Ljósmæðrablaðið - 01.05.1963, Blaðsíða 5

L J ÓSMÆÐR ABL AÐ.IÐ
31
Þá ber að geta þess að frú Stefanía fluttist til Nes-
kaupstaðar árið 1945, og stundar þar ljósmóðurstörf til
ársins 1962, er hún lætur af störfum vegna aldurs.
Á þessum árum hjálpar hún í heiminn 780 börnum.
Segist frú Stefanína hafa upplifað margt skemmtilegt á
þessu tímabili, þó stundum hafi útlitið ekki verið bjart,
er að var komið. Minnist hún sérstaklega tveggja fæð-
inga, sem hún var læknislaus við. I annað skiptið var
barnið í sitjandi stöðu og handleggur aftur fyrir og upp
með höfði. Tókst henni að bjarga þessu barni lifandi í
heiminn. I hitt skiptið var um tvíburafæðingu að ræða,
og fæddist fyrra barnið í sitjandastöðu, en hitt var í
skálegu. Með hjálp fæddust bæði börin lifandi.
Á allri starfsævi frú Stefaníu hefur ein kona dáið úr
blóðtappa og eitt barn í fæðingu vegna blæðinga.
Að lokum segir frú Stefanía, að munur sé nú orðinn á
fartartækjum þessa, og fyrri tíma. Kveðst hún oft hafa
verið hætt komin á ferðalögum, á hestum, og einu sinni
fór fylgdarmaður hennar niður um ís, en hún komst
klakklaust yfir.
Frú Stefanía hefur verið tvígift og eignast 5 börn og
lifa fjögur þeirra, en menn sína hefur hún báða misst.
Ásamt sínum búverkum og ljósmóðurstörfum hefur
hún alltaf tekið virkan þátt í félagsstörfum á hverjum
stað, sem hún hefur dvalið, og allir sem hafa kynnst
henni segja: Hún er dugleg, glaðleg og hressileg í allri
umgengni. Meðfylgjandi þessum einföldu setningum er
svo lítið kvæði, sem lýsir vel konunni í starfinu, og vin-
sældum hennar.