Austurland - 12.12.1985, Blaðsíða 6

FLUGLEIDIR áS Gott fólk hjá traustu félagi Æ Ný bílaleiga LÁNIÐ LEIKUR VIÐ ÞIG í S S
Austurland Neskaupstað, 12. desember 1985. FLUG - HÓTEL - BÍLL Bílaleiga Benna SPARISJÓÐNUM
FLUGLEIÐIR ® 7119 ® 7476 & 7420 Sparisjóður Norðfjarðar
Þórður Þórðarson sextugur
Kirkjubækur staðfesta það
svo að ekki verður á móti mælt,
að Þórður Þórðarson, skrif-
stofustjóri Síldarvinnslunnar hf.
- hann Lilli Matt - er fæddur
10. desember 1925 og er því orð-
inn sextugur.
Þórður er fæddur á Krossi á
Berufjarðarströnd, sonur hjón-
anna Matthildar Bjarnadóttur
og Þórðar útvegsbónda Berg-
sveinssonar. Þórður er yngstur
fimm systkina og hann ber nafn
föður síns, sem drukknaði tæp-
um þremur mánuðum áður en
Þórður fæddist.
Árið 1930 fluttist Matthildur
með börnin til Neskaupstaðar.
Þetta var í upphafi heimskrepp-
unnar, atvinnuleysi var mikið og
fátækt gífurleg. En fjölskyldan
var samhent og kröfumar litlar
og þess vegna komst hún af. Þessi
ár, kreppuárin, hafa áreiðanlega
mótað lífsskoðanir Þórðar eins
og svo margra annarra, sem þá
vom í bernsku og æsku. Og sjálf-
sagt hefur það haft sín áhrif, að
Bjarni bróðir hans, sem var ellefu
ámm eldri, var þegar á þessum
ámm kominn í forystusveit
kommúnista í Neskaupstað.
Á þessum tímum var lífið
fiskur - einkum saltfiskur - í
enn ríkari mæli en nú og Þórður
byrjaði snemma að vinna í
beitningaskúrunum og síðar lá
leiðin á vertíð til Hornafj arðar.
Rúmlega tvítugur hóf Þórður
störf hjá Jóhannesi Stefánssyni
í PAN, sem þá var til húsa í
Grænuborg. í PAN vann þá líka
ung stúlka, Ingibjörg Finnsdótt-
ir. Er ekki að því að spyrja, að
með þeim tókust góðar ástir og
eiga þau fjóra uppkomna syni.
í PAN vann Þórður við bók-
hald og kom fljótt í ljós, að þar
var réttur maður á réttum stað.
Bókhald og fjárgæsla hefur ver-
ið aðalstarf Þórðar síðan, lengst
af hjá SÚN og Síldarvinnslunni.
Er hann ekki einhamur á því
sviði, margra manna maki, enda
sá hann um langt árabil um bók-
hald flestra útgerðarmanna í
bænum í frístundum sínum og
gerir reyndar enn.
í viðtali við Bjarna heitinn
Þórðarson, sem birtist í
AUSTURLANDI fyrir ellefu
árum, þegar Bjarni varð sextug-
ur, rifjar hann upp fyrstu árin í
Neskaupstað og segir m. a.
„Þórður, yngsta systkinið, var
ekki hár í loftinu, þegar hann
fór að stokka upp og beita.
Gekk hann að þeim verkum
með þeim ærslum, sem enn í
dag einkenna öll hans vinnu-
brögð.“ Betur verður starfs-
manninum Þórði ekki lýst.
Þórður skipaði sér strax ung-
ur í raðir sósíalista og þar hefur
hann starfað af kappi alla tíð,
lengi framan af einkum innan
félagsins, en á seinni árum einn-
ig í bæjarstjórn.
Þar hefur hann átt sæti frá
1978 og reynst frábær bæjarfull-
trúi.
Hann heldur ekki langar
ræður, en setur mál sitt fram
skýrt og skorinort. Auk at-
vinnumála hafa honum verið
hugleiknust málefni aldraðra og
íþróttamál. Öll ár sín í bæjar-
stjórn hefur hann jafnframt átt
sæti í bæjarráði, enda ómissandi
þar sem fjármálin eru efst á
baugi. Um þessi störf hans og
önnur félagsstörf, t. d. hjá
Þrótti, þar sem hann var gjald-
keri í hálfan annan áratug,
mætti skrifa langt mál, en verð-
ur ekki gert hér. Enda er mað-
urinn í fullu starfsfjöri, sann-
kallaður sextugur unglingur.
Þó ég hafi þekkt Þórð frá
barnæsku, hófust kynni okkar
ekki fyrir alvöru fyrr en fyrir
rúmum áratug, þegar við fórum
að vinna saman að bæjarmálum.
Síðan höfum við verið nánir
samstarfsmenn, ekki bara í
bæjarmálastússinu, heldur líka
í hinu daglega amstri niðri í
„Steininum“.
Ég veit að Þórður er lítt hrif-
inn af því að vera settur í
sviðsljós, en það hefur það.
Kannski væri einfaldast að lýsa
Þórði með því að yfirfæra á
hann orð úr Njálu og segja
„Engum manni er Þórður
líkur“, en mig langar samt að
nefna tvennt. Mér hefur oft þótt
merkilegt, hve samningalipur
Þórður er, því að ég veit, að
hann er skapmikill í besta lagi.
Ég veit líka að önnur kynfylgja
hans er að vera óþolinmóður,
en samt gefur hann sér tíma til
þess með okkur félögum sínum
að velta hlutunum fyrir sér fram
og aftur. Og hina einstöku
greiðvikni hans og hjálpsemi
þekkja allir bæjarbúar.
Margs er að minnast frá þessu
samstarfi og margt að þakka, en
ætli ég geymi ekki að rifja upp
minningar þar til á næsta stóraf-
mæli, enda vona ég, að við eig-
um eftir að vinna lengi saman.
En ég vil nota tækifærið og
þakka Þórði störf hans bæði hjá
Síldarvinnslunni og í bæjar-
stjórn.
Meistaraflokkslið Þróttar, er vann sœti í 2. deild 1976 á Eskifjarðarvelli ásamt Þórði gjaldkera.
Þórður M. Þórðarson.
Þórður hefur ekki oft tekið
frí um ævina eða lagst í ferða-
lög. Þessa dagana eru hann og
Inda samt stödd í Reykjavík.
Við félagar þeirra og vinir send-
um þeim báðum hugheilar ham-
ingjuóskir, þökkum allt gamalt
og gott og hlökkum til að hitta
þau aftur hress og kát.
Kristinn V. Jóhannsson.
Neskaupstaður:
Þjónusta skáta á Þorláksmessu
Skátafélagið Nesbúar mun
annast margs konar þjónustu
við Norðfirðinga á Þorláks-
messu.
Skátarnir verða með aðstöðu
sína í safnaðarheimilinu og þar
verður opið frá kl. 13 til 21.
Skátarnir munu annast þar
barnapössun, meðan foreldr-
arnir annast jólainnkaupin.
Þeir munu einnig taka á móti
jólakortum og jólapökkum til
dreifingar, en skátarnir eru í
góðu sambandi við jólasveina,
sem annast munu dreifinguna á
aðfangadag.
Þá munu skátarnir einnig
veita móttöku söfnunarbauk-
um, sem dreift hefir verið á veg-
um Hjálparstofnunar kirkjunn-
ar.
Þess má svo geta, að skátarnir
hafa verið með jólakort til sölu.
Með þessari sölu og þjónustu
afla Nesbúar fjár til skátastarfs-
ins og þátttöku í landsmótum
skáta og hafa Norðfirðingar
kunnað vel að metá þessa þjón-
ustu á undanförnum árum og
verður svo vonandi einnig nú.
B. S.
Jólablað
Austurlands
kemur út
18. desember
og síðasta
blað ársins
20. desember