Vera - 01.12.1987, Blaðsíða 33
huguð, kemur í Ijós að hlutur hvers aðila er rúmar 83
milljónir á ári í þrjú ár. Til fróðleiks næmi hækkun að-
stöðugjalda á meðalfyrirtæki um 22 þúsundum króna,
eða 66 þúsundum á þremur árum. Til viðmiðunar kostar
hálfrar síðu auglýsing í lit í Morgunblaðinu 64 þúsund
krónur. Þarna væri því ekki miklu fórnað.
Hlutur borgarinnar þyrfti hins vegar að hækka um
tæp 73%, úr 48.2 milljónum á fjárhagsáætlun nú í 83.3
milljónir. Framlag ríkisins til uppbyggingar dagvista í
Reykjavík á þessu ári á að vera 10.2 milljónir og þyrfti því
að hækka hressilega. En í framhjáhlaupi skal þess getið
að ríkið greiðir jafnan sinn hlut eftir á og er stórskuldugt
við borgina.
Minnst 110 milljónir í dagmæðrakerfið — 80% frá for-
eldrum. Úr rökstuðningi með tillögunni:
Mörg þeirra barna, sem bíða eftir dagvistarplássi
hjá borginni, eru nú hjá dagmæðrum. Til þess að
borgin geti sinnt þörfum þessara barna er nauðsyn-
legt að fjölga heimilum verulega. Þá fyrst ætti fólk
kost á vali milli dagvistarheimila og annarrar dagvist-
ar. Benda má á, að í gegnum dagmæðrakerfið í borg-
inni fara a.m.k. 110 m. kr. á ári, þar af um 80% beint
úr vasa foreldranna. Ef stór hluti þeirra fjármuna,
sem nú fer í dagmæðrakerfið, rynni til reksturs dag-
vistarheimila borgarinnar og gjaldskránni yrði að
auki breytt, eins og tillagan gerir ráð fyrir, ykist svig-
rúm borgarinnar til að bæta kjör þess fólks, sem á
heimilunum vinnur. Við fengjum því væntanlega
betri heimili fyrir fleiri börn.
Viötökur og afgreiðsla í borgarstjórn
Hvernig skyldi svo tillögunni hafa verið tekið í borgar-
stjórn? Þeir sem ekki vita betur telja vafalaust að í borg-
arstjórn fari fram málefnaleg umræða um tillögur sem
eru þar til umfjöllunar og afgreiðslu. í öllu falli sé þannig
farið um mál sem snerta hagsmuni nánast allra heimila
í borginni. Því miður — það er öðru nær. Tillögunni var
vísað frá með 9 atkvæðum meirihlutans gegn 6 atkvæð-
um minnihlutans eftir sérkennilegan málflutning for-
manns dagvista barna.
„...líta út úr myrkum músarholum svartsýninnar..."
Án þess að ætlunin sé að tiunda frávísunartillögu
meirihlutans hér, er nauðsynlegt að fleiri en þeir sem
sitja í borgastjórn fái smjörþefinn af málflutningi meiri-
hlutans í þessu máli. Því verða hér birtar glefsur úr ræðu
formanns dagvista:
„Fulltrúar minnihlutans hafa tekið ábendingu borgar-
stjóra á síðasta borgarstjórnarfundi, þegar ráðhúsið var
rætt alvarlega þar sem hann benti þeim á að líta út úr
myrkum músarholum svartsýninnar. En það hefur
reyndar orðið þeim ofviða, og þessi tillaga ber þess
merki að þeir hafi fengið ofbirtu í augun og víðáttubrjál-
æði.“
Og síðar: „í fyrsta lagi er hér um að ræfða yfirborðstil-
lögu sem, ef samþykkt yrði og samkomulag yrði við ríkið
um, væri til þess fallin að kalla á stóran hóp sérhæfðra
starfsmanna á örskömmum tíma. Slíkt er næsta an-
kannalegt við núverandi aðstæður á þessum sérstæða
vinnumarkaði."
Fyrri ummæli dæma sig sjálf, eru á því stigi að þau
eru vart svaraverð. Það er hins vegar umhugsunarefni
að þessháttar umfjöllun sem hér er lýst er ekkert ný-
mæli í borgarstjórn Reykjavíkur. Þar svífur illu heilli sá
andi að oftar en ekki er bæði fjallaö ómálefnalega og
ósæmilega um tillögur minnihlutans.
í þetta sinn gekk reyndar málflutningurinn svo fram
af mörgum að foreldrar sáu ástæðu til að bera opinber-
lega fram mótmæli vegna afgreiðslu málsins.
Um síðari ummælin er það að segja að í tillögunni er
sérstaklegagert ráð fyrir að gjaldskrá dagvistarheimila
verði tekin til endurskoðunar í því skyni að auka líkur á
hækkun launa starfsfólks dagvista. Tilkoma stað-
greiðslukerfis skatta og skattakorta auðveldar þetta í
framkvæmd.
Ljóst er að ekki auðnaðist að ná samstöðu í borgar-
stjórn um átak og nýjar leiðir til að bæta stöðu barna í
borginni. Við vonum þó að ekki sé öll nótt úti enn. Allir
sem láta sig þessi mál varða eru hvattir til að fylgjast
með þróuninni og beita áhrifum sínum til að efla sam-
stöðu um átak til að þurrka upp biðlistana, og koma dag-
vistarmálum í eðlilegt horf.
dl
Fjárhagsáætlun
Reykjavíkurborgar
1988
Nú stendur yfir gerö fjárhagsáætlunar
Reykjavíkurborgar fyrir áriö 1988. Athygli
borgarbúa, svo og hagsmunasamtaka
(t.d. íbúasamtaka), er vakin á aö óskir, til-
lögur og ábendingar varöandi gerö fjár-
hagsáætlunarinnar þurfa aö hafa borist
borgarráöi fyrir 24. nóvember n.k.
4. nóvember 1987.
Borgarstjórinn í Reykjavík.
33