Austurland - 28.11.1985, Blaðsíða 2
2
FIMMTUDAGUR, 28. NÓVEMBER 1985.
---------Austurland-------------------
MÁLGAGN ALÞÝÐUBANDALAGSINS
Ritnefnd: Elma Guðmundsdóttir, Guðmundur Bjamason, Einar
Már Sigurðarson, Sigrún Þormóðsdóttir og Smári Geirsson.
Ritstjóri: Birgir Stefánsson (ábm.) ®7750 og 7756.
Auglýiingar og dreifing: Aðalbjörg Hjartardóttir - Pósthólf 31
- 740 Neskaupstað - S7756.
Ritstjórn, afgreiðsla, auglýsingar: Egilsbraut 11, Neskaupstað
S7750 og 7756.
Prentun: Nesprent.
ÚTG.: KJÖRDÆMISRÁÐ ALÞÝÐUBANDALAGSINS
Á AUSTURLANDI
Hækkun og trygging kaupmáttar
Oft og mörgum sinnum hefir verið bent á það í þessu blaði,
að það sem mestu máli skiptir við gerð kjarasamninga, sé
trygging kaupmáttar og að kjarasamningar séu gagnslitlir, ef
stjórnvöld geta gert árangur þeirra að engu með hvers konar
vöru- og þjónustuhækkunum jafnharðan.
Því miður hafa launþegasamtökin hér á landi ekki getað
gert alvörukjarasamninga nú um langt skeið. Þær kjarabætur
sem samið hefir verið um, hefir harðsvíruð ríkisstjórn at-
vinnurekendavaldsins afnumið í einni svipan ýmist með al-
mennum verðhækkunum í landinu eða lögboði. Samtök
launafólks hafa ekki haft afl til að hnekkja þessari valdníðslu,
þau hafa um langt skeið verið á skipulagslausu undanhaldi
eða í besta falli vonlítilli vörn.
Nú eru kjarasamningar almennt lausir um næstu áramót
og framundan eru því átök á vinnumarkaði. Samtök launa-
fólks eru sem óðast að samhæfa sig og ganga frá kröfum, sem
settar verða fram.
Tvennt virðist brýnast í kröfugerð nú sem raunar oft fyrr,
en það er veruleg hækkun kaupmáttar og trygging þess, að
sá kaupmáttur, sem samið verður um, haldist og komi til
skila. Líkur eru á, að öll launþegasamíök setji þessar kröfur
á oddinn og er það vel. Áhersla mun einnig lögð á úrbætur
í ýmsum öðrum mikilvægum málaflokkum svo sem vaxta- og
lánamálum, lífeyrismálum og húsnæðismálum. Úrbætur á
þessum sviðum geta verið jafngildi kjarabóta í beinum kaup-
hækkunum. Allt er það þó háð því í raun, að sú kaupmáttar-
aukning, sem næst fram, verði varanleg.
Ríkisstjórnin hefir marglýst því yfir, að á næsta ári geti
ekki orðið um kaupmáttaraukningu að ræða, en stefnt verði
að því, að núverandi kaupmáttur haldist. Þvílíkar yfirlýsingar
gefa ekki bjartar vonir um skjótan og átakalausan árangur í
þeirri kjarabaráttu, sem framundan er. Samtök launafólks
verða því að fylkja sér saman sem aldrei fyrr um kröfur sínar
og markvissa og einhuga baráttu til að fylgja þeim fram til
sigurs.
Talað er um það sem markmið að ná sama kaupmætti og
var 1980. Til þess þarf kaupmáttur að hækka mjög verulega
og næst sú hækkun trúlega ekki fram í einum áfanga. Verka-
mannasambandið hefir sett fram kröfu um 8% hækkun kaup-
máttar í næstu samningum, en sú hækkun er talin gefa sama
kaupmátt og var 1983. Um þessa kröfu ættu öll launþegasam-
tök að fylkja sér sem fyrsta áfanga að því markmiði að endur-
heimta sama kaupmátt og var fyrir fimm árum.
Kjarabaráttan á næstu vikum verður ugglaust hörð, hún
krefst órofa samstöðu launþegasamtakanna, sú samstaða
verður að nást. Með því eina móti er staða launafólks í
landinu það sterk, að unnt reynist að knýja framsóknaríhaldið
til undanhalds, knýja það til samninga, sem það verður að
standa við. B. S.
FRÁ ALÞINGI
Stöðvun okurlána
Umræða um okurlánastarf-
semi setti svip sinn á fundi Al-
þingis í síðustu viku, en sú um-
ræða hófst að frumkvæði Al-
þýðubandalagsins. Það var
Steingrímur J. Sigfússon senr
hóf þessa umræðu og bar fram
margar fyrirspurnir til ráð-
herra. Miklar umræður urðu
um málið, m. a. varðandi
tengsl okurlána og vaxtastefnu
ríkisstjórnarinnar. Nú hafa
þingmenn Alþýðubandalags-
ins í Neðri deild með Svavar
Gestsson í fararbroddi flutt
frumvarp um að stöðva okur-
lánastarfsemi. Þar er m. a.
kveðið á um að öll skuldabréf
beri að skrá á nafn og senda
skuli skattstofum upplýsingar
við þinglýsingu bréfanna. Þeir
sem starfrækja verðbréfamiðl-
un eða fasteignasölu þurfi sér-
stök leyfi til starfseminnar.
Seðlabankanum er ætlað að
gefa reglulega út tilkynningar
um leyfilega hámarksvexti af
skuldabréfum. Mörg fleiri
ákvæði eru í frumvarpinu til
að koma í veg fyrir okurlán.
Fyrirspurnir um SR
Sveinn Jónsson sem nú situr
á þingi í forföllum Helga Selj-
an hefur lagt fram fyrirspurn
til sjávarútvegsráðherra í sex
liðum varðandi rekstur Síldar-
verksmiðja ríkisins:
„1. Á hvaða tímabili hafa
einstakar verksmiðjur verið
starfræktar undanfarin þrjú ár
og hversu marga daga ár
hvert?
2. Hver er afkastageta ein-
stakra verksmiðja og hvað
hafa þær tekið á móti miklum
afla hver um sig á hverju tíma-
bili?
3. Hverjar eru afurðir ein-
stakra verksmiðja, hversu
miklar og hvert hefur verð-
mæti þeirra verið?
4. Hvaða endurbætur hafa
verið gerðar og hvaða nýjung-
ar hafa verið teknar upp við
verksmiðjurnar hverja um sig
sl. þrjú ár og hver var kostnað-
ur við þær?
5. Hvaða endurbætur eru
áformaðar við einstakar verk-
smiðjur á allra næstu árum og
hver er áætlaður kostnaður?
6. Hvcr hefur starfsmanna-
t'jöldi verið og heildarlauna-
greiðslur við hverja verk-
smiðju á sl. þremur árum?“
Sveinn biður um skrifleg
svör við þessum fyrirspurnum
og verður þeirra getið er þau
berast.
Hjörleifur spyr mennta-
málaráðherra um hvað valdi
því að ekki hefur verið lagt
fram stjórnarfrumvarp til
nýrra þjóðminjalaga, sem
nefnd undir forystu Friðjóns
Guðröðarsonar skilaði til
ráðuneytisins fyrir nokkrum
árum. Hefur það m. a. að
geyma ákvæði um skipun
safnamála á landsbyggðinni og
aukinn stuðning ríkisins við
þau.
Skattareglur fyrir ÍSAL
Málefni álversins í Straums-
vík eru enn á ný komin á
dagskrá Alþingis, þar sem
ríkisstjórnin leitar nú staðfest-
ingar á samningi við Alusuisse
um breyttar skattareglur fyrir
ISAL. Við 1. umræðu gagn-
rýndi Hjörleifur þennan samn-
ing harðlega og lagði fram
ýmis gögn máli sínu til
stuðnings.
Sr. Auður Eir messar í Norðfjarðarkirkju
Sr. Auður Eir Vilhjálmsdóttir.
Nú á sunnudaginn 1. desem-
ber er 1. sunnudagur í aðventu.
Við messu í Norðfjarðarkirkju
þann dag mun sr. Auður Eir Vil-
hjálmsdóttir prédika og þjóna
Kirkja
Messa í Norðfjarðarkirkju
nk. sunnudag, 1. des. kl. 2e. h.
Sr. Auður Eir Vilhjálmsdóttir
prédikar og þjónar fyrir altari
ásamt sóknarpresti.
Sr. Auður Eir flytur erindi í
safnaðarheimilinu kl. 2030 um
kvöldið um efnið konur og krist-
in trú. Kaffiveitingar. Allir vel-
komnir. Sóknarprestur.
fyrir altari ásamt sóknarpresti.
Um kvöldið ætlar sr. Auður að
flytja erindi í safnaðarheimlinu
um efnið: Konur og kristin trú.
Yfir kaffibolla verða svo um-
ræður um erindi hennar og hún
svarar fyrirspurnum.
Sr. Auður Eir er fyrsta konan
er hlýtur prestsvígslu. Hún hef-
ur undanfarin ár þjónað sem
sóknarprestur í Þykkvabænum.
Hún hefur rannsakað sérstak-
lega þetta efni, konur og kristin
trú, og flutt erindi um það víða
og vakið verðskuldaða athygli.
Nú í lok kvennaáratugar SÞ er
ánægjulegt að fá konu úr presta-
stétt í heimsókn og mun það vera
í fyrsta sinn sem kona embættar
í Norðfjarðarkirkju. Sóknar-
nefnd vill hvetja Norðfirðinga til
að sækja messuna á sunnudaginn
og minnir á erindi sr. Auðar um
kvöldið. Fréttatilkynning.
Frá Fjórðungssjúkrahúsinu
Inflúensubólusetning
Bólusetning við inflúensu stendur til boða
Ekki er ástæða fyrir aðra að láta bólusetja sig
en eftirfarandi áhættuhópa:
1. Fólk yfir 75 ára aldri
2. Fólk með alvarlega lungna- og
hjartasjúkdóma
Bólusetning fer fram á göngudeild
sjúkrahússins mánudaginn 2. 12.,
miðvikudaginn4.12. ogföstudaginn6.12. kl.
9 - 10 f. h.
Fjórðungssjúkrahúsið Neskaupstað