Austurland - 17.10.1985, Blaðsíða 2
2
FIMMTUDAGUR, 17. OKTÓBER 1985.
---------Austurland-------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjamason, Einar
Már Sigurðarson, Sigrún Þormóðsdóttir og Smári Geirsson.
Ritstjóri: Birgir Stefánsson (ábm.) S7750 og 7756.
Auglýsingar og dreifing: Aðalbjörg Hjartardóttir - Pósthólf 31
— 740 Neskaupstað — S7756.
Ritstjórn, afgreiðsla, auglýsingar: Egilsbraut 11, Neskaupstað
S7750 og 7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Albert skoraði mark
Ekki linnir hlálegum uppákomum í ríkisstjórninni og
engar líkur á, að svo verði, þó að ráðherrar Sjálfstæðis-
flokksins hafi nú haft stólaskipti.
Áður en Þorsteini tókst að bola Albert úr stóli fjármála-
ráðherra, skoraði Albert óverjandi mark. Hann samdi um
það óvænt við formann BSRB, að allir ríkisstarfsmenn
innan BSRB fengju eins launaflokks hækkun, sem talin er
að jafngildi 3% launahækkun. Þessa ráðstöfun bar Albert
undir Þorstein og Steingrím, forsætisráðherra og þeir gáfu
samþykki sitt. Eftir á hafa þeir svo, eins og komnir innan
úr kú, sagst hafa misskilið Albert og hafa ekki viljað kann-
ast við að hafa samþykkt launahækkun til handa öllum
ríkisstarfsmönnum innan BSRB.
En Albert hefir með þessu greypt í huga ríkisstarfsmanna
mynd hins sanngjarna og réttláta fjármálaráðherra í
kveðjuskyni og enginn man lengur þann fjármálaráðherra,
sem með óbilgirni hratt af stað sex vikna verkfalli opinberra
starfsmanna á haustdögum fyrir ári.
Hins nýja fjármálaráðherra bíður svo það hlutskipti að
setja hnefann í borðið, neita öllum öðrum launamönnum
um sambærilegar launahækkanir, hóta verðhækkunum í
kjölfarið og láta nýja kjaraskerðingu koma til fram-
kvæmda. En allt þetta mun gerast á næstu vikum, enda er
það í bestu samræmi við „yfirlýsta stefnu ríkisstjórnarinn-
ar“.
Auðvitað hefir ASÍ farið fram á samsvarandi launahækk-
anir til handa sínum félagsmönnum og BHM hefir beðið
um endurskoðun á launum sinna manna. Það liggur einnig
fyrir, að launahækkunin til handa ríkisstarfsmönnum innan
BSRB réttir ekki hlut þeirra gagnvart BHM-mönnum með
tilliti til kjaradóms sl. sumar. Þá liggur það einnig fyrir,
að verðhækkanir fram til 1. des. nk. verða mun meiri en
gert var ráð fyrir í kjarasamningum sl. sumar og ætti því
að bæta þær með launahækkunum. Samningarnir voru
gerðir í trausti þess, að verðhækkunum yrði haldið innan
ákveðinna marka.
Launahækkanir til allra launþega eiga því að verða meiri
en BSRB-menn hafa nú þegar fengið með kveðjusamningi
Alberts. Á því verða bæði forsætisráðherrann og hinn nýi
fjármálaráðherra að átta sig. Atvinnurekendur verða að
skilja það einnig og ennfremur það, að það er ekki launa-
fólkið í landinu, sem hefir orsakað vaxandi verðbólgu og
rýrnandi kjör síðustu vikna og mánaða. Þar er stjórnar-
stefnu framsóknaríhaldsins og atvinnurekenda fyrst og
fremst um að kenna.
Með samningi sínum á dögunum hefir Albert sem fulltrúi
ríkisstjómarinnar viðurkennt, að almenn kauphækkun launa-
fólks sé sanngimismál. Hitt er svo annað mál, hvort sú
viðurkenning hefir verið gefin vilj andi eða óvilj andi. B.S.
Opinberi geirinn og launakjörin
Ríkið
Ráðherrar núverandi ríkis-
stjórnar verða um flest annað
sakaðir en oflæti. Þeir berjast
einarðri baráttu, blessaðir, fyrir
því að ráðuneyti þeirra fái sem
minnst fé til athafna.
Laununum halda þeir í slíku
lágmarki að ráðuneytin losa um
allan hæfari og metnaðarfullan
starfskraft til meiri nauðsynja-
verka í einkageiranum.
Að eigin mati eru störf ráð-
herranna í raun best ógerð,
ráðuneytin best niður lögð. -
Nei, þeir verða ekki sakaðir um
gort, ráðherrarnir.
Til að getuleysið fari örugg-
lega ekki framhjá neinum,
skipta þeir nú allir um ráðherra-
stóla. Þá þarf enginn að standa
við neitt og tryggt er að æðstu
menn hafa enga þekkingu á sín-
um málaflokkum. Vinnuveit-
endasambandið hafa þeir sett
yfir fjármálin. Þá verður örugg-
lega engu veitt til neins. Einnig
hafa þeir gleymt því að Fram-
sókn er líka í stjórn.
Sveitarfélögin
Sú stefna stjórnvalda að til
ÁRNAÐ HEILLA
Afmæli
Kristín Guttormsson, læknir,
Mýrargötu 37, Neskaupstað,
varð 50 ára 12. okt. sl. Hún er
fædd í Brunndubra í Austur-
Þýskalandi. Árið 1963 fluttist
hún til Neskaupstaðar og hefir
átt hér heima síðan.
Ingveldur Stefánsdóttir, hús-
móðir, Hraunbæ 4, Reykjavík,
áður að Strandgötu 4, Neskaup-
stað, varð 60 ára 14. okt. sl. Hún
er fædd á Hrísum í Fróðár-
hreppi í Snæfellsnessýslu. Árið
1944 flutti hún til Neskaupstað-
ar og bjó þar til haustsins 1984,
að hún flutti til Reykjavíkur, að
undanskildum tveimur árum,
sem hún bjó í Grundarfirði.
Eiginmann sinn, Eirík Ás-
mundsson, framkvæmdastjóra
Bifreiðaþjónustunnar í Nes-
kaupstað, missti Ingveldur árið
1983.
Kirkja
Messa í Norðfjarðarkirkju
sunnudag,20. októberkl. 2e. h.
Fermingarböm og foreldrar
þeirra boðuð til messunnar.
Sóknarprestur.
opinberra starfa skuli bara velj-
ast þeir sem sætta sig við lökust
kjör, er sveitarfélögunum mjög
hættuleg.
Starfsemi sveitarfélaganna er
fjölþætt og í minni þéttbýlis-
kjörnum eru störfin sett á fáa.
Þau krefjast víðtækrar þekking-
ar og ábyrgðar í starfi. Til þeirra
verður að veljast dugandi fólk
með metnað. Þetta fólk fer ekki
að vinna sig á hausinn hjá því
opinbera.
Eðlilegt markmið opinberrar
starfsemi er að spara skattborg-
aranum meira en hann borgar.
En samneyslu er líka þörf þegar
hagsmunir allra stangast á við
hagsmuni einstaklinganna, til
stuðnings lítilmagnanum og til
nauðsynlegrar starfsemi sem af
einhverjum ástæðum er ekki
hægt að reka með gróða.
Til þessara verkefna borgar
sig að ráða hæfan starfskraft,
því að störfin skipta okkur öll
miklu. Gjaldandinnáheimtingu
á því að fyrir framlag sitt fái
hann j afngildi í opinberri vinnu.
Ef opinber störf eru metin til
hálfs við almenn störf, þá fær
gjaldandinn helmingi fleiri
vinnustundir hjá því opinbera
en hann leggur sjálfur til sam-
neyslunnar. Menn verða að at-
huga, að vinnan, sem minnst er
metin, er unnin af þeim, sem
lægstar kröfur geta sett. Hið op-
inberavsækist eftir vanhæfni. -
Það er í raun makalaust, hve
margt hæfileikafólk þrjóskast
við að hætta.
Það er horað lán í óláni að
launasamdráttur fiskverkafólks
er á sama tíma slíkur að við
höldum starfsfólki á hungur-
launatöxtum BSRB. En niður-
læging fiskiðnaðarins er ekki ei-
líf og því tel ég sýnilegt að ef
við ekki bjóðum til jafns við
aðra fyrir gæði vinnunnar þá
sitja sveitarfélögin brátt uppi
óstarfhæf vegna manneklu og
þekkingarleysis íhlaupafólks.
Til ráöa
Innan SSA hefur töluvert ver-
ið rætt um samræmingu á kjör-
um starfsfólks sveitarfélaganna.
Á aðalfundinum á Reyðarfirði
í haust var samþykkt að halda
saman upplýsingum um þau mál
í fjórðungnum.
Starfsmenn sveitarfélaganna
eru að auki einstaklingsaðilar að
BSRB eða verkalýðsfélagi stað-
arins. Þeir ráða engu um kröfu-
gerð bandalagsins og starfsheiti
í samningum eiga heldur ekki
við þeirra starfssvið. Heima í
héraði er hægt að ræða launa-
kjörin af þekkingu á aðstæðum.
Ég legg því til að við kljúfum
okkur frá starfsmati BSRB og
byggjum upp opinbert launa-
kerfi fyrir Austurland, sem tek-
ur mið af aðstæðum í héraði en
mótast ekki af „stíl“ ráðherra
hverju sinni. Við vitum best
hvað þarf að borga í laun til að
gæði þjónustunnar minnki ekki,
ef ekki þá gefst starfsfólkinu
kostur á að koma okkur í skiln-
ing um það með samtökum eða
deild í héraði.
Ríkið stefnir að feigðarósi. I
kjölsog þeirrar galeiðu megum
við ekki sökkva.
Fáskrúðsfirði ,2/io ’85,
Sigurður Gunnarsson.
Símaklefa vantar á hafnarsvæðið
Það er full ástæða til að vekja
athygli Pósts og síma og hafnar-
yfirvalda í Neskaupstað á því,
að mikil nauðsyn er á að koma
upp símaklefa á hafnarsvæðinu
neðan við Vindheim.
Umferð er mikil um höfnina
bæði af aðkomumönnum svo og
heimamönnum. Oft getur verið
nauðsynlegt að komast fljótt í
síma og ekki er hægt að stóla á,
að það sé unnt hjá þeim aðilum,
sem þarna hafa starfsemi sína
og hafa síma. Bæði er það
óþarfa tilætlunarsemi, nema
þegar brýna nauðsyn ber til og
svo er ekki nærri því alltaf hægt
að komast þarna í síma, vegna
þess að vinnustaðir eru lokaðir.
Þetta ættu viðkomandi aðilar
að taka til athugunar og bæta
hér snarlega úr. Höfnin er langt
frá annarri byggð. Símaklefi þar
þýðir því verulega bætta þjón-
ustu og það sem ekki er síður
um vert - aukið öryggi. B. S.
Eldri borgarar Norðfirði
Samverustundirnar hefjast aftur nk.
miðvikudag 23. okt. í safnaðarheimilinu
kl. 14 - 17
Allir velkomnir
Nefndin