Eining - 01.11.1957, Blaðsíða 3

E I NING
3
Stórstúka Þýzkalands
hélt ársþing sitt í Osnabriick 2.—5.
ág. s.l. Hún bauð Stórstúku íslands að
senda fulltrúa á þingið. Framkvæmda-
nefndin fal fyrrum stórtemplar að mæta
fyrir sína hönd, en hann átti leið þar
um, þá er þingið var haldið. Gestir
voru og á þinginu frá Danmörku, Hol-
landi, Noregi og Sviss. Fyrsta dag þings-
ins voru flutt erindi um áfengi og um-
ferð og uppeldi til bindindis á heimilum
og í skólum.
Annan daginn voru sýnd tvö leikrit.
Ungtemplarar sýndu annað. Að kvöldi
þess dags var haldin hátíð: hátíðarræða,
söngur o. fl. Að morgni þriðja dags
(sunnudags) hlýddu þingheyjendur
messu kl. 8,15 árdegis. — Stórstúku-
þingið hófst með stigveitingu. Gestirnir
(frá Noregi, Danmörku, Islandi og
Hollandi) veittu hástúkustig. Tóku 28
stigið. Siðastarfið fór auðvitað fram á
þýzku. Það fór fram með mikilli
nákvæmni á öllu þinginu. Ekki var
klappað, þegar gestir höfðu flutt ávörp,
heldur risið úr sætum, þeim til virð-
ingar.
Það er undravert, hve miklu þýzka
stórstúkan kemur til leiðar. Lífið og sál-
in í starfinu er stórritarinn (sem eigin-
lega er framkvæmdarstjórinn), Wil-
helm Biel. Hann er búsettur í Hamborg.
Þar er skrifstofa Stórstúkunnar. En
stórtemplar á heima í Frankfurt am
Main, Theo Gláss prófessor. Hann er
og framúrskarandi starfsmaður og
mikill ræðumaður. Hann á sæti í fram-
kvæmdanefnd Hástúkunnar, gæzlumað-
ur löggjafarstarfs. — Osnabriick er
sögufrægur bær. Þar — og í Miinster
— var friður saminn eftir 30 ára stríð-
ið. Þingfulltrúar templara gengu fyrir
borgarstjórann í friðarsalnum í ráðhús-
inu, en í honum undirrituðu fulltrúar
mótmælenda friðarsamningana 1648.
Fór borgarstjórinn mörgum fögrum
orðum um starf Góðtemplara og þakk-
aði þann sóma, er þeir sýndu bænum
með þinghaldinu þar. Bróðurkveðjur
eru fluttar íslenzkum templurum frá
Osnabrúck-þinginu.
Námsskeiðið í Genf
Þess var getið í síðasta blaði, að
formaður áfengisvarnaráðs hefði tekið
þátt í námsskeiði, sem alþjóðaráðið til
hindrunar áfengisbölinu stofnaði til í
Genf í síðastliðnum ágústmánuði. Það
var þriðja árið í röð, sem námsskeið
er haldið þar. Fyrirlesarar og þátttak-
endur voru nú fleiri en nokkru sinni
áður. Einkum var margt Frakka þar,
og er það gleðilegur vottur um vaxandi
áhuga þeirra á bindindismálum. Um
120 menn sóttu námsskeið þetta frá 20
löndum. Flutt voru erindi á degi hverj-
um frá 5.—16. ág., ýmist 3 eða 4 á
dag, og fylgdu umræður á eftir. —
Meðal norrænna fyrirlesara má nefna
hátemplar (Ruben Wagnsson), Sund-
berg, forstjóra bindindisfræðslusam-
bandsins sænska, og Erik Strömgren,
prófessor í Árósum. Erindin voru ýmist
flutt á frönsku, þýzku eða ensku, og var
ætlunin að snara þeim á tvö önnur mál,
en úr því varð nú ekki alltaf. Hinsveg-
ar var hægt að fá flest þeirra fjölrituð
á öllum málunum.
Meðal annarra fyrirlesara vil ég
nefna: Neumann frá Wien (um afbrot
og áfengi), dr. Skála frá Prag (um
meðferð drykkjusjúkra manna þar í
landi), Ameríkanann Strain (áhrif
áfengis á heilann), Frakkann Barjot
(um áfengisbölið og þjóðfélagið og ráð
til þess að berjast gegn drykkjuskapn-
um), Próf. W. A. Scharffenberg frá
Washington (um alþjóðaráðið til þess
að koma í veg fyrir áfengisbölið —
en hann er framkvæmdarstjóri ráðsins,
og dr. Henri Gachot, prófessor frá
Strassborg (um áfengi og íþróttir).
Hann er framúrskarandi málamaður,
jafnvígur á frönsku, þýzku og ensku,
lengi samstarfsmaður dr. Hercod í
Lausanne, einn af þessum hugsjóna-
mönnum, sem fórnar öllu, þegar því er
að skipta.
Einn daginn sáum við kvikmyndir í
Þjóðabandalagshöllinni (Palais de
Nations). Þar voru sýndar myndir frá
heilsuverndarstofnun Sameinuðu þjóð-
anna, Ur en dagbok (sænsk), Ut av
tunnelen (norsk), ein frá Frakklandi og
enn ein frá Tjekkóslóvakíu. — Sunnu-
daginn 11. ág. fórum við upp í Alpana,
fyrst til Montreux og síðan upp á fjallið
„Rochers de Naye“ 2045 m hæð
eða nær því eins hátt og upp á Oræfa-
jökul. Þar uppi snæddum við hádegis-
verð og nutum um hríð í inndælisveðri
dásamlegs útsýnis yfir Alpana og dal-
ina þar. — Seinni partinn stönsuðum
við í Montreux og fengum okkur að
borða á bindindishótelinu Helvetia
þar í bænum. Það eru reyndar um 200
bindindishótel og þar að auki fjöldi
bindindisveitingahúsa í Sviss.
Eitt kvöldið komum við góðtemplar-
arnir á námsskeiðinu til móts við reglu-
systkin okkar í Genf. Ekki var það reglu-
bundinn templarafundur, frekar mót,
þar seem sagt var frá starfinu í mörg-
um löndum. Síðasta kvöldið, sem ég
var í Genf, var haldin ráðstefna með
forustumönnum bindindishreyfingar-
innar í 10 Evrópulöndum, undir forustu
Archer Tongue, framkvæmdarstjóra
l. T. U. (International Temperance
Union). Skrifstofa þessara samtaka er
í Lausanne. Þau eru nú 50 ára gömul.
— Bar margt á góma á fundi þessum,
m. a. varðandi afstöðu vora í ýmsum
greinum). Á fundi þessum voru m. a.
fulltrúar frá Póllandi og Júgóslavíu. Þeir
áhugamenn um bindindis- og áfengis-
mál, sem kynnu að vilja fá til lestrar
eitthvað af erindum frá námsskeiðinu
í Genf, eru beðnir að gefa sig fram á
skrifstofu áfengisvarnaráðs, Veltusundi
3, Reykjavík. —
(Þátttakendur: Frakkar 26, Svissar-
ar 25. Þjóðverjar 15, Austurríkismenn
6, Svíar 6, Pólverjar 5, Belgir 5, Banda-
ríkjamenn 4, Hollendingar 4, Englend-
ingar 4, Júgóslafar 4, Italir 3, Finnar 3,
Norðmenn 2, Tjekkóslóvakar 2, Grikk-
ir 2, íslendingur 1, Dani 1, Spánverji 1
og Tyrki 1).
-------ooOoo-------
Ekki má gleyma
sigrunum
Með berklavörnum í Bandaríkjunum
er talið að þar sé bjargað 300,000
mannslífum ár hvert, og er það meira
en fórst af Bandaríkjamönnum í síðustu
heimsstyrjöld. Um síðustu aldamót dóu
í Bandaríkjunum 194 af hverjum
100,000 úr berklaveiki, en nú eru það
aðeins 8 af 100,000 að meðaltali í öllum
ríkjunum, sem deyja úr þessari veiki.
Þessi sigur er mikið fagnaðarefni, og nú
nálgast það, að læknavísindin vinni bug
á mænuveikinni, en hvenær sigrar menn-
ingin styrjaldir og áfengisböl? Slíka sigra
þráir allt mannkynið og þess vegna
hljóta þeir að vinnast í fyllingu tímans.
---------------ooOoo-------
Áfengisneyzlan í Svíþjóð
minnkar.
Reformatorn, tímarit templara í Svíþjóð,
skýrir frá því í ritstjórnargrein, að á fyrri
hluta þessa árs hafi áfengisneyzlan minnk-
að um 12,8%, borið saman við sama tíma-
bil í fyrra. Samt sem áður er áfengisneyzla
þjóðarinnar 12,5% hærri en liún var 1955,
síðasta ár áfengisskömmtunarinnar, og í
greininni er þess getið, að þrátt fyrir þessa
minnkandi áfengisneyzlu, hafi lítið eða ekk-
ert dregið úr hinu óhuggnanlega ölvunar-
ástandi lijá þjóðinni. Þá er bennt á, að sú
minnkun, sem orðið hefur á áfengiskaup-
unum, kunni að stafa frá hækkun á verð-
lagi áfengra drykkja, öllu fremur en af
hugarfarsbreytingu hjá áfengisneytendum.
---------------ooOoo-----
IXIorræna bindindisþingið,
hið 21. í röðinni verður haldið í Noregi
árið 1959. Stafangur verður þingstaðurinn,
en þingtíminn dagarnir 29. júlí til 4. ágúst.