Neisti - 23.12.1978, Blaðsíða 3

N E I S T I
Jólablað 1978
...S6Yldl Gllð SOYl SIYIYI... framhald
á óraunsæja sérvitringa, sem halda að þeir geti komið að
gagni í þessum málum og komið á raunverulegum friði með
orðum, — með Orðinu og kristnum kærleika.
En hvað vita menn svo um jólin? Kona nokkur kvartaði
sáran undan þessum jólasöngvum, þar væri alltof mikið talað
um Guð og Krist. — Og flest börn nútímans vita meira um
jólasveinana í verslunum og sjónvarpinu heldur en Krist,
sem er frelsari heimsins og á afmæli á jólunum.
Hann kom of snemma, þessi Kristur. Kannske verður
heimurinn undirbúinn komu hans eftir hundruð þúsund ára,
hann er það ekki ennþá. Leið hans er of áhættusöm og of
óraunsæ. Jesús passar ekki inn í umgjörð tuttugustu aldar-
innar. Það er alltof lítið pláss fyrir hann hér, þar sem allir
berjast um efnahagsmál, metorð, öryggi og þægindi, og vilja
fá þetta fyrir ekki neitt.
Hvernig er hægt að búast við því að heimur, sem er kúg-
aður af peningum og valdafíkn hlusti á rödd, sem segir: „Ef
þú vilt bjarga lífinu, verður þú að týna því.“ — „Hann kom til
;ignar sinnar, en hans eigin menn veittu honum ekki við-
öku.“
Já, — sagan virðist segja: Þetta var of snemmt hjá þér,
Guð, heimurinn var ekki ennþá viðbúinn komu jólanna. Þú
óðst inn á okkur óviðbúið.
Of snemma? — Er of snemmt að leita þess friðar, sem
sprottinn er af mannkærleika og skilningi, ekki ótta? Er of
snemmt að þyrsta eftir því réttlæti, sem fer eftir manngildi,
ekki eignum, stöðu eða litarhætti?
Kristur kom ekki of snemma. Við komum of seint til hans.
Við eigum ennþá tíma og tækifæri til þess að verða viðbúin
komu hans. Við höfum ennþá tíma til þess að fagna gjörvöll
Adamsætt, til þess að tigna hann, til þess að færa honum gjöf,
ekki gull og myrru, heldur hjörtu okkar, reiðubúin til þjón-
ustu fyrir hann. Þá er ríki hans komið til okkar, og vilji hans
orðinn á jörðu eins og á himnum. Hann kemur í heiminn ekki
aðeins á jólum, heldur sérhvern dag, til þess að segja okkur
að Guð elski okkur, þrátt fyrir kærleiksskort okkar. — Þrátt
fyrir óviðbúnað okkar kemur hann. Hann fæðist, hann
kemur, þótt allsstaðar sé yfirfullt og hvergi pláss.
Mönnunum lánast ekki að loka hann úti.
Undirbúum okkur og verum viðbúin komu jólanna, svo að
ekki verði sagt með sanni um okkur, að hann hafi komið of
snemma til okkar. Góði Guð, hjálpaðu okkur við þann und-
irbúning og gefðu okkur visku vitringanna og falslaust trú-
artraust fjárhirðanna.
GLEÐILEG JÓL
Lárus Þorv. Guðmundsson
ISastu jófra- og
tujáisóskit
FRAMKVÆMDASTOFNUN RlKISINS
Rauöarárstíg 31,
Reykjavík.
------" 1,11
Innheimta þinggjalda í
Siglufjarðarkaupstað
Skattgreiðendur eru hér með minntir á, að 5. og
síðasti gjaddagi eftirstöðva þinggjalda 1978 var hinn 1.
desember s.l. Er því skorað á alla þá gjaldendur, sem
ennþá skulda þinggjöld, að greiða þau nú þegar til
bæjarfógetaskrifstofunnar svo komist verði hjá kostnaði og
óþægindum í sambandi við innheimtu gjaldanna.
heimtu gjaldanna.
Dráttarvextir, 3% á mánuði eða broti úr mánuði, eru
innheimtir af vanskilum lögum samkvæmt.
Mjög áríðandi er, að aUir séu skuldlausir við næstu
áramót.
Bæjarfógetinn á Siglufirði, 15. des. 1978.
EUas I. EUasson.
Siglfirðingar!
Okkar árlegu konfektsölu er lokið.
Við þökkum viðskiptin
Kiwanisklúbburinn Skjöldur.