Vera - 01.02.2000, Blaðsíða 34
Anna og Gísli Guðjónsson réttarsálfræðingur - Mynd RÚV, Ásdis Emilsdóttir Petersen.
um til að heimsækja í staðinn fyrir endalausar sól-
arlandaferðir. Fólk var til í ævintýri og útivist og
sagan endurtekur sig alltaf, Island var vinsæll
staður fyrir ævintýramenn fyrir hundrað árum og
verður það örugglega eftir önnur hundrað. Nú er
Island svo áberandi og vinsælt að ég held að það
séu nokkur ár í að það detti úr tísku."
0 upphafi samtalsins minntist Anna Hildur á
að hún væri að skrifa ævisögu. Af hverju
ákvað hún að takast á við að skrifa ævi-
sögu Gísla Guðjónssonar? „Ég tók strax
eftir störfum Gísla þegar ég byrjaði að vinna sem
fréttaritari, ég tók við hann mitt fyrsta sjón-
varpsviðtal og fljótlega tókst með okkur vin-
skapur. Ég hafði mikinn áhuga á því sem
hann var að gera og sóttist eftir að segja frá
því og það kom mér á óvart hvað hann var
lítið þekktur á Islandi miðað við þau stór-
kostlegu afrek sem hann hafði unnið á
sínu sviði. Hann er almennt viðurkenndur
sem fremsti réttarsálfræðingur í heimi.
Þegar ég fór að finna fyrir því að það
gæti verið að mig langaði að skipta um
starfsvettvang, þá langaði mig að kafa
djúpt í eitthvert eitt mál því það að vera
fréttaritari getur verið dálítið yfirborðs-
kennt. Ég ákvað að búa til heimildaþátt
um Gísla fyrir útvarp til að sýna fram á
eitthvað af því sem ég hafði lært. Það
tókst mjög vel og uppfrá því impraði ég á
því við hann hvort við ættum ekki að skrifa
bók." Hún er ekki í vafa um að það sé þess
virði að skrifa ævisögu Gísla Guðjónssonar.
„Ef það er einhver maður sem mér finnst að
sé verðugur þess að ævisaga hans komi út á ís-
landi þá er það Gísli Guðjónsson því hann á
heillandi sögu að baki og starfsferill hans hefur
verið alveg einstakur," segir hún.
Anna Hildur er byrjuð að ókyrrast. Ég veit að hún
á að vera mætt á fund en ákveð að spyrja einnar
spurningar til: Hvað heldurðu að þú verðir að
gera eftir eitt ár eða fimm eða tíu? „Ég hef ekki
hugmynd um það," segir hún snarlega. „Ég vona
bara að ég verði með fjölskyldunni á stað sem
mér líður vel á. Ég velti því aldrei fyrir mér hvað
framtíðin ber í skauti sér, ég flýt áfram á því sem
ég er að gera, helli mér alltaf í allt af miklum
áhuga og ákafa. Þau verkefni sem ég er nú að
vinna eru ákaflega skemmtileg og ég vona að þau
haldi áfram að vera það. Mér gengur mjög vel að
vinna með Bellatrix, andrúmsloftið er skemmtilegt
og hlutirnir ganga vel. Ég ætla líka að leyfa mér
þann munað að fara í sumarþústað bráðlega og
vinna að ævisögunni. Það er lærdómsrík og góð
samvinna sem ég á við Gísla Guðjónsson sem ég
vona að eigi eftir að skila sér í aðgengilegri ævi-
sögu um athyglisverðan og afkastamikinn vís-
indamann. Þannig að ég get ekki kvartað yfir því
að mér leiðist ( vinnunni," segir Anna Hildur og
bætir við: „Maður veit aldrei, ævintýrin liggja
alltaf þar sem maður á síst von á, þannig að ég
ætla ekki að gefa neinar yfirlýsingar um framtíð-
ina."
Svalbarðsströnd
sími: 462 4769
fax: 462 7040
netfang: kvam@est.is
Inniheldur græðandi, bólgueyðandi og
kláðastillandi jurtir m.a. vallhumal, blóðberg,
lofnarblóm og kamillu. í smyrslinu er einnig tea-
tree olía sem þekkt er fyrir frábær áhrif gegn
sýklum og sveppasýkingu.
Græðismyrslið hefur reynst mörgum vel við
ýmsum húðkvillum s.s. þurrkublettum, exemi og
psoriasis. Flýtir fyrir að græða sár og ör. Dregur
úr bólgu, sviða og kláða. Mýkir og verndar
viðkvæma húð. Góð kuldavörn úti í frosti.
Einnig fáanleg Græðiolía.
Gigtarolía
Kröftug og áhrifarík nuddolía fyrir liði og
vöðva. Vinnur gegn stirðleika í liðum,
sinadrætti, vöðvabólgu og spennu.
Dregur úr verkjum og örfar blóðrás til
húðarinnar og tregt sogæðarennsli.
Vörur Urtasmiðjunnar eru hrein
Náttúruleg framleiösla úr
íslenskum jurtum, sem læknar hafa
mælt með. Fást m.a. í helstu
heilsuvöruverslunum, hjá framleiðanda
og á netinu.
34 • VERA