Íþróttablaðið - 01.09.1928, Blaðsíða 8

Íþróttablaðið - 01.09.1928, Blaðsíða 8
218 ÍÞRÓTTABLAÐIÐ inn meö jafntefli 2 : 2. Þessi leikur var sístur að leikni hjá Skotunum, hvort sem það stafaði af storminum eða breytingu á liði þeirra skal ekkert um dæmt hér. En hvernig sem það var, gcrðu Víkingar jafntefli og eiga sinn heiður fyrir það. Fjórði kappleikurinn var háður við Fram. Voru þá mættir flestir þeirra gömlu garpa, en liðið styrkt með 3 mönnum úr hinum félögun- um. Kappleikurinn var góður, en yfirburðir Skotanna svo miklir, að hann varð ekki neitt „spennandi". Fór leikurinn á þá leið, að Skot- ar unnu Fram með 5:1. Fimti kappleikurinn var háður við B-lið ís- lendinga. I það lið var valið af sérstakri nefnd og átti þetta að vera næstbezta úrvalslið félag- anna hér. Mistök voru bersýnileg með val á inönnum í liðið, enda var sá leikur mjög ójafn og unnu Skotar með 5 : 0. Síðasti kappleikurinn var háður við úrvals- lið (A) íslendinga, og voru valdir í það lið, að dómi nefndarinnar, beztu knattspyrnumenn hér. Voru í liðinu 7 úr K. R., 3 úr Val og 1 úr Víking. Tóksl nefndinni miklu betur nieð val á mönnum í þetta lið, eins og leikurinn sýndi. Kappleikur þessi var hinn skemtilegasta á að horfa. Gerðu íslendingar mörg góð upphlaup og höfðu oft ágætan samleik, og gekk á sókn og vörn á báðar hliðar. Skotarnir létu ekki standa á sér og var unun að horfa á Ieik þeirra. Var það dómur margra, að þetta haf'i verið bezti kappleikurinn við Skotana. Lauk honum svo, að Skotar unnu A-úrvalsIið íslendinga með 3:1. Mikill mannfjöldi horði á alla leikina og voru áhorfendur ekki síður drenglundaðir en knatt- spyrnumenn, því þeir klöppuðu jafnt hvort það voru Skotar sem skoruðu mark eða Islend- ingar, Tóku Skotarnir eflir þessu og höi'ðu oríS á því og sögðusl ekki slíku vanir, þegar þeir keptu við aðrar þjóðir. Er það vel, þegar áhorf- endur kunna að meta alt, sem vel er gert, hver sem í hlul á. . Allir, sem skyn bera á knattspyrnu eru sam- mála um það, að snild Skotanna var framur- skarandi. Leikni þeirra með knöttinn og sam- leikur var aðdáunarverður og unun að horfa á. Það var auðséð, að hér voru engir meðal- menn i knattspyrnuíþróttinni á ferð, og enginn undraðist það, þótt slíkir menn hefðu unnið Skotlandsbikarinn. Og ekki stóðu þeir neitt að baki Civel Cervise, sem var hér á ferðinni 1922. Eftir þessa kappleiki getum vér Islendingar hlutlaust dæmt um, hvar vér stöndum i knatt- spyrnunni.. Og það dæmist rétt vera, að islenzk- um knattspurnumönnum hefir fariö mikið fram siðustu 6 árin. Þegar beztu félögin eða sveitirn- ar keptu við Skotana, áttu íslendingar eins mikið i leiknum og Skotarnir, dugnaður íslend- inga var meiri, sókn og vörn skiftist á, en það sem Skotarnir sérstaklga höfðu fram yfir ís- lendinga var meira vald (leikni) yfir knettin- um og gátu Islendingar mikið lært af Skotun- um í því atriði. Einnig var samleikur þeirra léttari og vissari. Þess má einnig geta, að Skot- arnir voru í æfingu frá í ágúst í fyrra, en ís- lendingar að eins frá i mai í vor. Ef vér lítum til baka til ársins í 922, þegar Civel Cervise var hér, fóru leikar á þá leið, að þeir unnu íslendinga með 27 : 0, og það í að eins fimm leikum. En 1928 voru háðir sex kappleikir og þá unnu Skotar með 23 : 0. Einnig, ef litið er á þessa hlið málsins, sem þó er ekki réttur mælikvarði á framförina, er samt sigur Islendinga mikill. En álit Skotanna sjálfra á íslenzkum knattspyrnumönnum er þó eitt mikilsverðasta atriðið. Og hverl var þeirra á- lit? Dómur þeirra var á þessa leið: íslendingar eru framúrskarandi duglegir knattspyrnu- menn, fljótir að hlaupa, snöggir i hreyfingum og samleikur góður, en vantar betra vald yfir knettinum (leikni). Stórfurða hvað langt þeir eru komnir í knattspyrnu á jafn ófærum velli og þeir hafa. Varla hægl aö ná mciri fullkomn- un á sllkum vclli (eflirtekiarverð ummæli). — Eru vel f'ærir að keppa við bezlu erlenda knattspyrnuflokka (áhugamanna). — Þessi dómur er íslenzkum knattspyrnumönnum mik- ill fengur og þeim til mikillar sæmdar, sérstak- lega vegna þess, að Skotarnir reyndust í við- kynningu sem hreinskilnir og athugulir ágætis- menn i hvivetna, og má því taka ummæli þeirra i fullri alvöru.

x

Íþróttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Íþróttablaðið
https://timarit.is/publication/843

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.