Ljósmæðrablaðið - 01.01.1972, Blaðsíða 18

18
LJÓSMÆÐRABLAÐIÐ
Safnferð
5. nóv. s.l. efndi L.M.F.Í. til hópferða á söfn borgarinn-
ar. Byrjað var á að skoða þjóðminjasafnið undir leiðsögn
Árna Björnssonar magisters. Síðan var Handritastofnun-
in skoðuð og kynnti Stefán Karlson handritin. Að lokum
var farið í Norræna húsið, og efnt þar til kaffidrykkju.
Ivar Eskeland rakti stuttlega sögu hússins og sýndi ljós-
rnæðrum það.
Slegið var upp örstuttum fundi og rædd sú athugun sem
fram hefur farið á framhaldsmenntun ljósmæðra í hjúkr-
un og samþykkt svohljóðandi ályktun:
„Að tilhlutan Ljósmæðrafélags Islands o. fl. hefur ver-
ið gerð könnun á þeim möguleika að bæta að nokkru úr
tilfinnanlegum hjúkrunarkvennaskorti í landinu, með því
að halda númskeið í hjúkrun fyrir ljósmæður og nýta
þannig starfskrafta þeirra og þekkingu, þar sem vitað er,
að nokkur fjöldi þeirra er ekki í starfi.
Fundurinn ályktar, að eigi þessi tilraun að ná tilgangi
sínum, sé nauðsynlegt, að öllum ljósmæðrum með próf frá
Ljósmæðraskóla Islands gefist kostur á að njóta slíkrar
framhaldsmenntunnar, ef að þessu ráði verður horfið.
Þó telur fundurinn að til mála gæti komið, að réttur til
þessa framhaldsnáms yrði háður inntökuprófi í þýðingar-
mestu undirstöðugreinum. Um leið og fundurinn fagnar
þessara viðleitni til úrbóta á hjúkrunarkvennaskortinum,
skorar hann á yfirstjórn heilbrigðismálanna að binda ekki
aðgang að þessari fullorðinsfræðslu svo þröngum skilyrð-
um, að tilraunin verði fyrirfram dæmd til að misheppn-
ast.“