Austurland - 12.09.1985, Blaðsíða 2

2
FIMMTUDAGUR, 12. SEPTEMBER 1985.
---------Austurland-------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjamason, Einar
Már Sigurðarson, Sigrún Þormóðsdóttir og Smári Geirsson.
Ritstjóri: Birgir Stefánsson (ábm.) ©7750 og 7756.
Auglýsingar og dreifing: Aðalbjörg Hjartardóttir - Pósthólf 31
- 740 Neskaupstað - ©7756.
Ritstjórn, afgreiðsla, auglýsingar: Egilsbraut 11, Neskaupstað
©7750 og 7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Bónusverkföll hafín
Fiskvinnslufólk víða um land er komið í svonefnt bón-
usverkfall. Nú vinnur það eftir tímakaupi og með eðlilegum
vinnuhraða. Talið er, að við það minnki afköst í frystihúsun-
um um 40 - 50%. Slíkt er vinnuálagið, sem bónuskerfið hefir
í för með sér, slík eru afköst þessa fólks umfram það, sem
teljast eðlileg vinnuafköst.
Hvað fær þetta fólk svo í staðinn fyrir hið mikla aukaálag?
Nokkrar krónur að vísu, en í engu samræmi þó við sitt vinnu-
framlag og kapp. í þess hlut kemur einnig ómæld þreyta,
vöðvabólga, gigt og dofi og aðrir atvinnusjúkdómar, sem
sannað er að herja á þetta fólk. Augljóst er því, að fisk-
vinnslufólk hefir ekki hag af þessu vinnufyrirkomulagi.
En hagsmunum hverra þjónar bónuskerfið þá? Svarið er
einfalt, það þjónar hagsmunum atvinnurekenda, sem með
tiltölulega litlum aukakostnaði fá miklu meiri afköst út úr
starfsfólkinu, meiri veltuhraða á hráefni og fjármagn og þar
af leiðandi aukna hagræðingu í rekstri.
Atvinnurekendur komu bónuskerfinu á upphaflega fyrir
tveimur áratugum eða svo. Var þetta kaupkerfi gyllt mjög
fyrir verkafólki, sem þó hafði sínar efasemdir um ágæti þess.
Á þeim tíma, sem síðan er liðinn, hefir kerfinu verið breytt
verkafólki í óhag, á því hefir byggst stærri hluti þeirra launa,
sem greidd hafa verið fyrir fiskvinnu og kaupauki hefir byggst
á meiri hraða og þar með meira vinnuálagi.
Launahvetjandi kerfi í einhverri mynd þarf ekki að vera
andstætt hagsmunum verkafólks, en þar verður að gæta
mikils hófs og aukið vinnuálag umfram hið eðlilega verður
að vera í skynsamlegu samræmi við kaupaukann, sem það
gefur. í umræddu bónuskerfi er slíkt samræmi ekki lengur
til, hafi það einhvern tíma verið fyrir hendi. Pess vegna hefir
fiskvinnslufólk nú beitt nauðvörn sinni, verkföllum, varðandi
þetta vinnulag.
Atvinnurekendur eru auðvitað samir við sig í þessari vinnu-
deilu og jafnan áður. Þeir berja lóminn og segjast ekki geta
borgað hærra tímakaup og neita því að draga úr ókostum
hins ómannúðlega kerfis, en kröfur verkafólks eru ekki þær
að leggja skuli kerfið niður, þó að merkilegt sé, heldur að
það skuli betrumbætt og bónushluti launanna lækkaður, fast
kaup hækkað. Atvinnurekendur bera það svo fyrir sig einnig,
að kerfið sé svo flókið, að þeir skilji það ekki lengur og þó
að sú viðbára sé trúlega á rökum reist, er hún engu að síður
kátbrosleg.
Þær kröfur verður að gera til atvinnurekenda, að þeir gangi
þegar til samninga við fiskvinnslufólk í fullri alvöru, hætti
öllum útúrsnúningum og standi við þær síendurteknu fullyrð-
ingar sínar, að þeir beri hag fiskvinnslufólksins mjög fyrir
brjósti og vilji bæta kjör þess. Á því er full þörf, ekki bara
fyrir fiskvinnslufólkið, heldur einnig fyrir fyrirtækin og þjóð-
arheildina. B. S.
Námskeið fyrir aðstandendur fatlaðra barna
Á komandi vetri munu eftirtalin sam-
tök fatlaðra og aðstandenda fatlaðra
gangast fyrir námskeiðum fyrir fjöl-
skyldur/aðstandendur fatlaðra barna
undir skólaaldri og snemma á skóla-
aldri: Landssamtökin Proskahjálp,
Sjálfsbjörg landssamband fatlaðra,
Styrktarfélag lamaðra og fatlaðra og
Styrktarfélag vangefinna.
Fyrstu tvö námskeiðin verða haldin
í Reykjanesi við Isafjarðardjúp helgina
13. - 15. september, og í Húsmæðra-
skólanum á Hallormsstað helgina 27. -
29. september.
Gert er ráð fyrir þátttöku 20 - 26
fullorðinna aðstandenda, og er ekki
skilyrði að fólk búi í þeim landshluta
sem um ræðir. Námskeiðin miðast við
að öll fjölskyldan sé með. Hæft starfs-
fólk annast börnin meðan fundir standa
yfir, en ýmislegt verður gert til skemmt-
unar bæði börnum og fullorðnum.
Kostnaði vegna þátttöku verður stillt í
hóf, en án ferða’Verður hann kr. 1500
fyrir fullorðinn einstakling, um kr. 750
fyrir barn. Ferðir verða skipulagðar sé
þess óskað og reynt verður að koma til
móts við ferðakostnað þeirra sem eiga
langt að sækja.
Dagskrá námskeiðanna verður sem
hér segir:
Föstudagur: Frá kl. 17: Tekið á móti
þátttakendum. Kl. 19: Kvöldmatur. Kl.
21: Sýning myndbands fyrir fullorðna.
Kynning. Barnagæsla kl. 21 - 23.
Laugardagur: Kl. 8 - 930: Morgun-
matur. Kl. 945: Réttur fatlaðra gagnvart
Tryggingastofnun ríkisins. Erindi full-
trúa Tryggingastofnunar, Ingólfs H.
Ingólfssonar. Fyrirspurnir. Fulltrúar
Svæðisstjóma um málefni fatlaðra á
Vestfjörðum og Norðurlandi vestra
kynna starf svæðisstjórnar og aðstöðu
fyrir fatlaða á svæðinu og víðar. Fyrir-
spurnir. Kl. 12 - 1330: Matur. Samvera
með börnum. Kl. 1330: Viðbrögð að-
standenda við fötlun barns. Erindi,
Einar Hjörleifsson sálfr. erindreki hjá
Sjálfsbjörgu og Jóhann Thoroddsen
sálfr. hjá Styrktarfélagi vangefinna.
Hópstarf. Kl. 1530: Kaffi. Síðan áfram-
haldandi hópstarf. Kl. 18: Fundum
lýkur. Kvöldmatur kl. 19, síðan kvöld-
vaka með þátttöku barna. Kl. 21 -23:
Kvöldvaka fullorðinna. Barnagæsla.
Sunnudagur Kl. 8-930: Morgunmat-
ur. Kl. 945: Fötlun og erfiðleikar við
greiningu. Erindi læknis (Sveinn Már
Gunnarsson barnaiæknir). Hópstarf.
Fyrirspurnir. Kl. 12 — 1330: Matur. Sam-
vera með börnum. Kl. 133": Hjálpar-
tæki, tæknileg aðstoð við fatlaða og
leiktæki. Erindi, Guðrún Hafsteins-
dóttir iðjuþjálfi, Hjálpartækjabanka og
Snæfríður Egilson iðjuþjálfi, Styrktar-
félagi lamaðra og fatlaðra. Hópstarf.
Fyrirspurnir. Kl. 1530: Kaffi. í kaffitíma
og fram til kl. 1630 geta þátttakendur
notfært sér sérfræðilega aðstoð eða
borið fram einstaklingsbundnar fyrir-
spurnir til allra fyrirlesara. 1630 - 1730:
Námskeiðsmat og námskeiðslok.
Þátttaka tilkynnist starfsmanni nám-
skeiðanna, Sigurlaugu S. Gunnlaugs-
dóttur í síma 91-84999, herb. 25, eða
91-24089 (heima). Fréttatilkynning.
Frá landsþingi Sjálfsbjargar, landssambands fatlaðra.
Óska eftir fóki til vinnu við síldarsöltun á
komandi vertíð
Söltunarstöðin Máni
Upplýsingar © 7724
Heimasímar: Jón Gunnar © 7662
Gylfi S 7315 & 7421
Nafnnr. 0950-5857 • ® 97-7286 • Neskaupstað
Er með:
Háþrýstislöngur
Háþrýstitengi
Guðmundur Sigmarsson
Víðimýri 2 Neskaupstað
Þökkum innilega samúð og vinarhug við andlát
og útför föður míns, tengdaföður og afa
Hjálmars Jóhanns Kristjánssonar
María Hjálmarsdóttir, Róbert Jörgensen og börn
Þökkum auðsýnda samúð við andlát og útför
bróður okkar
Inga S. Sigmundssonar
Matariðjunni, Egilsstöðum
Guðrún Sigmundsdóttir Guðríður Sigmundsdóttir
Stefán Sigmundsson Sigrún Sigmundsdóttir
Jóhann Sigmundsson Sveinlaug Sigmundsdóttir
ÁrnínaH. Sigmundsdóttir