Ljósmæðrablaðið - 01.10.1972, Blaðsíða 9
LJÖSMÆÐRABLAÐIÐ
81
gagnfræðapróf, eða landspróf miðskóla sem undirbún-
ingsnám, ættu að geta lokið hjúkrunarnámi á um tveim
árum og tveim mánuðum. Sérstaka námsskrá yrði að
leggja til grundvallar því námi, þar sem felldar væru úr
þær námsgreinar, er þær höfðu numið og lögð meiri
áherzla á hinar.
Athugaðir voru möguleikar á, hvort hjúkrunarskólinn
gæti tekið einn hóp ljósmæðra, sem átti þá að vera auka-
hópur, og veitt honum slíkt nám. Það var rætt á fundi
stjórnar skólans, en reyndist ókleift vegna skorts á hjúkr-
unarkennurum.
Það varð úr, að heilbrigðis- og tryggingamálaráðuneytið
tæki að sér að undirbúa og veita forstöðu hjúkrunarnámi
ljósmæðra og fékk til þess fjárveitingu úr ríkissjóði. Nám-
skeið var auglýst og um það sóttu 23 ljósmæður. Flestar
þeirra voru með tveggja ára ljósmæðranám að baki og
gagnfræðapróf eða hliðstæða menntun. Allmargir nemend-
ur ljósmæðraskólans, sem áttu eftir nokkra mánuði í námi
þar, sóttu einnig um þátttöku. Vegna þeirra fáu umsækj-
enda, sem ekki uppfylltu æskileg inntökuskilyrði, var
ákveðið að hafa 6—7 vikna undirbúningsnámskeið fyrir þá,
sem þess óskuðu og inntökupróf fyrir alla inn í sjálft
hjúkrunarnámið.
María Pétursdóttir, hjúkrunarkennari, var ráðin til að
veita báðum þessum námskeiðum forstöðu. Undirbúnings-
námskeiðið hófst þann 20. ágúst s.l. og fór kennslan fram
í húsakynnum ljósmæðraskólans. Kenndar voru tvær
greinar, líffæra- og lífeðlisfræði og barnasjúkdómafræði.
Kennslu önnuðust læknarnir Gunnlaugur Snædal, Jón
Hannesson og Björn Júlíusson og auk þeirra Alda Hall-
dórsdóttir, hjúkrunarkona, Ljósmæðurnar stóðust allar
próf.
Hjúkrunarnám þeirra hófst þann 9. okt. og í fyrstu
fór það fram í húsakynnum hjúkrunarskólans og ljós-
mæðraskólans, en hópurinn var stærri en upphaflega var