Leo - 01.12.2003, Blaðsíða 35
Lionsklúbburinn HÆNGUR 30 ára
Þaðan var síðan haldið til vesturs niður
að Þeistareykjum og gist í hinum ágæta
skála sem þar er. Jarðhiti er mikill á
Þeistareykjum eins og kunnugt er og
hefur þar nýlega verið boruð rannsókn-
arhola sem fer mikinn í blæstri sínum.
Frá henni rennur heitur lækur í
hraungjótu. Gátu bæði ungir og aldnir
slakað á og látið ferðaþreytu þessa
lengsta göngudags líða úr sér. Að því
búnu blés aðalfararstjórinn, Daníel
Guðjónsson, yfirlögregluþjónn á Akur-
eyri, til grillveislu og þurfti ekki oft að
kalla á fólk í það skiptið.
Eftir vænan nætursvefn í hlýjum og
góðum skálanum var síðan lagt upp í
þriðja og síðasta dag göngunnar þar
sem fyrst var gengið til vesturs inn á
Þeistareykjahraun og eftir því til norð-
urs í átt að Sæluhúsmúla. í hrauninu
eru mörg náttúruundur. Það sem mesta
athygli vakt var s.n. Togarahellir sem
er mikill hraunhellir, hvelfing sem opin
er í báða enda með litlu vatni á botnin-
um. Undir Höfuðreiðarmúla beið síðan
rúta þreyttra og sveittra ferðalanga
sem fengu sólrikan og bjartan lokadag
ferðarinnar. Þaðan var síðan ekið að
Hrafnagili með stuttri viðkomu á Húsa-
Hollendingurinn Joima dáist að sóiarlaginu.
vík.
Næstu daga var síðan farið í heim-
sóknir til ýmissa fyrirtækja, m.a. til Út-
gerðarfélags Akureyringa, Norðurorku
og Norðurmjólkur, auk þess sem söfn
og fleiri staðir á Akureyri og nágrenni
voru heimsótt. Farið var í Listasafnið,
Ketilhúsið, Nonnahús, Minjasafnið, Ak-
ureyrarkirkju og auðvitað í Lystigarð-
inn. Þá var farið á starfsdag í Laufási
þar sem margt skemmtilegt var á
boðstólum. Þá naut Sundlaugin á Akur-
eyri mikilla vinsælda hjá hópnum. Skát-
ar tóku á móti hópnum og fóru þau í
óvissuferð á vegum Útilífsmiðstöðvar
skáta sem var bæði heit, köld og óvænt.
Farið var í tvær skoðunarferðir um
landshlutann. Ein hringferð frá Akur-
eyri, austur í Laxárvirkjun, þar sem
virkjunin og listaverkasýning voru
skoðuð. Þaðan var síðan haldið til
Húsavíkur þar sem ný gufuaflsvirkjun
Húsvíkinga var skoðuð og að sjálfsögðu
hið rómaða Hvalasafn sem vakti
óskipta athygli. Þá lá leiðin í Ásbyrgi og
að Dettifossi sem krökkunum þótti ein-
staklega mikilfenglegur. Keyrt var upp
með Jökulsá að austan og farið í
Dimmuborgir og síðan í móttöku hjá
sveitarstjóm Skútustaðahrepps. Að því
loknu var tekið bað í náttúmlegri laug í
landi Voga með góðfúslegu leyfi land-
eigenda. Var það einn af toppunum á
ferð krakkanna um ísland. Hin ferðin
var farin út með firði þar sem farið var í
sjóstangaveiði og hvalaskoðun frá
Hauganesi sem vakti mikla lukku í
hópnum. Þaðan var farið til Dalvíkur og
minjasafnið skoðað, farið á hestbak og
loks borðað í boði bæjarstjómar Dalvík-
urbyggðar.
Einn dagskrárliðurinn var nefndur
„Dagur með unglingum úr heimabyggð"
en þá hitti hópurinn jafnaldra sína og
átti með þeim góðan dag, þar sem farið
var á kaffihús og þau borðuðu saman
auk þess sem kíkt var á diskótek.
Síðasta daginn átti hópurinn að
mestu fijálsan en búðunum var form-
lega slitið með kvöldverði í boði bæjar-
35
stjórnar Akureyrar. Þar fengu þau
gefna bók um Akureyri, viðurkenning-
arskjal um þátttöku í búðunum og
tölvudisk með myndum frá þessum dög-
um á Norðurlandi.
Daginn eftir hélt þessi fríði hópur
síðan í flugi suður til höfuðborgarinnar
til gistifjölskyldna sinna. Búðastjórar
fengu hlý faðmlög og góðar kveðjur og
margir krakkanna höfðu á orði að þau
ættu eftir að koma aftur til íslands.
Félagar í Lionsklúbbunum í Eyjafirði
vilja þakka öllum þeim fjölmörgu aðil-
um sem lögðu þessu verkefni okkar lið
og gerðu okkur mögulegt að gera það
veglegt og skemmtilegt.
F.h. búðastjóra - Baldur Dýrfjörð
Hópurinn við suðurop Togarahellis.
Unglingar og Lionsmenn hlýða á Jrœðslu Daníels
Guðjónssonar. - Myndir: Baldur Dýrfjörð.