Eining - 01.10.1963, Qupperneq 1

21. árg. Reykjavík, október 1963.
Benedikt S. Bjarklind,
stórtemplar
S)EINS tveim dögum áður en
Bjarklind átti að þola hinn hættu-
sama uppskurð í sjúkrahúsi í Kaup-
mannahöfn barst ritstjóra Einingar hlý
kveðja frá honum, og svo biðum við
vinir hans í fyrirbæn og eftirvæntingu
um að fá góðar fréttir að utan, hlökk-
uðum mikið til að fá þau hjónin heim
aftur, heil á húfi og hamingjusöm, en
svo kom skyndilega harmafregnin og
vonbrigðin urðu mjög sár.
Það eru ekki aðeins við bindindis-
menn, sem verðum hér að sjá á bak ein-
um okkar bezta forustumanni og góð-
um vini, heldur sýna einnig eftirmæli
allra dagblaðanna um hann, hve vinsæll
hann var og mikilsmetinn sem sæmdar-
maður og drengur góður. Þeir menn,
sem skrifað hafa minningargreinarnar
í dagblöðin eru þessir. Séra Kristinn
Stefánsson, áfengisvarnaráðunautur,
Ólafur Þ. Kristjánsson, skólastjóri og
kanzlari Stórstúku íslands. Sigurður
Bjarnason, ritstjóri og alþingismaður,
Indriði Indriðason, rithöfundur, Ás-
björn læknir Stefánsson, framkvæmda-
stjóri Bindindisfélags ökumanna, Jó-
hann Björnsson, framkvæmdastjóri
Ábyrgðar, Einar Hannesson, fulltrúi.
Eftir að hafa lesið allar minning-
arnar, tel ég fara einna bezt á því að
birta grein séra Kristins Stefánssonar
í heilu lagi, hann hefur verið lengst allra
stórtemplar Stórstúku íslands, en gott,
er svo að Eining geymi nokkrar línur
eftir alla hina, fagran vitnisburð um
góðan dreng.
Innilegustu samúð votta ég frú
Bjarklind og öllum nánustu þeirra hjón-
anna. Geymi svo ljúfar minningar um
fallinn foringja og mjög ánægjulegt
samstarf.
Pétur Sigurðsson.
Benedikt S. Bjarklind.
Séra Kristinn Stefánsson:
í dag, 13. sept., er gerð í Kaupmanna-
höfn útför Benedikts S. Bjarklind, lög-
fræðings og stórtemplars í Stórstúku
íslands I. 0. G. T. Hann andaðist eftir
uppskurð í ríkisspítalanum þar í borg 6.
þ. m.
Benedikt S. Bjarklind var Þingey-
ingur að ætt og uppruna og stóðu að
honum traustir ættstofnar á báðar
hendur. Hann fæddist í Húsavík 9. júní
10. tbl.
1915. Foreldrar hans voru þau hjónin
Sigurður Bjarklind, kaupfélagsstjóri,
Sigfússon, bónda á Halldórsstöðum í
Reykjadal Jónssonar, og Unnur (Hulda
skáldkona) Benediktsdóttir á Auðnum
Jónssonar, hins merkasta manns; mik-
ill félagsmálafrömuður og einn af frum-
herjum samvinnuhreyfingarinnar á ís-
landi og raunverulega stofnandi sýslu-
bókasafns Þingeyinga í Húsavík.
Benedikt gekk ungur út á náms-
brautina. Hann varð stúdent 21 árs að
aldri og lauk lögfræðiprófi við Háskóla
Islands 1943. Hann réðst þá fulltrúi hjá
lögmanninum í Reykjavík og síðan,
þegar ný skipan var gerð á embættinu,
hjá borgarfógetanum, og gegndi því
starfi til dauðadags.
Bjarklind kvæntist 3. júlí 1960 góðri
og mikilhæfri konu, Else Hansen, kenn-
ara, frá Kaupmannahöfn. Er frú Else
Bjarklind að góðu kunn mörgum íslend-
ingum fyrir kennarastörf sín hér bæði
nú og eins fyrir allmörgum árum.
í ritsafninu Móðir mín, sem kom út
árið 1958, hefur Bjarklind ritað mynd-
arlega grein um móður sína, Huldu
skáldkonu. Þar þakkar sonurinn hlýj-
um orðum hið ríkulega veganesti, sem
móðirin gaf honum út í lífsbaráttuna,
en því lýsir hann meðal annars á þessa
leið: „Hreinar og göfugar hugástir, ást
á guði og mönnum, föðurlandinu, sögu
þess og tunga, voru dyggðir, er móðir
mín leitaðist við að innræta mér í æsku“.
Sjálfur lætur hann í það skína, að
sér hafi haldizt miðlungi vel á þessu
veganesti, en þeir, sem þekktu hann
bezt og skildu hvern mann hann hafði
að geyma, munu ekki vera í vafa um,
að allra þessara fögru dyggða hafi hann
gætt trúlega í lífi sínu og starfi, jafn-
vel svo, að þær hafi sett mót sitt á
manninn. Sú var reynsla mín af Bene-
dikt Bjarklind, en leiðir okkar lágu
saman í góðtemplarareglunni og síð-