Vera - 01.02.2003, Síða 44

MEÐAN KONUR ALMENNT ÓTTAST KARLA
SEM HÓP ÞÁ ER TÓMT MÁL AÐ TALA UM
JAFNRÉTTI."
Karlar til ábyrgðar
Þórunn Hrefna Sigurjónsdóttir »Árið 1998 var sett á laggirnar námskeið fyrir ofbeldismenn sem bar yfir-
skriftina Karlar til ábyrgðar. Þetta var tveggja ára tilraunaverkefni sem var
hrundið af stað af sérstakri karlanefnd sem Jafnréttisráð skipaði 1994 en
meginverkefnið var að veita körlum sem beittu ofbeldi á heimili sálfræðimeð
ferð. Að sögn Ingólfs V. Gíslasonar hjá Jafnréttisstofu var nefndin sammála
um að meðan konur almennt óttuðust karla sem hóp þá væri tómt mál að
tala um jafnrétti. Áður hafði Kvennaathvarfið séð um að hlúa að þeim konum
sem urðu fyrir ofbeldi á heimilum en karlarnir, sem ofbeldinu beittu, héldu
því áfram innan sömu fjölskyldu eða tengdust nýjum fjölskyldum sem ekki
leysti neinn vanda. Markmið karlanefndarinnar var að kynna vandann, koma
á fót meðferð fyrir karla sem beita ofbeldi og fá þá til þess að taka ábyrgð
á vandanum.
44 / karlar til ábyrgðar / 1. tbl. / 2003 / vera