Ljósmæðrablaðið - 01.04.1972, Blaðsíða 12

36
LJÓSMÆÐRABLAÐIÐ
um, að þær auk ljósmæðraréttinda sinna öðlist rétt til
h júkrunarstarf a. “
„Aðalfundur Ljósmæðrafélags íslands, haldinn að
Hótel Esju 28. maí 1972 beinir þeirri eindregnu ósk til
hæstvirts heilbrigðismálaráðherra, að hann hlutist til um
að endurskoðun ljósmæðralaganna verði hraðað sem mest
má.“
Voru tillögurnar bornar undir fundinn og samþykktar.
II. Áslaug Hauksdóttir gjaldkeri gerði grein fyrir reikn-
ingum félagsins, voru þeir bornir undir atkvæði fundar-
ins og samþykktir samhljóða. Koma þeir sérprentaðir í
Ljósmæðrablaðinu.
III. Skýrslur deildanna.
Fyrst gerði formaður Norðurlandsdeildar Margrét Þór
halldsdóttir grein fyrir störfum hennar og sagði m. a.
Aðalfundur Norðurlandsdeildar var haldinn 20. júní 1971
á Húsavík, og var hann mjög ánægjulegur. Aðalfund 1972,
er ekki enn búið að halda. Hjá Norðurlandsdeild er mikið
félagsstarf og margt unnið. I apríl 1971 héldu þær köku-
og muna basar. Fyrir þá peninga voru keyptar 16 dýnur
og æðadúnsængur í barnarúm fyrir Fæðingadeild sjúkra-
húss Akureyrar, og einnig ver utan um sængurnar.
Þrír félagsfundir voru haldnir á starfsárinu og þrír
skráðir stjórnarfundir.
Á fundi 21. júní 1972 á Akureyri fengum við tvo ágæta
gesti úr Reykjavík voru það Steinunn Finnbogadóttir for-
maður L.M.F.I. og Áslaug Hauksdóttir gjaldkeri félags-
ins. Heimsókn þessi var okkur mjög mikils virði og kunn-
um við þeim hinar beztu þakkir fyrir komuna. Færðu þær
okkur tvo kertastjaka frá Ljósmæðrafélagi Islands og
þakka ég fyrir hönd deildarinnar þá gjöf. Deildin sendi
muni á haustbazar L.M.F.I. eins og undanfarin ár.