Vera - 01.04.1987, Blaðsíða 28

fáar aö það er kannski bara ein
kona á fjölmennum karla-
vinnustað.
Flestar konur þekkja sjálf-
sagt stöðuna sem myndast
þegar kona kemur í karlahóþ.
Áhrifin eru bæði jákvæð og
neikvæð og geta verið mjög
neikvæð fyrir sjálfsímynd konu
sem ein í karlahópi verður oft
að laga sig að reglum hans
bæði skráðum og óskráðum.
Þær eiga þá erfitt með að
halda kvenlegum eiginleikum
sínum. Þess vegna hefur það
reynst vel að þær stofni stuðn-
ingshópa eða samskiptahópa
til að rjúfa einangrunina og
styðja hver aöra til að þær gef-
ist hreinlega ekki uþþ. Eða
eins og segir í fréttabréfinu
okkar þá er menntun i karla-
greinum ekki neitt undralyf
fyrir konur sem eru að fara út á
vinnumarkaðinn. Stelpur með
sveinsbréfið upp á vasann
koma oft að luktum dyrum hjá
fyrirtækjum. Það er augsýni-
lega mikilvægt að hvetja at-
vinnuveitendur til að hugsa á
nýjum brautum. Spurningin er
hvaða aðferðir eru árangurs-
ríkastar. BRYT efast um
hversu mikið hvetja á stúlkur til
Hvað hindrar konur?
Hér á íslandi er atvinnuleysi
meira falið svo aðgerðir bein-
ast meira að konum almennt.
að hasla sér völl í hefðbundn-
um karlagreinum. Iðnnám hef-
ur skilað sér verr fyrir stelpur
en stráka, um það þera rann-
sóknir á hinum Norðurlöndun-
um vitni. Þar hafa aðgerðir líka
beinst meira að ungum stúlk-
um og atvinnulausum konum.
Það þarf annarsvegar að gera
stelþum í skólunum grein fyrir
því að fleiri leiðir séu til og að
gera þeim sem vilja kleift að
velja þær. Hinsvegar þarf að
bjóða fullorðnum konum nám-
skeið í að stofna sín eigin fyrir-
tæki og hvetja þær til að sækja
um hærri stöður í þeim fyrir-
tækjum sem þær vinna hjá.
Brjótum múrana ætlar aö
koma af stað aðgerðum til að
auka fjölbreytni í starfsvali
kvenna og að rannsaka hvað
veldur og hvað viðheldur þeirri
kynjaskiptingu sem er á at-
vinnumarkaðnum. Athuga
hvað hindrar konur í að fara í
hefðbundin karlastörf og hvað
það er í umhverfinu og í konun-
um sjálfum sem hindrar/hvetur
þær til að velja óhefðbundnar
leiðir. — Hvað það er i kerfinu
sem hindrar/hvetur bæði
stráka og stelpur til að breyta
út af hefðbundnu starfs-/náms-
vali. Ein leiðin til að auka fjöl-
breytni í námsvali stúlknaerað
endurmennta kennarana.
Ljóst er að stelpurnar fá minna
af tíma kennara og námið, sér-
staklega á eðlisfræði- og
stærðfræðibrautum, er miðað
meira við þarfir og reynsluheim
strákanna. Það þarf því að
undirbúa kennara í raungrein-
um grunnskóla, menntaskóla
og í verkmenntaskólum sér-
staklega með tilliti til þessa.
Það er nefnilega ekki nóg að
hvetja stelpurnar til að velja
raungreinar ef þær svo mæta
engum skilningi hjá kennara
sínum. Þær verða utanveltu í
náminu og þurfa að leggja á
sig meiri vinnu til að standa
jafnfætis strákunum og helst
að vera hæstar í bekknum til
að fá einhverja viðurkenningu.
Verkefninu er ætlað að bein-
ast að konum sérstaklega til að
auka fjölbreytni í náms- og
starfsvali þeirra. Það hefur
stundum verið sagt að koma
kvenna inn í hefðbundnar
starfsgreinar karla hafi beinlín-
is lækkað launin og þarmeð
veikt stöðu stéttarinnar sem
veldur síðan því að karlarnir
flýja í önnur störf. Þetta er ekki
alveg rétt. Kannanir erlendis
hafa sýnt að þegar körlum
fækkar í ákveðnum stéttum
vegna lélegra kjara eiga kon-
urnar greiðari aðgang að þeim
störfum og þá er líka beinlínis
óskað eftir þeim. Möguleikar
kvenna til starfanna aukast
þannig í beinu hlutfalli við
áhugaleysi karlanna.
Til að auka þátttöku kvenna í
öðrum greinum en hefðbundn-
um kvennagreinum er einkum
þetta á döfinni hjá Brjótum múr-
ana, á Akureyri.
Næsta verkefni Brjótum
múrana er KONUR STOFNA
FYRIRTÆKI sem hefst fyrstu
helgina í apríl. Þessu nám-
skeiði er ætlað að styðja konur
sem hafa í hyggju að stofna
eigið fyrirtæki. Námskeiðið er
alls þrjár vinnuhelgar ásamt
ráðgjöf á milli helganna og í
a.m.k. 3 mánuði eftir að nám-
skeiðinu lýkur. í undirbúningi
er líka að koma á samskipta-
neti kvenna á Akureyri og í
nágrenni, til að styrkja stöðu
kvenna og gera þær meðvit-
aðri um stöðu sína og styrk.
Svona samskiptaneti væri
hægt að koma á fót með opn-
um fundi fyrir allar konur sem
starfa í og nema hefðbundnar
karlagreinar. Þessar konur
bæðifaglærðarog ófaglærðar,
gætu t.d. skipt sér í hópa ann-
aðhvort eftir starfsgreinum eða
þá þverfaglega. í sumarverður
svo væntanlega hrundið af
stað rannsókn á stöðu kvenna
í hefðbundnum karlastörfum.
Hugsanlegt er að hafa þessa
könnun á stærra svæði en
verkefni Brjótum múranatekur
til. Hægt væri t.d. að taka viðtöl
við allar þær konur sem útskrif-
ast hafa úr iðnnámi, hefð-
bundnu fyrir karla, á undan-
förnum 10—15 árum.
Elín
Hugsaðu vel um Veruna þína. Nú er hægt að fá
möppu á 200 kr, merkta Veru í Kvennahúsinu,
Hótel Vík. Þá er líka hægt að fá Veru frá upphafi,
ef þig vantar í safnið. Hafðu samband, síminn er
22188.
Bestu kveðjur,
28