Vera - 01.02.2001, Side 3

fyrir ráðningu fyrsta lektors i kynjafræðum og
valið á Þorgerði Einarsdóttur í það starf. Von-
andi styrkir ráðningin greinina í sessi þannig
að hægt verði að bjóða upp á meira nám.
Lýtaaðgerð nefnast aðgerðir sem framkvæmdar eru af lýtalæknum. í
þessu blaði er ítarlega fjallað um eina tegund þeirra, brjóstastækkun
í fegrunarskyni. En hvert er lýtið sem rekur svo margar ungar og vel
skapaðar konur til að leggjast undir skurðhnífinn? Lýtið er brjóst þeirra
- venjuleg, heilbrigð brjóst og sú tilfinning að til að verða „raunverulegar
konur" þurfi brjóstin að vera stærri og stinnari. Síðastliðinn áratug hef-
ur hún nefnilega komið aftur ímyndin af konunni sem kvennahreyfingin
reis upp gegn fyrir 30 árum. Ný kynslóð veit lítið um þá baráttu og tekur
nú út á líkama sínum svipaðar þjáningar og konur gerðu áður en frelsis-
rödd femínismans skók heiminn.
Framleiðendur brjóstahalda hafa notið góðs af þessari þróun. Úrvalið
hefur sjaldan verið meira og þar leynast reyndar ýmsar lausnir sem eru
hættuminni en skurðaðgerð og silíkonígræðsla. Það er margt sem konur
hafa lagt á sig fyrir útlitið. Fyrr á öldinni reyrðu ömmur okkar sig í lífs-
stykkin en á blómaskeiði nýju kvennahreyfingarinnar voru brjóstahaldarar
brenndir sem táknræn aðgerð. Að hætta að ganga í brjóstahaldara var
lausn undan þvingandi höftum og til varð hin nýja kona sem tók fagn-
andi á móti frelsinu á fleiri sviðum.
Á hverjum tíma koma útlitskröfur frá samfélaginu og það er verðugt
verkefni að velta fyrir sér hvaðan krafan um stór og stinn brjóst kemur.
Þau eru t.d. þungamiðjan f klámmyndaframleiðslunni sem sjaldan hefur
verið blómlegri og í afþreyingarefni af öllu tagi blasir við sífellt einhæfari
mynd af konum. Þeirri fyrirmynd reyna ungar konur líklega að líkjast og
það skal tekið fram að Vera er ekki að gera lítið úr þeim. Þvert á móti er
tilgangurinn með umfjölluninni í þessu blaði að vekja ungar konur til vit-
undar um þær afleiðingar sem brjóstastækkun í fegrunarskyni getur haft f
för með sér.
í samtali við landlækni kemur fram að hann telur fjölgun brjósta-
stækkunaraðgerða stafa af samfélagsvanda sem við verðum að berjast
gegn. Þar á hann við útlitsdýrkunina sem hefur verið allsráðandi undan-
farið. Vera tekur heilshugar undir þau orð. Sú staðreynd að víða um
heim hafa konur veikst alvarlega af sjúkdómum sem erfitt er að greina en
benda eindregið til þess að eigi rætur að rekja til silíkons í brjóstum,
vekur okkur til alvarlegrar andstöðu. Við getum ekki horft aðgerðalausar á
ungar konur fórna heilsu sinni til þess að stækka barm sinn um nokkra
sentimetra. Það er einnig umhugsunarvert hvað vitneskjan um þessa
sjúkdóma hefur farið hljótt. Það er ekki ný staðreynd að sjúkdómar
kvenna séu minna metnir en sjúkdómar karla. Sú staðreynd getur ekki
látið okkur ósnortnar.
Hæstiréttur og
dómsmálaráðherra
fyrir að velja Ingibjörgu Benediktsdóttur i
starf hæstaréttardómara. Aðeins ein kona
hefur verið skipuð í starfið áður og í ár eru
15 ár síðan það gerðist.
Stíðsglæpadómstóll Sameinuðu
þjóðanna i Haag
fyrir að viðurkenna loks að nauðgun sé glæp-
ur gegn mannkyni. Nýlega voru þrír menn
dæmdir í yfir tuttugu ára fangelsi fyrir pynt-
ingar og nauðganir á múslimakonum í fanga-
búðum Serba í Bosníustríðinu 1992.
Mínus
Silfur Egils
fyrir að velja nánast eintóma karla til að tjá
sig í umræðum. Sömu smástrákarnir koma
þangað í þátt eftir þátt. Hvar eru sjónarmið
kvenna í þessum annars ágæta þætti?
Gunnar G. Schram
fyrir val á fólki sem fékk að skrifa um fram-
tíðarsýn sína í bók sem Gunnar ritstýrði og
tengdist aldalokunum. Kynjuhlutföllin voru
nítján karlar á móti þremur konum. Er ekki
slæmt að mæta nýju öldinni með svo mikla
slagsíðu?
Heiðurslaunasjóður listamanna
fyrir að sniðganga Svövu Jakobsdóttur. Verk
Svövu höfðu ómæld áhrif á skilning kvenna á
hlutverki sínu, þáttur hennar í íslenskri
kvennabaráttu er ómetanlegur. Svava á svo
sannarlega skilið að fá heiðurslaun.