Austurland - 20.12.1985, Qupperneq 1

Austurland
Leikfangamarkaður
Lifandi blóm
Benni & Svenni
S 6399 & 6499
35. árgangur.
Neskaupstað, 20. desember 1985.
47. tölublað.
Eskifjarðarkirkja 85 ára
Utskrift stúdenta úr ME
Vígslubiskup í rœðustól.
Eskifjarðarkirkja.
morguninn. Er hlýtt til þess að hugsa,
hvað foreldrar eru ötulir við að aka
börnum sínum til kirkju og einnig að
eiga stund með þeim þar.
Sóknarprestinum til halds og trausts
var starfsfólk kirkjuskólanna í báðum
sóknum: á Eskifirði þau Gunnar Auð-
bergsson meðhjálpari, Sigríður Ingi-
marsdóttir og Sigríður Kristinsdóttir og
frá Reyðarfirði þær: Álfheiður Hjalta-
dóttir og Þuríður Guðlaugsdóttir. Þá
aðstoðaði organisti Bústaðakirkju,
Guðni Þ. Guðmundsson, við undirleik
og vígslubiskupinn sr. Ólafur Skúlason
talaði við börnin. Lauk hann máli sínu
með því að segja við börnin, að þau
skyldu bara sjá til, veðrið yrði gengið
niður áður en hátíðarguðsþjónustan
hæfist. En umfjöllunarefni stundarinn-
arvartextinn: Jesús kyrrir vind ogsjó.
Það var eins og við manninn mælt. í
blíðviðri hófst hátíðarguðsþjónusta kl.
14. Fjölmenni var við athöfnina.
Kirkjukórar Eskifjarðar- og Reyðar-
fjarðarsókna leiddu söng undir stjórn
organistanna David Roscoe og Mairi
Robertson. Sóknarprestur þjónaði fyr-
ir altari og sr. Ólafur Skúlason prédik-
aði. Ennfremur flutti söngkvartett, þau
Ingibjörg Marteinsdóttir, Einar Örn
Einarsson, Eiríkur Hreinn Helgason og
Stefanía Valgeirsdóttir við undirleik
Guðna Þ. Guðmundssonar, þrjú lög,
þar á meðal „Amazing grace“, sem á
íslensku nefnist „Ég trúi á ljós“.
Að hátíðarguðsþjónustu lokinni var
kirkjugestum boðið til kaffisamsætis í
félagsheimilinu Valhöll. Var þar boðið
upp á kaffiveitingar í boði sóknar-
nefndar, kirkjufélagsins Geislans og
kirkjukórsins. Hófst dagskráin með
ávarpi varaformanns sóknarnefndar
Magnúsar Péturssonar. Þá kom söng-
kvartettinn mjög við sögu með léttum
undirleik Guðna Þ. Guðmundssonar.
Var söngskráin fjölbreytt, ýmist ein-
söngur, tvísöngur eða fjórradda. Gam-
alkunn íslensk sönglög liðu um salinn
í bland við mergjaðar vísur, létta aríu-
kafla og dillandi djass. Þá var þrótt-
mikill almennur söngur.
Magnús Pétursson flutti ágrip af sögu
kirkjunnar. Frú Anna Frímannsdóttir
sóknarnefndarformaður á Reyðarfirði
flutti hlýjar árnaðaróskir frá Reyðfirð-
ingum. Þá ávarpaði sr. Ólafur Skúlason
samkomuna og ítrekaði hamingjuóskir
sínar til safnaðarins.
Lokaatriði afmælissamkomunnar var
það, að heiðruð var frú Guðbjörg
Bjömsdóttir, en hún hefur um fjörutíu
ára skeið verið stólpi í starfi Eskifjarð-
arkirkju bæði sem áhugasamur kórfé-
lagi, sóknarnefndarmaður og félags-
maður í kirkjufélaginu Geislanum. Var
hún um árabil formaður Geislans. Voru
Ljósm. Vilberg Guðnason.
henni þökkuð mikil og góð störf í þágu
kirkjunnar og sem þakklætisvottur gef-
inn fallegur lampi, skreyttur af lista-
konunni Kolfinnu Ketilsdóttur, sem
bjó um árabil á Reyðarfirði.
Það var mál manna, að hátíðin hefði
í alla staði tekist vel. Er það helst að
þakka þeim mörgu, sem hönd lögðu á
plóginn til þess að gera hátíðina sem
mesta og gleðilegasta. Það er því eftir
á að hyggja gleðilegt að finna anda ein-
ingar og hjálpsemi, þegar hátíð fer í
hönd sem og endranær.
Framundan er stórt verkefni, sem er
bygging safnaðarheimilis og hefur verið
myndaður sjóður til þess að hreyfa því
máli. Tímamót eru helst til þess fallin
að minna á þau verkefni sem fyrir liggja
og efla djörfung og dug til þess að láta
ekki við svo búið standa.
Söfnuðirnir við Eskifjörð og Reyðar-
fjörð óska íbúum á Austurlandi gleði-
legrar jólahátíðar, árs og friðar. D. B.
Frá blaðinu
Næsta blað kemur út fimmtu-
daginn 9. janúar 1986.
Þá hækkar lausasöluverð í kr.
30. Ritstj.
Sunnudaginn 17. nóvember sl. var
hátíð á Eskifirði, þegar minnst var að
85 ár eru nú liðin frá því að kirkjuhús
safnaðarins var reist og vígt. Bygging
Eskifjarðarkirkju hófst síðla hausts
1898 og var hún vígð af sr. Jóhanni
Lúther Sveinbjarnarsyni 15. sunnudag
eftir þrenningarhátíð, þ. e. 23. septem-
ber árið 1900. Hún er timburhús og var
byggð eftir teikningu dansks verkfræð-
ings, Brincks að nafni, en byggingar-
lagið mun vera norskt.
Áður höfðu Eskfirðingar átt kirkju-
sókn að Hólmum, en með bréfi lands-
höfðingja 30. nóvember árið 1899 var
hinni fornu Hólmasókn skipt og Eski-
fjarðarsókn lögfest og skyldi önnur
kirkja vera þar. Síðan hefur presturinn
setið á Eskifirði.
Afmælishátíðin hófst með barnasam-
komu í kirkjunni, þar sem saman voru
komin börn frá báðum söfnuðum
prestakallsins, þ. e. Eskifjarðar- og
Reyðarfjarðarsöfnuðum. Var kirkjan
þétt setin þrátt fyrir hávaðarok þá um
Árni Jónsson, Vallahreppi, Fljótsdalshéraði,
Björgúlfur Hávarðsson, Stöðvarfirði,
Steinar Svavarsson, Gerðum, Garði,
Georg Pálsson, Reyðarfirði,
Hafdís Svansdóttir, Breiðdalsvík,
Halldóra Ó. Sveinsdóttir, Eskifirði,
Heiðrún Óladóttir, Þórshöfn, Langanesi,
Margrét B. Sigurjónsdóttir, Egilsstöðum,
Sigfús Guttormsson, Fellahreppi, Fljótsdalshéraði,
Una B. Bjarnadóttir, Fljótsdal, Fljótsdalshéraði,
Vigfús M. Vigfússon, Reyðarfirði,
Þórhildur H. Þorleifsdóttir, Fáskrúðsfirði.
Vinir og velunnarar skólans eru boðnir til útskriftarinnar og í
kaffiveitingar í Menntaskólanum að henni lokinni.
Fréttatilkynning.
Guðspjallið sett á svið.
Stúdentaútskrift úr Mennta-
skólanum á Egilsstöðum, hin
níunda í röðinni, fer fram í Eg-
ilsstaðakirkju laugardaginn 21.
des. nk. oghefst kl. 14. Þá verða
stúdentar, brautskráðir frá
Menntaskólanum á Egilsstöð-
um, orðnir 180 talsins úr öllum
fjórðungum, þótt þorri þeirra
eðaum 80% sé af Austurlandi.
Á yfirstandandi önn hafa lið-
lega 260 einstaklingar stundað
nám við skólann: 203 í dag-
skóla, 39 í öldungadeild og rúm-
lega 20 utanskóla. Hið svo-
nefnda opna kerfi hefur verið
þróað áfram við almennan
stuðning kennara og nemenda.
Með því gefst nemendum tæki-
færi til að njóta einstaklings-
bundinnar aðstoðar kennara og
geta leitað meira til þeirra
kennara, sem þeir telja sig þurfa
hjálp frá en með hinu hefð-
bundna fyrirkomulagi. Vonir
standa til þess, að á næsta ári
hefjist bygging kennsluhúss, en
með tilkomu þess batnar öll að-
staða til skólahalds til mikilla
muna.
Eftirtaldir nemendur munu
útskrifast: