Ljósmæðrablaðið - 01.10.1972, Blaðsíða 15
LJÓSMÆÐRABLAÐIÐ
87
ÚR ÝMSUM ÁTTUM
Bréf þetta sendi stjórn Ljósmæðrafélagsins í haust og
birtist það hér, ásamt svari:
23. okt. 1971
Til stjórnar Bandalags starfsmanna ríkis og bæja.
Stjórn Ljósmæðrafélags íslands vill vekja athygli
stjórnarmanna á því, að hún álítur, að sá ráðningarmáti,
sem viðhafður hefur verið á Fæðingadeild Landspítalans
— og er — er að okkar mati ósanngjarn og óeðlilegur og
teljum því fyllstu ástæðu til að óska eftir mati stjórnar
Bandalagsins á ráðningarformi því, sem þar tíðkast.
Sá háttur er á hafður, að nýútskrifaðar ljósmæður eru
eigi ráðnar nema til eins árs og að því ári liðnu þykir við
hæfi að segja viðkomandi upp starfi, ef ráðamönnum býð-
ur svo við að horfa og er þetta framkvæmt hiklaust, þó sú
sem í hlut á hafi reynzt hin hæfasta í starfi. Uppsagnir
eru með litlum fyrirvara, allt niður í Y» mánuð.
Okkur þykir einnig ástæða til að geta þess hér, að við
undrumst og hörmum, hve mjög er gengið á starfssvið
ljósmæðra á þessari stofnun, ýmist með ráðningu hjúkr-
unarkvenna eða sjúkraliða í þau störf, sem við teljum
óumdeilanlega starfssvið ljósmæðra og þetta gerist á sama
tíma og þjóðin stynur undan hinum alkunna hjúkrunar-
kvennaskorti.
Við leyfum okkur því að senda yður afrit af bréfum,
sem félag okkar hefur nýlega sent til ráðherra og stjórn-
arnefndar ríkisspítalanna til að kynna sjónarmið okkar
varðandi þessi mál.
Virðingarfyllst,
Steinunn Finribogadóttir, formaður