Neisti - 18.05.1978, Blaðsíða 2

Neisti - 18.05.1978, Blaðsíða 2
NEISTI Fimmtudagurinn 18. maí 1978 3 LÝÐRÆÐI JAFNRÉTTI SANNGIRNI Því er stundum haldið fram að hugsjónir eigi- ekki lengur erindi inn í umræður um bæj- armál. Stjórn bæjarmála eigi að ráðast einvörðungu af sjónar- miðum arðsemi og hagkvæms rekstrar eins og um fyrirtæki væri að ræða, og lífviðhorf manna skipti þar ekki máli. Vissulega má á það fallast að fyllstu hagsýni þarf jafnan að gæta í meðferð bæjarmála. Hitt er þó jafnljóst að hagræn sjón- armið mega hér ekki vera ejn- ráð. Bæjarmál snúast hér nefnilega ekki eingöngu um peninga , og ráðstöfun þeirra, heldur ekki síður um samskipti lifandi fólks. Þessi staðreynd veldur því að félagsleg sjónar- mið þurfa oft að verða hag- kvæmissjónarmiðunum yfir- sterkari. Það er þess vegna fullt tilefni til þess að rifja upp þau grundvallarsjónarmTð sem jafnaðarmenn vilja byggja af- skipti sín á bæjarmálum á. Þessi grundvallarsjónarmið felast í orðunum lýðræði-jafn- rétti-sanngirni. Þannig vilja jafnaðarmenn að andi lýðræðis móti öll stjórnunarstörf í bæj- arfélaginu, ekki aðeins að formi til, heldur einnig í framkvæmd. Um þetta atriði kom nýlega upp ágreiningur í bæjarstjórn Siglufjarðar. en þá ætluðu nokkrir bæjarfulltrúar að koma í veg fyrir að ákveðnar tillögur varðandi fjárhagsáætlun bæj- arins fengju eðlilega umræðu, þar sem þeir voru tillögunum ósammála. Sem betur fer tókst með tilstyrk góðra manna áð koma í veg fyrir þessi áform, en atvik þetta er þörf áminning um að menn verða jafnan að vera á varðbergi um lýðræði og alltaf munu einhverjir verða tilbúnir til þess að skoða það fótum. Jafnaðarmenn um allan heim hafa lengi barist fyrir at- vinnulyðræði og þáttöku starfsfólks í stjórn fyrirtækja. íslendingar eiga mikið verk ó- unnið í þessum efnum, og ekki seinna vænna að hefjast handa. Hér á Siglufirði eru ýmiss fyr- irtæki, sem gætu áreiðanlega haft hag af þátttöku starf sfólks í stjórn. Má þar t.d. nefna Þor- móð ramma H/F, ' þar ' sem auðvelt væri að stíga fyrstu skref til atvinnulýðræðis með því að fjölga um tvb menn í stjórninni, sem yrðu kosnir af starfsfólki fyrirtækisins, annar af sjómönnum, en hinn af starfsfólki í landi. Hugmyndir jafnaðarmanna um jafnrétti hafa grundvallar- þýðingu í bæjarmálum. Þannig telja jafnaðarmenn að allir eigi að hafa jafnan rétt í leit sinni að lífshamingju einnig. þeir, sem aldraðir eru eða sjúkir og einnig þeir sem fátækir eru. Á þessar hugsjónir jafnaðarmanna reyn- ir á fjölmörgum sviðum hins daglega lífs, í atvinnumálum, heilbrigðismálum, menntamál- um og félagsmálum. Nú á dög- um deila fáir við jafnaðarmenn um réttmæti þessara hugsjóna. Þær eru orðnar sú Lilja sem allir vildu kveðið hafa. Einnig í þessum málum verða menn samt að halda vöku sinni og minnast þess að ekki er langt síðan margir menn töldu jafn- réttishugsjónir jafnaðarmanna óraunhæfar skýjaborgir. Þá þarf að gæta þess að hneigð til misréttis birtist sífellt í nýjum myndum. Sú hugmynd er t.d. lífsseig hjá sumum, að menn eigi að hafa meiri rétt séu þeir félagar í tilteknum stjórnmála- flokki. Á þessar hugmyndir hefur mjög reynt í bæjarmálum Siglufjarðár í seinni tíð, einkum varðandi stöðuveitingar. Jafn- aðarmenn eru að sjálfsögðu ósammála þessum hugmynd- um í grundvallarátriðum. Um- sækjanda um stöðu nægir þannig ekki það eitt að vera t.d. framsóknarmaður, til þess að eiga að fá stöðuna, eins og sumir virðast telja. Til grund- vallar stöðuveitingum þarf auðvitað að liggja mat á hæfni umsækjenda án tillits til stjórnmálaskoðana þeirra. Síðast en ekki síst vilja jafn- aðarmenn láta sanngirni ráða athöfnum sínum í bæjarmál- um. í því felst m.a. að sýna andstæðingum sínum og skoð- unum þeirra fyllstu tillitssemi og freista samstarfs um öll þau málefni sem samstaða næst um. Það er því miður alltof algengt að til bæjarstjórnar veljast óbil- gjarnir menn, sem öllu vilja einir ráða og hamast gegn öll- um tillögum andstæðinga, án þess að taka tillit til þess hvort þær eiga ' rétt á sér eður ei. Dærni um slíka afstöðu var nefnt hér að framan. Síík vinnubrögð vilja jafnáðarmenn kveða niður í þeirri trú, að í , öllum mönhum búi eitthvað gott og þrátt fyrir ýmis ágrein- ingsefni hljóti allir þeir sem að bæjarmálum starfa vilja vinna bæjarfélagi sinu gagn. Sauðárkrókur Listi Alþýðuflokks við bæjarstjórnarkosningarnar 28. m'aí 1978 1. Jón Karlsson, bæjarfulltrúi, Form. Verkamannafél. Fram, Hólav. 31. 2. Baldvin Kristjánsson, húsvörður, Víðihlíð 13. 3. Helga Hannesdóttir, húsmóðir, Hólmagrund 15. 4. Guðmundur Guðmundsson, byggingameistari, Grundarstíg 14. 5. Elnar Sigtryggsson, byggingameistari, Smáragrund 6. ¦ 6. Dóra Þorsteinsdóttir, húsmóðir! Ægisstíg 10. 7. Pétur Valdimarsson, verkamaður, Fornósi 4. 8. Ólöf Konráðsdóttir, verkakona, Víðigrund 8. 9. Valgarður Jónsson, vélsmiður, Öldustíg 17. 10. Ragnheiður Þorvaldsdóttir, verkakona, Víðigrund 6. 11. Gestur Þorsteinsson, bankafulltrúi, Grundarstíg 2. 12. Svavar Jósefsson, vinnuvélastjóri, Raftahlíð 33. 13. María Gréta ólafsdóttir, verslunarmaður, Hólavegi 20. 14. Kristinn Björnsson, bifreiðastjóri, Víðihlíð 1. 15. Bára Haraldsdóttir, verkakona, öldustíg 6. 16. Friðrik Friðriksson, sjómaður, Bárustíg 7. 17. Jóhanna Jónsdóttir, húsmóðir, Hólavegi 14. 18. Erlendur Hansen, framkvæmdastjóri, Skagfirðingabraut 45. Skagaströnd Listi Alþýðuflokks við hreppnefndarkosningarnar 28. maí 1978 1. Elín H. Njálsdóttir, póstmaður Fellsbraut 15. 2. Bernódus Ólafsson,oddviti Bankastr 3. 3. Gunnar Sigurðsson, lögr.þjónn Sunnuvegi 3. 4. Magnús ólafsson, skipasmiöur Fellsbraut 15. 5. Gunnar H. Stefánsson, verkam. Hólabraut 27. 6. Þórarinn Björnsson, vélsmiður Bankastr. 9. 7. Ragna Friðriksdóttir, húsmóðir Miðnesi. 8. Einar S. Helgason, verkam. Sólvangi. 9. Sigurjón Guðbjartsson, skipstj. Hólabraut 5. 10. Guðmundur Jóhannesson, kafari Hólabraut 25. Alþýðuflokkur og óháðir til sýslunefndar Björgvin Brynjólfsson, sparisjóðsstjóri. Gunnar Sveinsson, skipstjóri. Siglufjörður Listi Alþýðuflokss við bæjarstjórnarkosningarnar 28. maí 1978 1. Jóhann G. Möller, bæjarfulltrúj 2. Jón Dýrfjörð, vélvirki 3. Viktor Þorkelsson, verslunarmaður 4. Anton Jóhansson, kennari 5. Arnar Ólafsson, rafmagnseftilnaður ¦ 6. Hörður Hannesson, sjómaóur 7. Björn Þór Haraldsson, verkstjóri 8. Sigfús Steingrímsson, verkamaður 9. Erla Ólafsdóttir, húsfrú 10. Erling Jónsson, vélvirki 11. Birgir Guðlaugsson, byggingamaður 12. Ragnar Hansson, rafvirki 13. Óli Geir Þorgeirsson, verkamaður 14. Ásta Kristjánsdóttir, fóstra 15. Páll Gíslason, útgerðarmaður 16. Sigurgeir Þórarinsson, verkamaður 17. Þórarinn Vilbergsson, byggingamaður 18. Friðrik Márusson, verkstjóri

x

Neisti

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Neisti
https://timarit.is/publication/848

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.