Eining - 01.03.1963, Blaðsíða 3
EINING
3
\J o c-t I/
SUMARMÁL
Ritstjórn blaösióunnar:
Guðmundur I>órarinsson
og Einar Hannesson.
Hvað vilja ungtemplarar?
íslenzkir ungtemplarar vilja móta
samfélagsmenninguna, án áfengis. Sam-
félag, þar sem kröfunum um frjálsa
lífsnautn manna er stjórnað af þeirri
samfélagskennd, er vill efla líf, og af
tilliti til heilla einstaklings og heildar.
Menningu, sem gerir menn hæfari til
að uppfylla þær kröfur, sem samfélagið
gerir til manna um hagsýni, hæfni og
dugnað í daglegum störfum.
fslenzkir ungtemplarar telja þess
vegna, að menning án áfengis sé eitt
af því, sem leiðir til framfara og þjóð-
arheilla.
fslenzkir ungtemplarar vilja heyja á
þessum grundvelli, ásamt öllum mann-
bætandi öflum, linnulausa baráttu gegn
áfengisverzlun í öllum hennar mynd-
um. Sambandið setur því algert bind-
indi á áfenga drykki sem skilyrði fyrir
félagsréttindum.
ró 1 lci ópjci //
Grétar Þorsteinsson, þinggæzlumaður
ungmennastarfs í Reykjavík, félagi í Ut-
félaginu Hrönn, er mjög liðtækur íþrótta-
maður. Hann hefur þrisvar sinnum tekið
þátt í landskeppni í frjálsum íþróttum.
Grétar hefur æft spretthlaup og hlaupið
100, 200 og 400 metra hlaup, en aðalgrein
hans eru 400 metrarnir. Grétar er félagi í
glímufélaginu Ármanni. Hér á dögunum
áttum við stutt spjall við Grétar um íþrótt-
ir og fara hér á eftir molar úr því.
— Aðspurður kvað Grétar miklar fram-
farir hafa orðið á íþróttasviðinu síðustu
áratugina. Árangrar hafa orðið betri og
betri með hverju árinu og þætti ýmsum
nú, sem í sumum greinum frjálsra íþrótta
mætti varla komast lengra, hvað metin
snerti. Hinum mannlega mætti væru tak-
mörk sett. Grétar tók sem dæmi, að um
s.l. aldamót hefði heimsmet í 100 metra
hlaupi verið 11,8 sek., en nú væri heims-
metið 10,0 sek. Samskonar tölur í hástökki
væru 1,81 og nálgaðist óðum 2,30 m. 1
kúluvarpi var metið 1896 11,22 m en nú
varpaði sá, sem lengst varpaði yfir 20
metra. Og þannig mætti lengi telja.
— Grétar sagði aðbúnað og aðstöðu í-
þróttamanna afar misjafna og gilti það
bæði um einstakar þjóðir og einstaklinga.
Sumar þjóðir, ekki sízt hin svokölluðu
stórveldi, spöruðu ekkert til þess að sem
beztum árangri yrði náð á þessu sviði,
enda væru íþróttirnar, sem alkunna er
orðnar snar þáttur í kapphlaupi stórþjóð-
anna um vinsældir og áhrif. Áhugamennsk-
an stæði, sem betur fer, enn víða traustum
fótum, en atvinnumennska, dulbúin eða ó-
dulbúin, sækti stöðugt á. Gætu menn auð-
veldlega séð á þessu, hver aðstöðumunur
væri, þegar svo er í pottinn búið.
— Ekki færi hjá því, að flestir, sem æfðu
frjálsar íþróttir væru þátttakendur í
keppni. Þó væri nokkuð um, að menn æfðu
án þess að ætla sér að taka þátt í keppni.
Ýmislegt fleira sagði Grétar, en hér lát-
um við staðar numið að sinni, og þökkum
honum fyrir.
Ut-félag á ísafirði.
Á ferð sinni um Vestfirði í febrúar, stofn-
aði Gunnar Þorláksson, erindreki stórstúk-
unnar og stjórnarmeðlimur ÍUT, ungtempl-
arafélag' í ísafirði. Félag þetta mun starfa
innan vébanda stúkunnar ísfirðings. — Við
bjóðum félagið velkomið í hóp ÍUT-félaganna.
Stjörnuklúbburinn.
Ungtemplarafélag Einingarinnar beitti sér
fyrir stofnun gömludansaklúbbs ungmenna á
aldrinum 16—25 ára. Klúbburinn starfar í
GT-húsinu í Reykjavík annan hvern miðviku-
dag. Kiúbburinn hlaut nafnið Stjörnuklúbb-
urinn. Starfsemi þessi hófst í janúar og hef-
ur gengið mjög vel. Félagar í klúbbnum eru
rúmlega 100.
OFT ER GLATT A HJALLA HJÁ UNG-
TEMFLURUM. Við viljum með birtingu
þessarar myndar minna á Norræna ung-
templaramótið, sem verður1 í Kolding í Dan-
mörku dagana 7. til 11. júlí í sumar. Við
höfum þær fréttir að færa, að Danir leggi
sig mjög fram um að gera mótið sem á-
nægjulegast þátttakendum, er munu verða
frá öllum Norðurlöndunum og víðar að. .
Tóbaksbindindi.
Um nokkurt skeið hafa birzt öðru hverju
í dagblaðinu Tímanum auglýsingar varðandi
tóbaksnotkun. Auglýsingar þessar bera með
sér, að þar er á ferð áhugamaður um tóbaks-
bindindi.
Jöfnum höndum er bent á þá hættu, sem
samfara er notkun tóbaks og þann mikla
kostnað, sem leiðir af neyzlu þess. Við leyf-
um okkui' að birta hér á eftir eitt sýnishorn.
„— Reykingar og arfur afkomenda. Við gát-
um í síðasta þætti sextugra hjóna, sem vörðu
hluta bankainnstæðu sinnar, vegna tóbaks-
bindindis, til íbúðarkaupa og áttu þó eftir
kr. 115.000,— Ef þau létu upphæðina standa
óhreyfða myndu þau eiga kr. 280.000,— við
sjötugs aldur, og skiptu þau henni milli 4
erfingja, fengi hver þeirra kr. 70.000 í
reiðufé. — Allt ávöxtur þess að þau byrj-
uðu ekki að reykja 18 ára en lögðu andvirði
eins pakka á dag kr. 21,oo á vöxtum á banka.
•—HG12.“ Þessi ágæti áhugamaður á þakkir
skilið fyrir hugkvæmnina og þá fórnfýsi, sem
hann sýnir með þessu framtaki, sem kostar
ekki svo lítið fé.