Eining - 01.06.1957, Blaðsíða 2

2
EINING
ar háskólans. Hann hefur verið óþreyt-
andi í ræðu og riti við eflingu ýmissa
menningarmála, og ekki sízt fyrir ís-
lenzkan málstað. Eitt merkasta verk
hans frá síðari árum er hið stóra enska
rit um íslenzk skáld (History of Ice-
landic Poets 1800—1940), er kom út
1950 í hinu kunna ritsafni Islandica,
sem Cornell háskólinn stendur að. Rit
þetta hefur hlotið ágæta dóma sérfræð-
inga og er talið merkisrit. Ritgerðasafn
hans, Ættland og erfðir, hefur áður
verið kynnt hér í blaðinu. Ritstjóri hins
vinsæla ársrits, Almanaks Ólafs S.
Thorgeirssonar í Winnipeg, var Beck
árin 1941—1954, er það hætti að koma
út, og á hann þar fjölda ritgerða. Á
þessu tímabili hefur hann ritað á ís-
lenzku, ensku og norsku fjölda ritgerða
og ritdóma um íslenzk og norræn efni.
Forustumaður á marga lund hefur hann
verið í félagsmálum Islendinga og nor-
rænna manna í Ameríku, forseti þjóð-
ræknisfélags Isl. í Vesturheimi árin 1940
til 1946, og nú snemma á þessu ári
kjörinn forseti þess á ný. Forseti er hann
einnig félagsins til eflingar norrænum
fræðum (The Society for the Advance-
ment of Scandinavian Study), en það er
fjölmennt bæði í Bandaríkjunum og
Canada. Víðförull er dr. Beck mjög og
vinsæll og eftirsóttur ræðumaður bæði
hér á landi og víðar. Hann er heið-
ursfélagi í mörgum félögum, svo sem
Þjóðræknisfélagi íslendinga í Vestur-
heimi, Stórstúku íslands og stúku sinnar
í Reykjavík Framtíðarinnar, en það met-
ur Beck sér eins mikinn heiður og þótt
um mikilvægari samtök manna væri að
ræða, svo heill er hann í bindindismál-
um og ótrauður játandi þess góða mál-
efnis. Allt frá æskudögum hefur hann
verið sterkur og góður liðsmaður þess.
— Auk þess, er hér var talið hefur hann
verið sæmdur íslenzkum og erlendum
heiðursmerkjum.
Dr. Beck er mikill heimilisvinur, og
hefur einnig á því sviði verið mikill gæfu-
maður. Hann er af góðu bergi brotinn.
Foreldrar: Hans K. Beck, óðalsbóndi í
Litlu-Breiðuvík við Reyðarfjörð, (d.
1907), og Þórunn Vígfúsína Beck, enn
á lífi vestan hafs, senn 87 ára að aldri,
hin ágætasta kona. Einn bróður á hann,
Jóhann Þorvald, sem nú er prentsmiðju-
stjóri í Winnipeg, vandaður og góður
drengur. Og kvonfang hlaut dr. Beck
gott: Bertu Samson, hjúkrunarkonu frá
Winnipeg, fædd vestra, en af sunnlenzk-
um ættum. Hana munu margir muna
frá síðasta ferðalagi þeirra hjóna hér í
heimalandinu.
Börn þeirra hjóna eru tvö: Margaret
Helen (Frú Paul Hvidston), búsett í
Californíu, og Richard Beck, sem er um
þessar mundir liðsforingi í flugher
Bandaríkjanna. Bæði eru þau systkinin
brautskráð með háum heiðri frá ríkis-
háskólanum í Norður-Dakota, hún í bók-
menntum og tungumálum, en hann í
vélaverkfræði.
Þessi mætu hjón, dr. Richard Beck
og frú, geta nú litið um öxl yfir víðáttu-
mikil, björt og fögur minningalönd, og
þau verða vissulega mörg hugskeytin,
sem þeim berast héðan að heiman á
þessum merku tímamótum ævi hans,
þakkir fyrir mikið og veglegt starf, og
hugheilar óskir um björt og blessunar-
rík komandi ár.
Jón Helgason/ bóka-
ulgefandi og rift-
sftjóri, áftftræóur
I 8. tbl. 5. árg. Einingar skrifar rit-
stjórinn þannig um Jón Helgason sjöt-
ugan, og finnst mér vel við eiga að
birta það aftur nú 10 árum síðar, því
það er allt í fullu gildi, sem þar er sagt:
,,Jón Helgason prentari átti sjötugs-
afmæli 24. maí s. 1. Hann er fæddur
árið 1877 að Grundarstekk á Beru-
fjarðarströnd, Suður-Múlasýslu, fluttist
til Reykjavíkur 1896, lærði prentiðnina
í Félagsprentsmiðjunni hjá Halldóri
Þórðarsyni, fór svo til Noregs og stund-
aði um þriggja ára skeið nám við lýð-
háskóla. Þegar hann kom heim, gerðist
hann einn af stofnendum prentsmiðj-
unnar Gutenbergs og vann þar um
skeið. Prentsmiðju hefur hann sjálfur
haft á núverandi stað, Bergstaðastræti
27, síðan 1925. Hann hefur gefið út
Heimilisblaðið síðan 1912 og Ljósber-
ann síðan 1921, annast sjálfur ritstjórn
og útgáfu blaðanna að öllu leyti, en
gefið auk þess út fjöldamörg rit og bæk-
ur. Má þar á meðal nefna vinsælar bæk-
ur, svo sem Hallgrímskver, Passíusálma,
Ævisögu Abrahams Lincoln, merka bók,
og fleira.
I Reglu Góðtemplara gekk Jón Helga-
son 17. nóvember 1897. Hann hefur
starfað sérstaklega mikið í barnastúk-
um, verið oft gæzlumaður þeirra, bæði
í Hafnarfirði, á Eyrarbakka og hér í
Reykjavík. Hann hefur verið styrktar-
félagi barnastúkunnar Svövu í Reykja-
vík síðan á jólum 1898 og starfað mikið
í henni og s. 1. ár var hann aðalgæzlu-
maður stúkunnar. Einnig hefur hann
starfað og kennt við sunnudagaskóla
bæði í K. F. U. M. og Bethaníu um 30
ára skeið samanlegt. Hann hefur tekið
flest öll stig Reglunnar og verið trú-
fastur hinum góðu málefnum, bindindis-
starfinu og kristindómi. Hann er heið-
ursfélagi barnast. Svövu, st. Framtíðin
og Umdæmisstúkunnar nr. 1.
Jón Helgason er maður grandvar og
Stadshuset i Slokkhótmi, uppljómaS aS kvöldi dags.