Ljósmæðrablaðið - 01.01.1963, Blaðsíða 19

LJÓSMÆÐRABLAÐIÐ
13
Lýsir þetta sér þannig, að sjúklingi verður skyndilega
mjög þungt (dysponea) og hann blánar (cyanosis). Fari
mikið loft inn, getur sjúklingur dáið skyndilega, en ef
um lítið magn er að ræða, geta einkenni verið mjög væg
og liðið frá eftir stutta stund.
Þegar slík slys henda, skal lækka undir efri hluta sjúk-
lings (Trendelenburg staða), til þess að hindra, að loft
komist inn í heilaæðarnar, t. d. við opið foramen ovale.
Snúa sjúklingnum á vinstri hlið, svo að loftið komist
síður inn í lungnaæðarnar. Á meðan á að gefa sjúklingn-
um súrefni (100%) og leitast við að ná blóðþrýstingi upp
og halda honum þar og nægir þetta stundum, til þess að
koma sjúklingi úr allri hættu.
En stöðvist hjartað, þarf að opna brjóstkassann innan
3ja mínútna og gera hjartahnoð og ef mögulegt er, að
draga loft úr hægra hjarta- og lungnaæðum.
5. Bacteriell reaction.
Mengað blóð — sýklar í blóði. Nýtekið blóð er mjög
bacteriueyðandi og er þess vegna álitið, að svo framarlega
sem áhöld öll og flaska eru sótthreinsuð, þá eigi þær fáu
baeteríur, sem með kunna að slæðast, t. d. frá húðinni,
ekki möguleika á að f jölga.
Ef fyrir kemur, að fleiri flöskur reynast ósterilar, hlýt-
ur sótthreinsun að vera áfátt.
Við geymsluna minnkar mótstaða blóðsins til muna, og
er álitið sennilegast, að phagocytar blóðsins verði óvirkir
innan fárra klukkustunda, við það að koma í snertingu
við citrat-upplausnina.
Ef B. coli er í blóði, þá margfaldast hann 10 sinnum á
£ dögum við +4° hita, en miklu meira við stofuhita.
Sumir sýklar valda hæmolysis, aðrir ekki. Dæmi eru til,
að blóð hafi mengast af sýklum, sem vaxa helzt við lágt
hitastig (psychrophilic).