Neisti - 18.05.1978, Síða 3

Fimmtudagurinn 18. maí 1978
NEISTI
3
Elín Njálsdóttir í fyrsta sæti A - listans á
Skagaströnd
Ef konurnar
meina það sem
þær segja heima
í eldhúsi
„Ég hvatti þær náttúrulega
til að koma og sagði við þær
að ef þær meintu eitthvað af
því sem þær segja heima í
eldhúsi, að þær vilji breyt-
ingar og konur fái elnhver á-
hrif, þá skyldu þær fara og
kjósa".
Þetta oru orð Elínar Njáls-
dóttur sem skipar fyrsta sæti
A - listans við sveitarstjórn-
arkosningarnar á Skaga-
strönd í vor.
Neisti hafði samband við
Elínu til að forvitnast um
hvemig henni litist á það að
vera komin í fyrsta sætið á list-
anum. Elín var að vonum á-
nægð með það og sagði að það
hefði ráðið úrslitum að konur
fjölmenntu á kjörstað, nú væru
þær búnar að fá nóg af því að
það væru alltaf karlmenn sem
stjóma öllu og finnst vera
kominn tími til að konur láti til
sín taka. Um baráttumál sagði
hún, að í raun væru það öll
hagsmunamál byggðalagsins.
Loforð vildi hún ekki gefa en
sagði að vinna bæri að hverju
máli heilshugar eftir því sem
efni og ástæður leyfðu. Helztu
áhugamál hennar eru atvinnu-
málin á staðnum. Það væri
nauðsynlegt að hafa næga og
samfellda atvinnu. Þá er henni
»
það áhugaefni að koma upp
sundlaug fyrir Skagstrendinga.
Elín er mikill kvenskörungur,
hún vinnur sem póstmaður og
hefur verið á hlaupum til
Reykjavíkur annað veifið til að
útvega sér menntun í sambandi
við starfið, þar að auki er hún
nýbúin að eignast sitt þriðja
bam.' Ætti Skagstrandarbúum
að vera óhætt að fela sin mál í
hendur þessari dugnaðarkonu.
Þess má geta að í sveitar-
stjóminni á Skagaströnd hafa
átt sæti 2 Sjálfstæðismenn, 1
Framsóknarmaður, 1 Alþýðu-
flokksmaður og 1 frá Alþýðu-
bandalaginu. Bemódus Olafs-
son fulltrúi Alþýðuflokksins
skipar nú 2. sæti A - listans.
Störf hans í hreppsnefnd hafa
einkenns^ af ábyrgðartilfinn-
ingu og ahuga á velferð sveit-
arfíélagsins. Er brýnt að starfs-
kraftar hans nýtist áfram í mál-
efnum Skagstrendinga. Sé
miðað við þá gífurlega þátttöku
sem varð i prófkjöri jafnaðar-
manna á Skagaströnd eru góðar
líkur á því að Alþýðuflokkur-
inn bæli við sig einu sæti og fái
tvo menn kjöma. Að því ber að
stefna að þau Elín og Bemódus
hljóti bæði kosningu.
Þess má geta að Elín Njáls-
dóttir er fyrsta konan sem
vinnur fyrsta sæti á framboðs-
lista í prófkjöri í íslenskri
stjómmálasögu.
Viðtal við Guðna
S. Óskarsson
Guðni S. Óskarsson
Við síðustu Hreppsnefndar-
kosningar á Hofsósi kom aðeins
fram einn listi og varð því sjálf-
kjörið í hreppsriefnd. Við kosn-
ingamar 28. maí n.k. er hins-
vegar ljóst að framboðslistar
verða 2, þ.e. listi fráfarandi
hreppsnefndar og listi óháðra
borgara.
Þrjú efstu sætin listans skipa:
1. Guðni S. Oskarsson, kennari
2. Bjöm Níelsson, bifvélavirki
3. Gunnar G. Gunnarsson,
vörubílstj.
Tiðamaður Neista átti leið
um Hofsós fyrir skömmu og átti
þá viðtal við Guðna Óskarsson
kennara (sem einnig skipar 6.
sæti á lista Alþýðuflokksins
Alþingiskosningarnar).
Hvernig er ástand í atvinnulífinu
hjáykkur?
Átvinnuástand má teljast
sæmilega gott. Það byggist að
verulegu leiti á fiskvinnslu.
Héðan eru gerðir út 4 — 5
minni bátar sem stunda mest
netaveiðar og grásleppuveiði
auk þess er unnin hér hluti þess
afla sem togarar Otgerðarfélag
Skagfirðinga landa. Sá afli er
unnin í hraðfrystihúsinu en þar
vinna um 30 manns. Verið er að
vinna að stækkur hraðfrysti-
hússins. Við það batnar öll
starfsaðstaða til muna.
Næst stærsta atvinnufyrir-
tækið er Vélsmiðjan Stuðlaberg
en þar vinna 10 — 15 manns.
Það mun vera eina fyrirtækið
ÞRÍR efstu menn
A - listans á Skagaströnd
1. Elín Njálsdóttir
2. Bernódus Ólafsson
3. Gunnar Sigurðsson
Um héraðsmál Austur-
Húnavatnssýslu
Sýslunefnd Austur-Húna-
vatnssýslu er skipuð fulltrúum
þeirra tíu sveitafélaga sem
sýslufélagið mynda, einn frá
hverju án tillits til mannfjölda.
Ibúafjöldi sýslunnar er tæplega
2.500, þar af búa um 600 í
Höfðahreppi (Skagaströnd) en
um 850 i Blönduóshreppi, þó
þessir tveir kauptúnahreppar
hafi um 58% íbúanna eru þeir
aðeins með tvo fulltrúa af tíu í
sýslunefndinni. Það bætir
nokkuð þennan lýðræðisgalla
að samstarfið innan nefndar-
innar er yfirleitt gott. Enda mun
Sýslunefnd Austur-Húnvatns-
sýslu vera ein virkasta héraðs-
stjórn í landinu, að mati þeirra
sem víða þekkja til.
Verkefni sýslunefnda eru hin
sameiginlegu mál hreppanna
sem er feikna fjölþætt og fara
vaxandi. Samgöngumál á veg-
um sýslunnar eru sérmál
sveitahreppanna.
Heilbrigðismál eru stór og
fjölþættur málaflokkur í örri
framþróum, sem þarf að mó.tast
í fastara form, hvað skipulag
snertir. Þar má nefna Héraðs-
hæli Austur-Húnvetninga
rekstur þess og fyrirhugaðar
breytingar og byggingar. Enn-
fremur íbúðarbyggingar fyrir
aldraða, en nú er verið að
Björgvin Brynjólfsson
byggja tíu íbúðir á Blönduósi
og fjórar á Skagaströnd í þessu
skyni á vegum sýslunnar. Hús
þessi urðu fokheld á liðnu ári
og undirbýr sýslunefndin nú
stórátak til áframhaldandi
framkvæmda á þessu ári. Þess-
ar íbúðarbyggingar fyrir aldr-
aða eru einu sjálfstæðu fram-
kvæmdirnar sem sýslufélagið
hefur staðsett hér á Skaga-
strönd.
Menningar- og fræðslumál
eru einnig fjölþætt, og byggjast
að hluta á samstarfi sýslu-
nefndar við félög og áhugahópa
um hin ýmsu verkefni.
Kvennaskólinn á Blönduósi,
sem verður 100 ára á næsta ári,
þarf vegna breyttra viðhorfa til
náms, kennslu og skólamála að
endurskipuleggjast og gera aft-
ur virkann sem skólastofnun.
Eitt af verkefnum sýslu-
nefndar er að beita áhrifum
sínum til að móta félagslega og
atvinnulega uppbyggingu í
héraðinu, í samvinnu við sveit-
arstjórnir sýslunnar og stjórn-
völd landsins.
Blönduvirkjun er það veiga-
mesta verkefni verklegra fram-
kvæmda sem bíður úrlausnar í
þessu héraði. Á undanförnum
árum hefur sýslunefndin sent
frá sér ályktanir um virkjun
Blöndu, þar sem hvatt er ein-
dregið til þessara framkvæmda.
Þar sem Blanda er utan hinna
eldvirku svæða er rekstrar-
öryggi hennar mun meira en
ýmissa annarra virkjana sem
áður hafa verið gerðar. Ekkert
kauptún hér í kjördæminu er
jafnmikið háð raforku sem
Skagaströnd, þar sem ekki er
vitað um virkjanlegan jarðhita
hér á stóru svæði, en önnur
kauptún og kaupstaðir í kjör-
dæminu hafa komið sér upp
hitaveitum. Það er full nauðsyn
að herða sóknina fyrir Blöndu-
virkjun og er þess að vænta að
Skagstrendingar láti ekki sinn
hlut eftir liggja.
Björgvin Brynjólfsson
>•••••••••<
sem hefur sérhæft sig í gerð
hljóðkúta og framleiðir þá í
flestar gerðir bifreiða. Þá hafa
þeir smíðað og sett upp færi-
bönd í sláturhús víða á landinu
t.d. í Borganesi og Selfossi.
Einnig stunda þeir aðra al-
menna vélsmíði. Svo er hér ný-
reist bifvélaverkstæði og starfa
þar 5 menn. Þessi fyrirtæki auk
saumastofu eru helstu vinnu-
veitendur staðarins. Þess má
geta að ein verslun er hér á
staðnum sem Kaupfélag Skag-
firðinga rekur.
Fjölgar íbúum á Hofsós?
Já, hér hefur verið nokkur
fjölgun á síðustu árum og
munar þar mest um að ungt
fólk ílendist en flytur ekki burt.
Ástæðan er sú að atvinnuöryggi
er nú rrieira en áður var.
Hefur mikið verið byggt hér á
síðustu árum?
Já, mikið. Mest hefur verið
byggt af íbúðarhúsnæði bæði á
vegum einstaklinga og hrepps-
ins samkvæmt lögum um
leiguíbúðir þar að auki hafa
nýlega verið leknar í notkun
kennaraíbúðir byggðar af ríki
og hreppsfélagi.Áður er getið
um stækkun hraðfrystihúss,
nýreist bifreiðaverkstæði og svo
ná nefna stækkun á geymslu-
rými Stuðlabergs h/f.
Hvað er að segja um félagslíf
Hofsósinga?
Hér er starfandi leikfélag
sem í vetur hefur æft leikritið
„Afbrýðssöm eiginkona“ Sýn-
ingar eru orðnar þrjár og hafa
verið vel sóttar og fyrirhugað er
að sýna leikritið í nágranna-
byggðum.
Söngfélagið Harpa hefur
starfað af krafti í vetur og
haldið söngskemmtanir heima í
héraði og auk þess farið í söng-
ferðir til Siglufjarðar og inn í
Eyjafjörð. Fyrirhuguð er svo
söngferð til Grímseyjar um
Jónsmessuna. Hér starfar einn-
ig kvenfélag, ungmennafélag,
bridgefélag, skákklúbbur og
Lionklúbbur.
Nokkuð að lokum?
Já, í sambandi við félagslífið
má geta þess að mjög góð að-
staða skapaðist með tilkomu
félagsheimilisins Höfðaborgar
fyrir rúmum fjórum árum.