Austurland - 05.12.1985, Síða 1
Austurland
Leikfangamarkaður
Lifandi blóm
Benni & Svenni
® 6399 & 6499
35. árgangur.
Neskaupstað, 5. desember 1985.
44. tölublað.
Eskifjörður:
Fiskmatsnámskeið
Sl. laugardag lauk á Eskifirði
viku námskeiði í saltfiskmati og
var það haldið á vegum Fisk-
vinnsluskólans.
Einar Gíslason, yfirfiskmats-
maður á Austurlandi, sá um
skipulagningu námskeiðsins
heima fyrir, en forstöðumaður
þess var Sigurður Óskarsson,
kennari við Fiskvinnsluskólann.
AUSTURLAND hafði sam-
band við Einar Gíslason, sem
var einn af kennurum á nám-
skeiðinu og spurði hann nánar
um þetta námskeiðshald.
Einar sagði, að þetta væri í
fyrsta skipti, sem svona nám-
skeið væri haldið hér á Austur-
landi, en Fiskvinnsluskólinn
hefir tvisvar haldið námskeið á
Akureyri. Hann kvað það
mikilsvert að fá svona námskeið
út í fjórðungana og það hefði
líka sannast, að full ástæða var
til þessa námskeiðshalds, því að
þátttakendur voru 15 af svæðinu
frá Djúpavogi til Borgarfjarðar.
Eins og áður sagði var Sigurð-
ur Óskarsson forstöðumaður
námskeiðsins, en auk hans voru
þrír kennarar frá Sölusambandi
fiskframleiðenda og einn frá
Ríkismati sjávarafurða, en það
var Einar Gíslason. Á nám-
skeiðinu var aðallega um verk-
legt nám að ræða, en þó var þar
bóklegt nám einnig. Verklega
kennslan fór fram í saltfiskverk-
un Hraðfrystihúss Eskifjarðar,
sem einnig lagði til fiskinn, sem
metinn var, en frá saltfiskverk-
un Síldarvinnslunnar í Nes-
kaupstað, sem Guðjón Mar-
teinsson stjórnar, fengust þær
fisktegundir, sem á vantaði.
Námskeið sem þetta standa
yfirleitt í hálfan mánuð, en
þessu var lokið á einni viku og
kennt frá kl. 9 til 19.
Námskeiðið veitir þátttak-
endum réttindi til að meta salt-
fisk og því fylgir veruleg kjara-
bót einnig, því að laun mats-
manna eru tvöföld verka-
mannalaun, sagði Einar Gísla-
son að lokum. B. S.
Neskaupstaður:
Kennarar á fiskmatsnámskeiðinu.
Ljósm. Vilberg Guðnason.
Nemendur á fiskmatsnámskeiðinu.
Ljósm. Vilberg Guðnason.
Kosning um heimild til
áfengisútsölu 28. des.
Eins og sagt hefir verið frá
áður í blaðinu fór fram í Nes-
kaupstað söfnun undirskrifta
undir áskorun á bæjarstjórn
Neskaupstaðar þess efnis, að
hún léti fara fram almenna
kosningu um það, hvort heimila
eigi að opna áfengisútsölu í
bænum. Alls skrifuðu undir
þessa áskorun 370 manns. Þar
sem það er meira en þriðjungur
atkvæðisbærra manna í bænum,
var bæjarstjórn skylt að láta
slíka kosningu fara fram. Og nú
er ljóst, að Norðfirðingar eiga
þess kost að greiða atkvæði um
þetta fyrir áramót.
Á fundi bæjarstjórnar, sem
haldinn var í fyrradag, 3. des-
ember, var eftirfarandi tillaga
frá Ásgeiri Magnússyni, bæjar-
stjóra samþykkt með 7 atkvæð-
um gegn tveimur.
„Þar sem fram hefur verið
lagður listi með nöfnum 370 at-
kvæðisbærra manna, sem óska
eftir því, að fram fari kosning
um opnun áfengisútsölu hér í
bæ, þá samþykkir bæjarstjórn
Neskaupstaðar, að kosningin
skuli fara fram laugardaginn 28.
desember 1985.
Kjörskrá verði lögð fram
mánudaginn 9. desember og
verði kærufrestur til 20. desem-
ber 1985.“
Á bæjarstjórnarfundinum
kom fram önnur tillaga, sem
gerði ráð fyrir, að kosningin færi
fram um leið og bæjarstjórnar-
kosningar á næsta vori. Sú til-
laga kom ekki til atkvæða, þar
sem tillagan um kosningu 28.
desember var samþykkt, eins og
áður sagði. B. S.
Námskeiðinu slitið.
Ljósm. Vilberg Guðnason.
Er fréttaflutningur sjónvarpsins aö
einskorðast við höfuðborgarsvæðið?
Um síðustu helgi stóð yfir
umfangsmikil leit, að ungum
manni á Hellisheiði eystri. Um
það bil sjötíu manns víðs vegar
af Austurlandi tóku þátt í leit-
inni. Þessari leit lauk um kl. 15
á sunnudag með giftusamlegri
björgun mannsins.
Ekki var minnst á þennan at-
burð í fréttum sjónvarpsins á
sunnudagskvöld, enda átti hann
sér stað alllangt frá suðvestur-
horni landsins. Það er undar-
legt, að atburður sem þessi skuli
ekki teljast fréttnæmur í sjón-
varpinu, sem á þó að teljast fjöl-
miðill allra landsmanna.
Fréttamönnum þótti hins veg-
ar ástæða að geta þess í frétta-
tíma sjónvarps á mánudags-
kvöld, að til hefði staðið að
senda hunda úr Reykjavík til að
taka þátt í leit austur á Fljóts-
dalshéraði. Hefði leitin ef til vill
þótt fréttnæm ef hundarnir
hefðu verið sendir austur?
Þ. O.
Neskaupstaður:
Betri
flugþjónustu
krafist
Á fundi í bæjarstjórn Nes-
kaupstaðar 3. des. sl. var sam-
þykkt einróma eftirfarandi
ályktun, sem bæjarráð hafði
gert 14. nóv. sl.
„Bæjarráð ítrekar að Flug-
leiðir hf. gegni því þjónustu-
hlutverki, sem félagið hefur tek-
ist á hendur og mótmælir harð-
lega síendurteknum niðurfell-
ingum á flugi til Neskaupstaðar
að nauðsynjalausu, jafnvel við
allra bestu flugskilyrði.
Þá ítrekar bæjarráð kröfu
um, að flugferðum verði ekki
fækkað yfir sumarmánuðina,
þvert á móti sé ástæða til að
fjölga ferðum, þar sem flug fell-
ur mjög oft niður.“
Félagsvist AB
er í kvöld í Égilsbúð
og hefst kl. 2045
Alþýðubandalagið