Austurland - 17.10.1985, Blaðsíða 4
4
FIMMTUDAGUR, 17. OKTÓBER 1985.
Frá Seyðisfirði síðastliðið sumar.
Orgelvígsla
Ljósm. B. S.
í Seyðisfjarðarkirkju
Sunnudaginn 13. október var
nýtt orgel vígt í Seyðisfjarðar-
kirkju. Þetta er 15 radda pípu-
orgel smíðað hjá Frobenius og
sönner í Lyngby í Danmörku.
Orgelið er með 1072 málmpíp-
um og 256 kombinasjónum.
Verð þess er um 3.5 milljónir
króna og eru 2 milljónir þess fjár
þegar greiddar, en afgangurinn
greiðist í tvennu lagi og skal lok-
ið að greiða hljóðfærið í júní-
júlí á næsta ári.
Aðdragandi þessara orgelkaupa
er orðinn alllangur því að orgel-
sjóður var fyrst stofnaður árið 1966
og safnaðist nokkurt fé í hann
fyrstu árin. Verðbólga gerði það
fé verðlítið og sáu stjómendur
sjóðsins að við svo búið mátti ekki
standa og árið 1981 ákváðu sókn-
amefnd og kirkjukórinn að stefna
í alvöru að því að kaupa nýtt hljóð-
færi í kirkjuna. Orgel kirkjunnar
var orðið úr sér gengið enda tekið
í notkun um 1930.
Með organistann Sigurbjörgu
Helgadóttur í fararbroddi og Jón
Ólaf Sigurðsson þáverandi org-
anista á Egilsstöðum og Hauk
Guðjónsson söngmálastjóra til
ráðuneytis um raddskipan og
aðra byggingu orgelsins var
ákveðið að kaupa það frá áður-
nefndum aðilum í Danmörku.
Við vígsluna söng 80 manna
kór skipaður söngfólki úr
kirkjukórunum frá Neskaup-
stað, Eskifirði, Reyðarfirði, Eg-
ilsstöðum og Seyðisfirði. Org-
anistarnir á þessum stöðum
önnuðust undirleik þessa
kórsöngs, en þeir eru Ágúst
Ármann Þorláksson, David
Roscoe, Marie Robertson,
Kristján Gissurarson og Sigur-
björg Helgadóttir. Jón Ólafur
Sigurðsson organisti kom frá
Akranesi til að taka þátt í vígsl-
unni.
Séra Heimir Steinsson fyrr-
verandi sóknarprestur á Seyðis-
firði predikaði við vígsluna og
séra Magnús Björnsson þjónaði
fyrir altari.
Kl. 1630 á vígsludaginn voru
svo orgeltónleikar í kirkjunni og
almennur söngur sem kórarnir
leiddu. Var kirkjukórunum
mjög vel tekið og líklega hefur
hvorki kröftugri né fegurri söng-
ur hljómað fyrr í Seyðisfjarðar-
kirkju. J. J. / S. G.
Seyðisfjarðarkirkja. Ljósm. B. S.
Hátt í sex hundroð
nemendur í
framhaldsnámi
á Austurlandi
Stöðugt eflist framhaldsnám
á Austurlandi. Samstarf þeirra
skóla sem hafa framhaldsnám
innan sinnan vébanda er mikið
eins og áður, kennarar funda
reglulega, áætlað er að halda
áfram útgáfu kynningarblaðsins
Einingar, sem kom út í fyrsta
sinn sl. vor og yfirstjórn málefna
skólanna hefur Stjórnunar-
nefnd framhaldsnáms á Austur-
landi með höndum. Sífellt er
unnið að eflingu framhalds-
skólastigsins í fjórðungnum og
er þar skemmst að minnast
ályktunar aðalfundar Sambands
sveitarfélaga í Austurlandskjör-
dæmi þar sem skorað er á sveit-
arstjórnir að gerast aðilar að
uppbyggingu og rekstri Verk-
menntaskóla Austurlands.
Boðið er upp á nám á fram-
haldsskólastigi í sex skólum á
Austurlandi. í Menntaskólanum
á Egilsstöðum eru alls um 260
nemendur, 185 í dagskóla, 35
utanskóla og 45 í öldungadeild.
Líkur eru á að skólinn útskrifi 37
stúdenta á nýbyrjuðu skólaári.
I Framhaldsskólanum í Nes-
kaupstað, sem væntanlega mun
bera heitið Verkmenntaskóli
Austurlands síðari hluta skóla-
ársins, eru um 140 nemendur í
framhaldsnámi, en auk þeirra
munu um 60 manns sækja nám-
skeið, sem skólinn býður upp á.
Þannig að allt í allt munu um
200 nemendur stunda nám í
skólanum á framhaldsskóla-
stigi. í lok haustannar mun
skólinn útskrifa nemendur í
tréiðngreinum, en á vorönn
munu nemendur í málmiðn-
greinum og á tveggja ára bók-
legum brautum útskrifast.
í Alþýðuskólanum á Eiðum
eru alls 74 nemendur í fram-
haldsnámi, þar af 31 á öðru ári.
Eiðaskóli útskrifar nemendur á
tveggja ára verslunarbraut.
í Seyðisfjarðarskóla stunda
20 nemendur nám á framhalds-
skólastigi, en þar er boðið upp
á eins árs framhaldsnám.
í Heppuskóla á Höfn í
Hornafirði er einnig boðið upp
á eins árs framhaldsnám og eru
nú í skólanum 29 nemendur á
því skólastigi, þar af 6 í skip-
stjórnarnámi.
Við Húsmæðraskólann á
Hallormsstað er boðið upp á
nám á matvælatæknabraut á
vorönn hvers skólaárs. Aðsókn
að skólanum nú virðist ætla að
verða meiri en verið hefur um
langa hríð.
Á upptalningunni hér að
framan má sjá að hátt í sex
hundruð nemendur stunda nám
á framhaldsskólastigi á Austur-
landi og hafa þeir aldrei verið
fleiri. S. G.
Skólastarf kynnt með nýstárlegum hætti
Kynningarnefnd Kennarasambands íslands
mun ísamráði við menntamálaráðuneytið gang-
ast fyrir sérstakri kynningu á almennu skóla-
starfi. Samþykkt var að velja laugardaginn 2.
nóvember nk. sem kynningardag í grunnskól-
um landsins. I staðinn falli niður kennsla mánu-
daginn 4. nóvember en kennt verði samkvæmt
stundaskrá þess dags á laugardaginn.
Markmið með slíkum degi er að kynna að-
standendum barna og öðrum það starf semfram
fer í grunnskólum landsins og vinnuaðstöðu
kennara og nemenda.
Laugardagurinn er valinn til
þess að sem flestir eigi mögu-
leika á að koma í heimsókn.
Ljóst er að kennsla á laugar-
degi getur valdið einhverri rösk-
un og er þess vænst að allir sem
vinna með börnum og ungling-
um á laugardögum og aðrir þeir
sem hafa aðstöðu í kennslu-
húsnæði á þessum degi hliðri til
og sýni þessu skilning.
Geti skóli af einhverjum ástæð-
um ekki komið því við að nota
laugardaginn hefur verið mælst til
þess að mánudagurinn 4. nóvem-
ber verði valinn í staðinn.
I tilefni dagsins mun Kennslu-
miðstöð Námsgagnastofnunar
að Laugavegi 166 í Reykjavík
verða opin frá kl. 11 til 15.
Merki kynningardags verður
afhent öllum grunnskólanem-
endum og er það jafnframt
happdrættismiði.
Það er ósk kynningarnefndar-
innar að aðstandendur barna og
aðrir velunnarar skóla noti þetta
tækifæri til að kynnast aðbúnaði
á vinnustað kennara og nem-
enda og því fjölbreytta starfi
sem fram fer í skólum, einnjg
að dagurinn takist sem best,
verði öllum þeirn er hlut eiga að
máli til ánægju og fróðleiks og
stuðli að auknum samskiptum
milli heimila og skóla.
Kjörorð dagsins er: Mennt er
máttur. Fréttatilkynning frá KÍ.
KENNARASAMBAND
ÍSLANDS
KYNNINGARNEFND