendur
til að gera verðsamanburð á öll-
um vörum og þjónustu. Hérsést
t. d. að það munar miklu á hæsta
og lægsta verði, eða allt að
244.00 krónum og ÞAÐ munar
margan um minna. E. G.
NEISTAR
Kvennasögusafn íslands
Við leituðum til Önnu Sigurðardóttur, forstöðukonu
Kvennasögusafns íslands, og báðum hana að greina frá að-
draganda að stofnun safnsins. Varð hún fúslega við þeirri
beiðni og kunnum við henni bestu þakkir fyrir.
ínœsta blaði birtum við svo stofnskrá Kvennasögusafnsins.
S. B.
Aðdragandi að stofnun
Kvennasögusafns
íslands
í júnímánuði 1968 var hald-
inn á Þingvöllum fundur nor-
rænna kvenréttindafélaga.
Þar flutti Karin Westman
Berg erindi um kvennasögu-
safnið í Gautaborg í Svíþjóð.
Þá kviknaði hjá mér örlítil
von eða ósk um að einhvern
tíma yrði líka stofnað kvenna-
sögusafn hér á landi.
Sú von rættist nokkrum
árum síðar eða á fyrsta degi
alþjóða kvennaárs Samein-
uðuþjóðanna, 1. janúar 1975.
Að stofnun safnsins stóðum
við þrjár konur. Auk mín
bókasafnsfræðingarnir Else
Mia Einarsdóttir og Svanlaug
Baldursdóttir.
Einn megintilgangur
safnsins, auk þess að safna
efni um hvaðeina sem konur
varðar, er að greiða fyrir
áhugafólki um sögu íslenskra
kvenna eða einstaka þætti
hennar og veita því aðstoð við
að afla heimilda svo og að
miðla þekkingu á sögu
kvenna.
Á undanförnum rúmum 10
árum hefir mikill fjöldi skóla-
fólks komið í safnið til að leita
sér efnis í ritgerðir. Það eru
nemendur frá ýmsum skólum
allt frá barnaskóla til háskóla.
Ég segi háskóla ekki bara
Háskóla íslands, því að einnig
stúdentar við erlenda háskóla
hafa leitað til safnsins. Það er
mjög ánægjulegt að geta lið-
sinnt gestum safnsins.
Sumir standa við í nokkrar
klukkustundir og koma iðu-
lega aftur í frekari heimilda-
leit. Ég hefi líka ánægju af að
geta svarað bréfum útlend-
inga, en það tekur oft langan
tíma að svara þeim og safna
heimildum til að senda þeim
ljósrit af.
Kvennasögusafn íslands á
ótrúlega marga vini í öðrum
löndum sem senda því bækur
óumbeðið. Vissulega senda
sumir íslenskir höfundar bæk-
ur sínar og sérprent af ritgerð-
um. Það er jafnan mikið fagn-
aðarefni. - Því miður á safnið
sáralítið af bókum ísienskra
kvenna frá síðustu tímum.
Fjárhagur safnsins leyfir ekki
bókakaup nema í fornbóka-
verslunum eða á bókamark-
aði.
Kvennasögusafn íslands
hefir frá upphafi stefnt að því
að fá inni í Þjóðarbókhlöð-
unni þegar hún kemst upp.
Hvar ætti safn til sögu ís-
lenskra kvenna - helmings
þjóðarinnar - að vera í fram-
tíðinni annars staðar en í
Þ j ó ð a r bókhlöðunni?
Það var mikið gleðiefni
þegar fréttist fyrir nokkrum
árum að farið væri að fjalla
um kvennabókmenntir í
Háskóla íslands og síðar að
kvennasaga væri komin þar
á námsskrá, svo og að hlut-
ur kvenna væri alls ekki
sniðgenginn í þjóðfélags-
fræðum.
Ég bind miklar vonir við að
skólafólkið, sem kemur
hingað í safnið fullt af áhuga
á verkefni sínu, muni síðar
leggja stund á kvennarann-
sóknir. Nógeru verkefnin.
A. S.
Skák:
Helgarskákmót á Djúpavogi
Helgarskákmót verður haldið
á Djúpavogi dagana 13. - 15.
september nk. Tímaritið Skák
ásamt nokkrum aðilum á
Djúpavogi standa fyrir mótinu,
sem er 31. helgarskákmótið.
Búist er við góðri þátttöku okk-
ar sterkari skákmanna, svo og
austfirskra skákmanna. Þetta er
fimmta helgarskákmótið sem
haldið er hér fyrir austan, hin
mótin voru í Neskaupstað, á
Höfn, Seyðisfirði og Fáskrúðs-
firði. Ýmsir stærri þéttbýlisstaðir
hér eystra eiga enn eftir að halda
slík mót, en góðar horfur eru á
að helgarmót verði á Egilsstöð-
um í byrjun næsta árs. E. M. S.