Vera - 01.04.1987, Blaðsíða 6

fá fullnægjandi skýringu á því hvers vegna útbreiðsla ólöglegs
varnings hefur verið óheft öll þessi ár.
Bæði innflytjendur og dreifingaraðilar hafa tjáð okkur að þeir
hafi ekki áttað sig á að þeir væru með þessu athæfi að brjóta lög
og við væntum þess að þeir hætti innflutning, og dreifingu nú
þegar á það hefur verið bent.
Hvað gerið þið ef þeir skella við skollaeyrum? Hafið þið íhugað
kæru?
Ingibjörg: Mér finnst rétt að að hafasamband við kvenfélög og
kvennahópaum landið, heyraálit þeirra og fávíðari samstöðu um
málið áður en að út í það verður farið. Persónulega finnst mér
alveg sjálfsagt að láta reyna á þetta fyrir dómstólum ef allt annað
bregst. Það verður spennandi að sjá hvernig brugðist verður við
hér en konur í Evrópu og í Bandaríkjunum sem barist hafa gegn
klámi hafa ekki haft erindi sem erfiði, kærum þeirra hefur verið
stungið undir stól og það hefur í alla staði verið erfitt að fá lögun-
um framfylgt. Klámiðnaðurinn hefur alltaf fundið smugur til þess
að koma þessari ,,vöru“ á framfæri. Ennþá er ekki farið að fram-
leiða þetta hér á landi og þess vegna liggur ekki jafn gífurlegt fjár-
magn í þessu hér, svo við höfum kannski ástæðu til að vera bjart-
sýnni hér enn sem komið er.
Hefur klámiðnaðurinn breyst eitthvað á umliðnum árum?
Signý: Já, það hefur hann gert svo sannarlega og er alltaf að
verða svæsnari og svæsnari. Með tilkomu myndbandanna má
eiginlega segja að stökkbreyting hafi orðið í þessum þokkalega
iðnaði. ,,Bláu“ myndirnar einkennast einkum af grófu klámi þar
sem ofbeldi og misþyrmingar á konum og börnum er algengt.
Klámblöðin hafa mótast af þessum samkeppnisaðila og nú er svo
komið að ekki þykir nóg að sýna berar konur í niðurlægjandi stell-
ingum, konur sem ekki eru manneskjur heldur hlutur sem vega
má, mæla og nota að vild, heldur er um að ræða konur sem má
misþyrma og pína og boðskapurinn er þessi: „Konunum þykir
þetta gott“.
Hvað ætlið þið að gera næst?
Signý: Það er mikilvægt að fólk haldi áfram að fylgjast með og
kynna sér hvaða klám og hryllingsblöð og annað ofbeldisefni er
á boðstólum og aðgengilegt börnum jafnt sem fullorðnum. Við
höfum nú talað við allmarga verslunareigendur og bent þeim á
hvað okkur finnst um varning þennan og að þeir séu að brjóta lög
með því að hafa hann til sölu. Þegar við fórum af stað voru aðeins
tvær bókaverslanir á höfðuborgarsvæðinu sem ekki seldu klám-
blöð af neinu tagi, voru ,,hreinar“ eins og við segjum. ÞAÐ voru
Bókaverslun Snæbjarnar í Hafnarstræti og Bókabúð Olivers
Steins í Hafnarfirði. Eftir fyrstu herferð okkar í búðunum fjar-
lægði Bókabúð Máls og Menningar klámblöðin úr hillum sínum.
Frá Húsavík vorum við svo að fá þær gleðilegu fréttir að eina
bókabúðin þar í bæ, Bókabúð Þórarins Stefánssonar hafi þessi
blöðekkitilsölu og hafialdrei haft. Sú búðselurheldurekkistríðs-
leikföng. Okkur finnst sjálfsagt að konur beini viðskiptum sínum
til þessara aðila.
Við höfum hugsað okkur að næsta skrefið yrði að snúa sér að
myndbandamarkaðnum og bjóða ráðamönnum að horfa á þann
sora sem þar er á boðstólum.
Nú er oft sagt að bann við kiámi sé skerðing á tjáningarfrelsi,
hvað segið þið um það?
Helga: Það erfjarri öllu lagi að slíkt bann sé frelsisskerðing eins
eða neins. Þvf er þveröfugt farið. Hið óhefta flóð af klámfengnu
efni, jafnt í frjálsum fjölmiðlum sem ríkisfjölmiðlum, og sem nú
dynur á öllum landslýð, skerðir frelsi allra góðra manna, sérstak-
lega kvenna og barna. Það er t.d. bein skerðing á persónufrelsi
mínu að geta tæpast komið svo inn í bókaverslun, stórmarkað
eða myndbandaleigu án þess að við mér blasi myndir af konum
í fáránlegum og niðurlægjandi stellingum eöa myndir af konum
og börnum sem verið er að berja eða misþyrma á annan hátt. Ég
tel að gróft ofbeldi og klám í máli og myndum sé andlegt eiturlyf,
jafnhættulegt sálinni og önnur eiturlyf eru líkamanum. Öll slík
eiturlyf á að banna. Prent- og ritfrelsi og annað tjáningarfrelsi
kemur þessu máli því ekkert við.
Gerðuberg
Við bjóðum uppá
aðstöðu fyrir:
Örugglega eitthvað fyrir þig,
fáðu þér kaffi og lestu blöðin hjá
okkur. Kaffiterían er opin
kl. 16—22. Símar: 79166 og 79140
Borgarbókasafnið
Gerðubergi
Líttu við:
• sýningar
• tónleika
• fundi
• ráðstefnur
Bókasafniö þitt
Opið mánud.—föstud. kl. 9—21
Símar: 79122 og 79138
• bækur
• tungumál á snældum
• tónlist og tónlistarhlustun
• sögustundir o.fl.
Gerðu Gerðuberg að þínu húsi
i
6
J