Ljósmæðrablaðið - 01.04.1972, Blaðsíða 18

42
LJÖSMÆÐRABLAÐIÐ
leikhúsferð. Lauk síðan fundi með að þakka öllum ljós-
mæðrum fyrir komuna og bað þeim allra blessunar.
Fundi slitið.
Vilborg Einarsdóttir, ritari.
I\lý bók
Ástæða er til að vekja athygli á nýútkominni bók eftir
Vilhjálm G. Skúlason dósent í lyfjafræði við Háskóla ís-
lands.
Er þetta alþýðlegt fræðirit um ávana- og fíknilyf og
heitir Flóttinn frá raunveruleikanum. Dr. Vilhjálmur er
lesendum blaðsins að góðu kunnur þar sem grein eftir
hann birtist í blaðinu ekki alls fyrir löngu.
1 bókinni er fyrst kafli um uppruna lyfja og sögulega
þróun. Síðan eru ávana- og fíknilyf flokkuð og þeim lýst
ásamt verkunum þeirra. Bók þessi á erindi til allra er
láta sig heilbrigðismál nokkru skipta, og er það sannar-
lega stór hópur, ungmenna almennt svo og foreldrar
þeirra og uppalendur. Ætlunin mun vera að dreifa bók-
inni eitthvað meðal skólafólks, einkum þeirra er ljúka
brottfararprófi úr æðri skólum. Vil ég þakka dr. Vil-
hjálmi fyrir þessa vel skrifuðu og mjög svo þörfu bók og
hvetja ljósmæður eindregið til að kynna sér efni hennar.
Einnig má telja lofsvert framtak af Áfengisvarnarráði
og Heilbrigðis- og Tryggingamálaráðuneytinu að hafa
gefið bókina út.
Jóhanna Jóhannsdóttir