Eining - 01.05.1963, Blaðsíða 3
EINI NG
3
SUMARMÁL
Ritstjórn blaösióunnar:
GuSmundur I>órarinsson
og Einar Hanncsson.
„Varaðu þig á bannsettu
brennivíninu44
Gunnar og Sigurður voru hinir beztu
vinir, áhugamál þeirra á ýmsum svið-
um fóru mjög saman, báðir voru harð-
duglegir sjómenn og stunduðu sjó á
sama skipi. — Á skemmtunum bar það
eitt á milli, að Gunnar vildi aldrei hafa
vín um hönd og hversu sem Sigurður
lagði að honum, sat hann alltaf fastur
við sinn keyp. Sigurður, sem var
hversdagslega hið mesta prúðmenni
varð mjög óvæginn með víni og sást
þá ekki fyrir. Kom það oft í hlut
Gunnars að sefa Sigurð og forða hon-
um frá illindum og leiðinda drykkju-
látum, var það á einskis manns færi
annars en Gunnars að hafa hemil á
Sigurði, er hann var kominn í þann
ham. — Eftir aflasæla vetrarvertíð
og ævintýralega þénustu á síldveiðum,
skyldu þeir félagar eitt sinn um nokk-
urn tíma, þar sem Gunnar fór til for-
eldra sinna og vina á Norðurlandi,
en Sigurður til höfuðstaðarins. Báð-
ir voru með fullar hendur fjár og
höfðu á prjónunum stór áhugamál,
sem áttu að verða grundvöllur að heill
og hamingju framtíðarinnar. —Gunn-
ar var þó með nokkrar áhyggjur vegna
félaga síns og voru hans síðustu orð
er þeir skyldu. „Varaðu þig á bann-
settu brennivíninu.“ — Líða nú svo
tveir mánuðir að fundum þeirra fél-
aga ber ekki saman, en þá fer Gunnar
til Reykj avíkur og lætur það verða
sitt fyrsta verk að heilsa upp á félaga
sinn. En honum bregður allmikið í
brún er hann kemur í herbergi vinar
síns. Því hann var allur reifaður og
önnur hönd hans í fatla. — Hið fyrsta,
sem Gunnari verður að orði er. „Hvað
er að sjá þig vinur, nú hefur þú held-
ur betur dottið í það.“ „Já,“ segir Sig-
urður og stynur þungan. „Ég hefði
betur farið að þínum ráðum. Sjálfur
veit ég harla lítið um mitt síðasta æv-
intýr. Ég lenti í einhverjum róstum
og endaði með því að ég fór að berjast
við alsaklausar rúður. Já, ráðslag mitt
gat ekki vitlausara verið og eftir það
var mér fyrst ljóst hve mikið ég á þér
að þakka. — Það versta er að ég er
búinn að eyða allri minni ársþénustu
í þetta brjálæði, svo öll mín stóru á-
form eru úr sögunni.“ Þetta er nú held-
ur mikið sagt og nær sanni að segja.
Ekki skal gráta Björn bónda, heldur
safna liði. En þó mættir þú muna
Bakkusi þennan óleik.“ En Sigurður
svaraði: „Ég fagna komu þinni, en
ekki þarftu að minna mig á kveðju-
orð þín frá því í haust. — Ég ætla
mér ekki að bíða svipað afhroð öðru
sinni.“
IJT-félag stofnað á Sauðárkróki
í apríl stofnaði Gunnar Þorláksson, er-
indreki stórstúkunnar ungtemplarafélag á
Sauðárkróki. Heitir félagið UT-félag stúk-
unnar Gleym mér ei. Formaðnr félagsins var
kosinn Þorbjörn Árnason. — Við bjóðum
hið nýja félag velkomið í hóp ÍUT-félag-
anna og félaga þess til samstarfs.
Öldrykkja og ölvun við akstur.
Skýrsla lögregluþjónustunnar í Kaup-
mannahöfn sýnir það, að árið 1961 var 80
af hundrað tilfellum af ölvun við akstur
að kenna öldrykkju. Það er yfirgnæfandi
öldrykkja, segir þar, sem veldur því, að
ökumenn setjast í ölvunarástandi upp í bíl-
inn og aka leiðar sinnar.
Árið 1961 voru kærðir í borginni 1004
ökumenn fyrir ölvun við akstur, þar af 7
konur. 40 af hundraði voru innan við 30
ára aldur og 67% innan við fertugsaldur.
800 hinna 1004 kærðu voru undir áhrifum
vegna öldrykkju eingöngu. Svo gaspra menn
um „meinlausa ölið.“
Þegar til flokkunar kom hinna kærðu,
voru verkamenn lang hæstir. Vilja áróðurs-
menn ölsins á íslandi færa verkamönnum
og æskulýð þessi hagræði?
>f >f X-
GÓÐIR GESTIR
Um miðjan aprílmánuð voru hér á ferð
tveir góðir gestir frá Svíþjóð, sem hér
dvöldust í tvo daga á ferð sinni til Banda-
ríkjanna, en þangað héldu þeir til 4 mán-
aða kynnis- og námsdvalar í boði þarlendra
aðila. Þetta voru Carl-Axel Valen, stjórnar-
meðlimur í alþjóðasambandi ungtemplara
og Harry Anderson, æskulýðsfulltrúi
sænskra stjórnarvalda. Báðir eiga þessir
ungu menn gott starf að baki sér í samtök-
um sænskra góðtemplara. Carl-Axel var t.
d. um skeið ritstjóri TJnga iankar, blaðs
sænskra ungtemplara, og er nú lektor við
Lýðskóla templara í Tollare.
Svíarnir þágu boð, og viðræður við for-
ustumenn Landssambandsins gegn áfengis-
bölinu, góðtemplara, tryggingarfélags bind-
indismanna og Æskulýðssambands íslands,
en Carl-Axel er einmitt einn af forustu-
mönnum sænska æskulýðssambandsins.
Létu þeir félagar mjög vel af dvölinni hér.
Báðu þeir fyrir beztu kveðjur til samherj-
anna hér á landi.