Vera - 01.02.1983, Blaðsíða 20
Bakhópur Kvennaframboðsins í menningarmálum
hefur mótað stefnu sínu í málefnum Kjarvalsstaða og
unnið að eftirfarandi tillögum. Tillögurnar voru kynntar
stjórn Kjarvalsstaða þ. 14. desember I9H2 og hafa enn
ekki komið til umfjöllunar þar. Fulltrúar Kvennafram-
boðsins ístjórn Kjarvalsstaða eru þœr Guðrún Erla Geirs-
dóttir og Sigríður Dútui Kristmundsdóttir til vara. Vert er
að geta þess að menningarmálahópurinn hittist hvern mið-
vikudag kl. 20.30 og uð þeir fundir eru opinir líkt og aðrir
fundir Kvennaframboðsins.
Kvennaframboðið í Reykjavík Ii'tur svo á að Kjarvals-
staðir eigi að vera mennin^armiðstöð Reykvíkint’a. Þar af
leiðandi hafa Kjarvalsstaðir ekki eingöngu skyidum að
gegna á sviði myndlistar heldur hljóta skyldur hússins að
taka jafnt til allra listgreina. Menningarmiðstöð á borð
við Kjarvalsstaði hlýtur einnig að eiga að gegna víðtæku
uppeldis- og fræðsluhlutverki.
Auk þess sem kveðiðerá um ístefnuskrá Kvennafram-
boðs um menningarmál vill Kvennaframboð leggja sér-
staka áherslu á að hlúa að listsköpun og menningarstarf-
semi kvenna þar sem ljóst er að konur búa iðulega við
þrengri kost á þessu sviði en karlar. Skal því ávalt gefa
þeim menningarmálum kvenna sem snerta starfssvið
Kjarvalsstaða á einhvern máta sérstakan gaum. í beinum
tengslum við þetta grundvallarmarkmið vill Kvenna-
framboð leggja fram eftirfarandi tillögur:
1. Stjórn Kjarvalsstaða samþykkir að beina því til jafn-
réttisnefndar Reykjavíkurborgar að gerð verði
könnun á hlutfallsskiptingu karla og kvenna hvað
varðar myndlistarsýningar og aðra listastarfsemi í
húsinu undanfarin ár og hvaö varðar verk í eigu
borgarinnar. Ennfremur taki könnunin til hlutfalls-
skiptingu karla og kvenna í listaskólum og samtök-
um listamanna. Myndi slík könnun gefa vísbendingu
um stöðu kvenna og karla að þessu leyti og vera
stjórninni gagnleg við mótun þess þáttar menningar-
stefnu hússins sem að jafnréttismálum snýr.
2. Kjarvalsstaðir standi fyrir Menningardögum kvenna
þar sem sýnd verði myndlist og byggingarlist eftir
konur, flutt tónlist eftir konur og/eða af konum,
leiklist um eða eftir konur, listdans, fyrirlestrar um
kvennafræði og kvennabókmenntir og jafnvel sett
upp sýning á efnislegum atriðum íslenskrar kvenna-
menningar. Undirbúningsnefnd skal skipuð til að
undirbúa og velja verk á menningardaga þessa. Lagt
er til að hátíðin standi í viku til tíu daga og verði
haldin í okt.-nóv. 1983.
Auk þessa leggur Kvennaframboð til eftirfarandi:
3. Mótuð verði menningarstefna hússins bæði hvað
varðar þær listgreinar sem þar fá inni og livers konar
list þar er á boðstólnum.
4. Listræn starfssemi sem Kjarvalsstaðir standa sjálfir
fyrir verði stóraukin.
5. Áhersla veröi lögð á að kynna list frá sem flestum
heimshlutum-og er þá jafnt átt við „vestræna" list
sem þjóðlega eða „ethniska" list og mcnningu.
6. Áhersla verði lögö á barnaefni á hinum ýmsu list-
sviðum þannig að Kjarvalsstaðir verði einnig menn-
ingarhús þess stóra hóps Rcykvíkinga sem ekki hefur
náð fullorðinsaldri.
7. Reglugerð Kjarvalsstaöa verði tekin til rækilegrar
endurskoðunar.
8. Staðið verði aö skrásetningu á öllum verkum
Kjarvals og að þegar verði hafist handa viö aö undir-
búa aldarafmæli listamannsins.
9. Fjárveiting til kaupa á verkum Kjarvals verði aðskil-
in frá fjárveitingu til annarra listaverkakaupa.
10. Við kaup á listaverkum skal ávallt tekið tillit til allra
listgreina. Nokkra áherslu skal þó leggja á kaup úti-
listaverka svo að sem flestir Reykvíkingar fái notið
þess sem keypt er.
11. Haldin verði opin samkeppni um útilistaverk sem
kornið skal fyrir á fyrirfram ákveðnum stað í borg-
inni. Þrír höfundar skulu valdir til að vinna áfram
tillögur sínar í mánuð og ein tillaga síðan valin til
endanlegrar útfærslu.
12. Tekin verói upp eftirfarandi tilhögun viö ráðstöfun
hússins til sýningarhalds: Sótt skal um rými til sýn-
ingarhalda með 6 mánaða fyrirvara þannig að ef
umsækjandi óskar t.d. að sýna á tímabilinu júní —
ágúst skal sótt um fyrir 1. janúar. Umsóknartímabil
verði fjögur á ári, 3 mánuðir hvert, þannig að stjórn-
in geti í lok hvers tímabils valið úr þeim umsóknum
sem borist hafa á tímabilinu. Ætti þetta að auövelda
stjórninni að móta menningarstefnu hússins á hverj-
um tíma og auk þess auðvelda stjórn á bókun sýn-
ingarrýmis.
13. Þegar sótt er um sýningarrými skal umsækjandi
leggja fram skilmerkileg sýningargögn á þar til gerð-
um eyöublöðum. Kjarvalsstaðir skulu svo halda
skrá yfir sýningar og aöra listviðburði í húsinu með
tilheyrandi gögnum.
14. Þáttur Kjarvalsstaöa í Listahátíð í Reykjavík verði
fastmótaður hverju sinni.